【Venus Minister VIII 之 天地傳說】 (十四)

【Venus Minister VIII 之 天地傳說】 (十四)


思靜在實驗室研究衣食住這三種可行性五年內在香港實行.


從衣方面, 只需根據爺爺們提供金星裡的衣物質料及自動清洗方法, 她在短期內已成功研製出所需衣服,還加上自己的潮流觸角設計出非常時尚的自動清先衣服, 並設計了需極少人手工序的製衣機器. 因她十歲身高已170cm, 把自己裝扮成二十歲比較成熟的女孩跟爸爸一起和廠商商討合作製造機械人增加生產量, 再和商家合作大量在港生產, 讓香港的製造業起死回生. 所有工廠皆是環保形運作, 對環境沒有造成重大 污染. 自此香港成為全球第一個城市擁有自動清洗衣物製造城市, 而且全港人也穿著的衣服,帶領全地球潮流尖端.


食方面, 比較方便, 與製藥商家合作大量生產卓鋒爸爸早早已為他們家庭研製每天一顆的營養糖,與政府商討, 設立農業管理局, 監控所有自己生產及進口食物, 所有食物必需經由中央處理, 市民獲安排各家庭的生日喜慶喜宴日到管轄市場購買食物回家烹飪, 不同於火星人民, 可洗切煮一手包辦, 亦可按照許可証到中央安全管轄的餐廳食市慶祝喜宴日, 還有除有病患, 身孕及哺乳期女性外所有市民必需在食肉蔬果後的數天禁食, 為香港大量節省了用於食物的開支, 解決了糧食短缺問題, 香港市民也同時健康起來.


住方面, 最主要是環保生活原理, 水, 電, 煤, 是香港家庭最主要的能源需求.

在水方面, 思靜研製與火星相同的霧氣沐浴室, 只需全身赤裸行入此沐浴室少於三分鐘已可由頭到腳徹底消毒清潔, 及霧氣消毒洗手機跟沐浴室相同原理, 但需時只需三秒.少水快而靜的洗碗碟機. 思靜還把火星更有效益的污水多次循環再用原理帶進香港, 香港對食水需求量明顯減少八成以上.

核,煤,石油,天然氣被火星評為對環境不利的能源, 所以思靜研究盡量利用天然能源,包括水力, 風力,太陽. 水力方面可利用火星的方法, 把污水多次循環再用的來回動力能量儲存發電供應處理污水及供應家居能源, 天然從天而降雨水的力量也被思靜儲存變為能量供應香港市民平日之用電能源; 研製出敏感風力能源的收集儀, 收集四方八面不同力度的風力能源儲存起; 大陽能方面, 研製太陽能收集儀穿過大空直接 24 小時收集太陽能量再引入香港的收發站,  把所有收集能量供應全港市民. 盡量減用對環境不利的能源. 香港成為全球環境最清新的城市.


思靜和爸爸一起跟香港醫學院合作, 市民可於指定醫院進行植入腦電波術, 一個月內全港市民已可通過爸爸研製出的小型光速能量收發儀在指定香港範圍用腦電波通訊了. 若城市規劃許可下, 思靜相信瞬間轉移指日可待.

因香港有如此大變化的科技進步, 香港屬於中國領土, 中國領導人要求思靜和爸爸對全國實施同樣的方案, 不但中國, 全球元首也有同樣要求, 思靜和爸爸一起接受了全球的資金擁入研究在香港實行了的一切.五年內他們倆父女合力把整個地球的人民生活和香港完全一樣, 除空間轉移暫未能做到.

在思靜十五歲時還以她的超智慧研究到把星球間之時空穿梭時間改變至大致上接近, 火星跟地球間的時空穿梭再沒有改變了.



火星地球研究院的研究員留意地球有如此大改變跟火星上的生活部份相同, 估計有高智商的金星人在地球, 從而發現火星頭號通緝犯丞卓鋒現正在地球, 續報告現時元首 Cornelius,還把卓鋒現時位於地球的資料給元首過目.  Cornelius留意到的居然不是通緝犯丞卓鋒, 而是他的女兒丞思靜的美貌, 驚為天人非要得到手不可, 下令國防局局長丞振鋒捉拿火星頭號通緝犯丞卓鋒現時 45 歲及他的女兒丞思靜 20 歲


因思靜在十五歲時把時空穿梭的時間轉變停頓, 卓鋒的年紀只跟他的大哥哥相同, 因大致相同的生活方式, 劍銘和卓鋒外表只像三十歲的青年人; 但比自己的細哥哥年長十年, 振鋒外表像二十出頭的年輕人; 爸爸及 Hu 爸已 69 歲了, 但因金星生活習慣, 身體機能還保持地球人的 40歲以下, 爸爸 Venus 選擇退休讓兒子考獲國防局局長職位, Hu 爸選擇繼續研究科學, 他們倆外貌只像增添了成熟感五十歲以下的型帥中年人

振鋒接到指令, 立刻與爸爸商量;

振鋒:  爸爸, 地球研究院通知 Cornelius 依家細佬响地球, 落咗命令要我捉細佬同侄女思靜返火星呀, 捉細佬就話佢係通緝犯先至要捉啫, 佢做乜要我哋捉埋思靜呀?

Venus:  嗰個  Cornelius  係老淫虫嚟架, 佢一定見到思靜嘅絕世美貌起色心啦, 所以叫你捉埋佢囉, 唔得喇, 要通知卓鋒先喇.

Venus  準備一房屋後, 訊息 Hugo;

Venus:  Hugo 依家 Cornelius 命令國防局捉卓鋒同埋思靜呀

Hugo:   嗰條老淫虫唔係想搞思靜呀?

Venus:   就係呀, 我準備咗間屋比卓鋒一家過嚟火星避咗  Cornelius 可能  by  pass 振鋒搵人捉佢哋兩個, 如果只係叫佢哋兩父女嚟火星, 我驚條友仔會對卓鋒家人不利, 所以最安全係全家過嚟

Hugo:   咁我諗要研究改良我以前嗰個自我封鎖電波牆同埋個加強防禦網, 用响你留比卓鋒响火星嘅屋企喇

Venus:   你真係勁, 智商勁係唔同啲, 快, 趁佢未諗到要by pass 振鋒前要搞掂晒所有嘢, 唔該晒

Hugo:   仲講呢啲, 佢都係我個仔嚟架, 我一搞店就用蟲洞時空穿梭儀接佢哋一家過嚟啦.

Venus:   你真係諗得周到, 我依家通知卓鋒, 緊密聯繫!



Hugo 日以繼夜加快研究, 不出兩天, 已完成改良版並隨時準備接卓鋒一家到火星已準備的家


同步Venus 訊息卓鋒;


Venus:    卓鋒, 你哋兩父女改善地球生活驚動咗火星地球研究院啲人, 發現有金星人响地球,依家元首搵振鋒捉你呀, 佢係個老淫虫嚟架, 見到思靜靚女, 想搞佢, 叫振鋒捉埋佢呀,振鋒當然唔會行動住啦, 但會好快 by pass 振鋒, 搵其他人捉你哋兩父女, 所以安全起見, 你全家都要過嚟火星, Hu爸已經準備咗個安全屋你哋一家, 除咗 Hu 爸同我無任何人會搵到你哋架, 你一 ready 就訊息 Hu 爸會即刻接你哋過嚟火星.


卓鋒:   好, 唔該晒爸爸


卓鋒告訴家人要立刻到火星, 準備到達火星後才告訴他們自己被通緝原因. 卓鋒訊息Hu 爸他們已預備好. Hugo 迅速把他們一家經蟲洞接到火星來



Venus 和Hugo 到卓鋒火星的家;

Venus:  咁就好喇, 全家人都安全

Hugo:  仔, 你呢間屋嘅加強防禦網同埋你哋每個人嘅自我封鎖電波牆除咗你 Hu 爸我同埋你爸爸之外, 可以通過, 無人可以過到, 咁你哋有乜事隨時可以訊息我哋兩個架, 知道嘛.

卓鋒很感激倆位爸爸:  爸爸,  Hu 爸, 我哋會架喇.

他們轉移離開後;

靜:  爸爸, 我諗你係時候要話比我哋聽發生乜事喇

卓鋒清楚告訴他們自己被通緝的詳盡原因, 他們聽到也報以驚愕的表情, 只有紫鈴及女兒思靜沒有過激反應;

紫鈴:  老公, 係人都會做錯事, 雖然你啲錯事真係比較恐怖,但我同你一齊之後, 只係知道你係一個好愛我嘅老公, 亦都係好愛我哋啲仔女嘅爸爸, 我唔會介意你以前做過啲乜架

靜:  爸爸, 其實我都有啲理解你當時變魔嘅過程, 因為我哋個腦有時真係會過於集中某一啲嘢忽略其他嘢架, 而當時你就係咁, 只不過忽略嘅嘢原來係咁恐怖啫, 我哋就好好采, 爸爸日日都睇住我哋指導住我哋

卓鋒:  思靜諗嘢嘅思維真係唔同啲架喎, 老婆三個乖仔寶貝女, 我哋依家响火星真係要好好守住一家架喇. 老婆, 我哋入房吖, 有啲嘢想同你商量.

倆夫妻入到睡房;

卓鋒:  老婆, 其實我想同思靜傾啲嘢, 如果只係叫思靜入埋我哋間房, 我驚啲仔會擔心, 一陣三個仔响自己房, 你幫我叫埋思靜入嚟吖

靜:  爸爸, 乜事呀

卓鋒:  思靜, 原本只係我返嚟火星就應該可以避過呢一劫嘅, 但呢度個元首對你起咗色心, 要捉埋你過嚟, 如果佢哋去到地球唔見咗我哋倆父女, 佢哋一定對媽咪同哥哥細佬不利架, 所以先至要全家過嚟, 爺爺同 Hu 爺爺已經保護緊我哋架喇, 放心

鈴:  吓, 個元首咁咸濕架

靜:  爸爸, 等我諗辦法對付佢

卓鋒:  你想點對付佢呀?

靜:  有得諗, 比啲時間我爸爸


振鋒報告Cornelius 通緝犯在地球不知所蹤, Cornelius 當然死心不息地找其他人捉拿他們, 最後無功而回. Cornelius 清楚知道通緝犯為國防局局長振鋒之弟, 為免他阻礙自己得到通緝犯之女兒, 振鋒因此被 Cornelius 撤去國防局局長職位, 職位由軍部總指揮官 Adrian暫代及委派他全天候電波監測  Minister 家族成員, Adrian 34 歲實際是振鋒的好友, 他遺傳了爸爸 Abner的一切武術底子, 外表英偉健碩. Adrian是非常佩服振鋒智慧及才華的, 對他這次被元首撤職替他非常不值, 他並沒有全天候電波監測他們, 只是象徵式給元首看到虛擬儀器, 但 Adrian 不能肯定元首會否有兩手準備, 所以通知振鋒全家族留意