就在他回到家裡，Sirius接他回火星。
不幸地，當Venus 剛回到火星就給逮捕，原來是Angel告發他，因她得不到他，而想他死，亦想我不得好過。連Sirius也不知發生什麼事。
當我由醫院回家時，就收到Angel的Whatsapp 說；你看你害Venus被捕了，將會被判死刑了，早告訴你叫你死心，但你又令Venus到地球找你。你看，你一手造成的！
看到信息即時暈了過去，再甦醒過來又在醫院裡。在醫院裡哭不成聲。父母問我什麼事，我說Venus出事了，但又不能告訴他們什麼事。
原來Sirius緊接Angel 後Whatsapp我 : 我是Venus在火星的好友Sirius ，你首先不用擔心，方便我致電給你，請回覆我。
於是我即時回覆他，想清楚發生什麼事情。
即時收到Sirius的電話，找一個沒人的地方接聽電話；
Sirius：倩，你好，Venus經常同我提起你。放心Venus只係去地球而犯法被捕啫，仲未審。我會幫你睇住佢架喇。
我：原來佢嚟地球返去會被判死刑，你做乜唔阻止佢呀？如果佢要死，我情願佢無嚟過地球呀，可唔可以我過火星代替佢死架？（竭斯底里地哭叫著）
Sirius：我有阻止佢架，佢堅決我都無辦法！但你唔駛擔心，Venus唔一定會判死刑架！我會盡量就地球時間，講比你聽佢點，唔駛擔心，保重身體同埋好好照顧Venus同你嘅BB啦！
我：一定要呀！我可以做啲乜架？
Sirius：你只要好好照顧Venus嘅BB就得架喇！
我：總之有需要到我，即刻送我到火星吖！
Sirius：一切要睇Venus想點。係時候去見佢喇！
一個月後，Sirius致電我說，Venus的案件有轉機，叫我放心，同時Sirius詳細告訴我之前Venus和他的所有對話。我感動非常，Venus如此愛我，連性命也不管。
在火星上；
Venus要求即時上庭，在金星法官前交出他一早預備了的證物，商議了半小時後，如Venus預計，法庭決定撤銷控罪，元首還立即委派他監察全地球所有國家航天局，金星國防局及地球研究團隊會在火星全力支援他，無限制他在地球上所有活動，輕便配備器材及天賦超自然能力可跟身到地球。
慶幸他這次在地球發現航天局的錯誤研究，而不用因這次犯法而判死刑，亦因這機會造就全件事在他掌握之中，他預計他一小時後會返回地球。Angel的告發本是他準備會被判死刑前預計到的 ！誰估到這變成幫助了他呢！連Sirius也沒有提及這計劃。只是再和我分開地球兩年時有些不捨及還有不肯定因素，所以哭了。
Sirius：你叻啦，唔早响！
Venus：我喺航天局時有暗示你聽架！哈哈...
Sirius：Angel咪比你激死囉！
Venus：唔理得佢咁多，依家要安撫阿爸阿媽，呢個係我一定要返火星嘅其中一個目的，佢地之前聯同阿哥細妹極力反對我同地球女仔一齊，依家總算有個好嘅結局，唔駛判死刑，可以同佢哋講我過地球做野，有機會返火星帶老婆仔女比佢哋睇。今次唔駛你接送喇！我有足夠設備。
Sirius：話時話吖，原來阿倩嘅性格真係咁難得架喎，頭先佢話可唔可以代替你死呀，勁感動呀，唔怪得你咁愛佢啦！地球仲有無啲咁嘅女仔呀？幫我搵下吖！
Venus: 梗係，你估流架！幫你留意下啦！不過真係好難搵到架！（笑得很甜）
Venus：10分鐘後我要出發地球，幫我準備下吖老友！
年半有多了，在Venus返火星前的悉心安排下，我的生活總算也安然渡過，
我又再次聽到我至愛的聲音在我身邊出現，看到他的影像了，我激動地講出很想講很久的說話；
我：好掛住你呀！（狂哭，這次是發出聲的，已快過我的腦電波了）
Venus：乖，我無事，唔好喊，你身體好嗎？B仔B女好嗎？
我：你想唔想見下佢哋呀？過嚟吖，佢哋响房玩緊，我未幫佢哋改名呀，等你幫佢哋改。我唔識金星話，只係教咗廣東話。Ｂ仔好叻，已經識好多嘢，嚇親我呀！一定係你遺傳比佢架啦！我日日都比你啲相佢哋睇架。咪住！你依家只係影，佢哋會唔會驚架？
Venus：咁我打電話比你吖！（仍用地球人不能看見的影像看他們）
Venus : 阿倩，比佢哋聽吖？
Venus：B仔！
Ｂ仔：爸爸！點解你咁濛嘅？（他們一同走到Venus面前）
Ｂ女：爸爸！
Venus：你哋都咁叻呀！哈哈...果然同爸爸心靈相通喎，爸爸只係影像見你哋呀，第一次聽爸爸把聲，你哋有乜感覺呀？(即時轉回影像腦電波)
Ｂ仔：好好聽呀，同媽咪一樣咁好聽！爸爸快啲返嚟吖！(B女想抱著Venus，但觸不到他而想哭)
Venus：Ｂ女唔好喊，爸爸依家係影像你係掂唔到架，等爸爸錫番！（她感覺到爸爸的吻後即開心地笑呢）
Ｂ仔：家姐講好少字架！我諗只有我明佢講乜囉！
我：哈哈...唔係講好少字，係未講得咁清楚啫！媽咪都明佢講乜架！家姐講嘢無你咁叻，但可能其他嘢好叻呢，你哋都係叻叻爸爸嘅仔女嘛！
Venus： 媽咪都好靚好叻架！
我：你會唔會返地球同我哋一齊？
Venus：會，一定會，你哋等我，好快！好想攬實你哋呀！我依家去準備喇！
這次回地球Venus出現我面前，是突然由影像漸漸變成實體，他的隨身物已在書房全出現並放置好了，是他帶我進書房我才知的呢。我問他為什麼可以帶從未見過的器材來地球，他很興奮地告訴我在火星審判的結果。他還告訴我，所有天賦的超自然能力不會被分離身體來到地球。我簡直不能相信啊！他告訴我一切後，把所有的設備用超能力隱藏了。
家中僱人見到突然出現的男主人感到奇怪，但見到他比相片還英俊，簡直難以相信的說；唔怪得之B仔B女咁靚啦！先生你想飲啲乜呀？
Venus：睇嚟我哋要幫仔女改名喇。倩，你有無諗過呀？
我：中文就有諗過，但都係你改好啲！又唔知你姓乜喎！
Venus：（他想了一會後）我家族祖先係做金星嘅第二決策人就好似中國歷史嘅丞相，我哋嘅姓氏有類似呢個意思，不如姓丞吖。家姐叫丞鎂絲，細佬叫丞劍銘，好唔好呀？
我：叫絲絲，銘銘呀？
Venus：係呀！阿絲阿銘都得！好唔好呀？哈哈...。補領佢哋張出世紙用呢兩個名啦 ，佢哋英文名，阿絲叫Maya Minister，阿銘叫Joshua Minister，父母名你用中文，我用英文名Venus Minister啦。呢啲都好似用正常途徑做好啲。仲有你想唔想响地球註冊結婚呢？想嘅話，我入政府數據庫加我哋啲資料入婚姻註冊處咪得囉，只要你唔介意唔係正常途徑就得喇。順便改番我個姓，之前急住搵你連姓都無加，無諗咁多，依家我哋全家齊齊整整，你梗係要跟我姓啦。哈哈...
我：我梗係跟你姓啦，咁你幫我响政府度改埋我個姓吖，唔駛搵律師搞，哈哈...
Venus：(擁吻著我)你係我嘅人！
Venus：响香港讀書生活，一定要身份証明。當然我都會教佢地嘢啦，分分鐘唔駛返學添，哈哈...
Venus: 我今次返地球有機會要去到唔同嘅國家做嘢，但唔一定要，因為可以响屋企攞到需要嘅數據，萬一真係要去其他國家，都應該幾危險。哈哈...
我：唔準呀！（想哭）
Venus：唔好喊，唔駛擔心，我可以handle到。仲有呢，遲啲我會帶你哋返火星見我父母，順便响火星註冊合法金星婚姻，好唔好？
我：但我同絲絲唔識同佢哋講嘢喎，我諗你依家响銘銘身邊，佢應該好快識金星話嘅 ，但你要教埋絲絲喎。
Venus：我可以做翻譯架嘛！哈哈...
當晚，我們兩年沒見面的關係，纏綿了很久很久！
我們就這樣生活得非常美滿。～～全故事完～～
～～Venus在地球的研究將會是下一個故事的開始～～
沒有留言:
張貼留言