(四) 香港美滿生活
為了Venus我學習自信，不再理會其他女孩的爭奪戰，相信自己，相信Venus。
我路經資訊科技部門（其實是有心去看的），看到Venus在自己公司房間看我們在香港的數據分析後，好像發現些什麼似的。但他沒有向我說什麼。
晚上回家後；
Venus：睇完你公司嘅數據，香港只不過係一個由世界各地集資嘅中轉站，無乜特別。
我：我今日專登走去你部門睇你，見你個樣，以為你發現啲咩添！哈哈...
我：係呀，我一個星期後要上北京總公司training一個星期 呀，你會唔會陪我上北京呀？
Venus：無問題吖，我要求上北京應該得！我嚟地球目的係陪你同你一齊嘛！哈哈...
一星期後，Venus果然安排了一切，和我一起飛往北京公幹，他述職，我培訓。
以下是Venus在北京時發生的事。
Venus在看總公司的數據時，發現有很多加密(encrypt)了的數據。這些加密當然難不到Venus，他發現公司是中國國家航天局的生物科技subcontractor，當中物料涉及生物科技研究的結果會有想像不到的效果。這一下子，不得了！會對地球有什麼的影響呢？
因為公司只是subcontractor，要更深入了解，需要到中國國家航天局，以Venus現時只是普通管理層職位是不能做得到什麼，於是他決定在公司升到最高層。方便和中國國家航天局直接接觸。
這個星期的公幹，他在我面前又沒有表現任何不同，一樣的渦心相愛。
返回香港公司，他因在短短的十個月內以資訊科技方法為總公司暗中奪得了過十億資金，但給公司一個正常的集資數據。他運用他的個人智慧在全地球富人的資產中，在他們不經不覺地取得他們的資產。因此他被躍升為總公司的行政總裁。但他堅決留港處理事務，只間中到北京述職。（當然是為了我呢）
因他原故，公司上上下下的人對我阿虞奉承，相信全都不是真心的。但我堅持不接受因他而升職，我要憑我個人實力呢！
他來到地球一年多時間的某一天，發覺每月幾天的事已一個星期沒到來了，不是吧，Venus明明告訴我，他用他的方法避孕的，為什麼會呢？沒可能吧？星期天早上，經我在藥房買下的驗孕棒一驗之下，證實有了寶寶啊！
我把睡得很甜的Venus叫醒；
我：點解嘅？
Venus：唔好咩？（他好像已知我在說什麼似的）
我：你又話用你哋嘅方法避到孕嘅？
Venus：你唔想有我哋嘅BB咩？（又微笑對著我了）
我：但我哋未結婚喎！
Venus：我一定會比個名份你，但我要處理晒所有嘢先。
我：咁我點同爸爸媽咪講呀？
Venus：你想唔想有個婚禮先？
我：我無所謂，我諗佢哋一定想。
Venus：我想同你有個金星人真實嘅名份。
我：你諗住同我返火星呀？
Venus：總之你乜都唔駛擔心，安心生我哋個愛情結晶品啦！你鍾意嘅話，即刻安排婚禮吖。婚禮你話事。
我：我都唔識，要問媽咪。
Venus：仲有呢，我想你辭職响屋企安胎，仲有接埋你父母過嚟住，方便照顧你，好唔好？（遲些我才知，原來他想安心解決中國國家航天局的事）
我：好呀！
我家族不是人多，朋友及同事也不是特別多，只是十多圍酒席，我告訴Venus人數後，他居然在已知人數後的一個月內安排了所有婚禮的事，當然什麼也是最華麗的呢！我只需要和他甜蜜地影婚紗照而已。那完美的婚紗相也神速地在婚禮前完成，相片中的我原來是那麼動人美麗呢！他真是人能所不能啊！婚禮的華麗程度，好像在仙境一樣。我們渡蜜月的地點當然也像仙境呢。我可以鐵一般的事實告訴全宇宙的所有人，所有生物，我是全宇宙最幸福的女人。
父母跟我一起住後，Venus開始了他的北京工作，但每次回北京也是不多於兩天的時間，目的是多點時間陪伴我。
以下是他在北京的工作時和他與火星好友的對話；
Venus：有無人發覺我嚟咗地球？
Sirius：梗係無啦，我真係唔想你出事架！
Venus：我發覺我哋金星對地球嘅project
有需要擴大，唔可以只為地球人類著想，因為我哋以前只集中研究人類點可以適應火星生活，同佢哋發展中嘅人性。我哋都知佢哋開始咗移居火星嘅計劃，已經四艘探測船同埋好多部用嚟探測火星表面嘅車，加埋佢地用嚟landing
嘅儀器坐落喺我哋住緊嘅火星表面，我哋都經常上地面監測佢哋嘅儀器同埋佢哋有乜舉動，本來我哋只想幫佢哋一把，等佢哋可以順利移居，可以同我哋金星人和平共存。但經我呢次無心插柳下嚟咗地球，發現地球嘅其中一個大國，中國研究緊火星物質同時，對火星可能有影響。
Sirius：吓，但我無咁嘅影響力叫政府改變研究喎。
Venus：仲未肯定，如果我响火星就無咁麻煩啦，我做緊呢間公司高層已經睇到一啲呢個火星project 好表面嘅數據，但無權入中國國家航天局機密地區，所以依家要等我親身入去航天局研究下先。
Sirius：咁你有乜嘢需要我幫忙？我可唔可以响呢度幫你入航天局？
Venus：應該唔得，我响地球已經用由火星帶過嚟部古董tablet試過所有可以用嘅方法入去，你知啦，呢部响依家地球已經超top好夠用架嘛，居然都入唔到。所以我諗佢哋應該同互聯網disconnected咗，但如果我响火星，相信會搵到方法，唔係話你唔得，因為係需要研究方法。
Sirius：哈哈...都知你係天才，呢個係事實，點會介意呀！
Venus：其實最主要係地球人嘅人類保安，如果科技保安，完全無問題。國家嘅航天局保安一定好嚴密，你可以用我哋科技，以你嘅影像同埋腦電波block咗所有通道保安對眼，我入到去，所有密碼或者瞳孔指模確認入口都無問題架喇。但每次都要來回各block一次喎。暫時唔知以地球嘅時間計要查幾多日。可唔可以配合到？
Sirius：無難度！幾時開始？
Venus：依家我要返香港陪阿倩，佢有咗喇！哈哈...
Sirius：唔係呀嘩，你嚟真架！如果你出事，佢哋點樣？
Venus：如果政府知道後，真係判我死刑，咁我真係需要你呢個好朋友多啲睇住佢哋喇，可唔可以？當然我都幾有信心政府唔會判我死刑嘅。
Sirius：如果你真係有事，我當然附湯蹈火幫你喇，話晒我最好嘅朋友個仔或者個女有我哋金星人基因架喎。但你又點解咁有信心無事呢？
Venus：原本打定輸數架，只係為咗我同阿倩有個優良後代，一個地球善良性格嘅女仔，同我嘅結合，咪應該性格加智慧都完美囉。加上我真係唔可以無咗佢，話我自私都唔可以唔咁做。
Sirius：咁你真係自私囉，佢哋失去咗你之後點算。
Venus：所以我會喺我返火星前，安排晒佢哋日後嘅生活無憂先走。如果真係有事，我知你一定會幫我睇住佢哋嘅！
Sirius：但你又點解咁有信心無事嘅？
Venus：原本諗住死梗架，但發現呢單嘢後，可能會有bargaining power，就算只係我推測錯，都應該可以說服政府擴大研究範圍，救唔到自己，起碼球到金星人吖嘛！
Sirius：咁你一定唔可以有事呀！
Venus：要入航天局前搵你，再講！
除了在公司要處理他認為的瑣碎事外，Venus全部時間都陪伴我和肚裡的寶寶。他情願把大部份時間給我和寶寶，也暫不回北京找尋可增加他和金星政府更大bargaining
power的機會。（這是Venus返火星後我才知的，他用很多時間找我和寶寶所需的一切，包括日後的生活需要，還為我們準備了一筆龐大資金。因為他也不是百份百肯定能再回地球與我們相會）
他一定不會錯過每次肚裡寶寶檢查的時間，可能他的智慧，經過超聲波裡，醫生還未說，他已說出寶寶一切，例如是雙胞胎！體重，全身尺寸！醫生還問他是否讀醫。而且在醫生未知時，他已知龍鳳胎呢！因為在醫生眼中未夠日子看到。因此他什麼也準備男女孩的一切東西。他實在太匪而所思了。如果我不是她的女人，真的會被嚇到呢。
距離寶寶們出生的日子還有大約兩個月，但Venus居然能很肯定及準確地告訴我他們分別的月日時分呢，不清楚是否屬實，因為還未出生，但心底裡是百份百絶對相信他，不是已知他的智慧，而是他是我一生中最愛。
寶寶們出生前一個月，Venus 終於上北京尋找他的疑問；
Venus：Sirius，我哋可以開始喇，我已經响航天局機密地區附近，你準備好未？
Sirius：我响你後面喇...哈哈...做咗地球人真係低咗啲喎！
Venus：你唔好再企遠啲！哈哈...
Sirius：咁我 block 佢哋架喇！等你入咗去再unblock佢哋對眼，之後再join你一齊啦。
Venus：好，Action！
Venus 順利入到航天局的資料庫，果然在未有任何火星活動時，他們 disconnected 了所有數據資料。但這次進入航天局後Venus反而很有信心就算和互聯網沒有連結，如果他本人在火星必定找到方法進入他們的資料庫。還有面前只有一大堆 01011101 不知什麼的數據在 Venus 面前，就什麼也無所遁形，原來他們想利用生物科技在火星地面研究在只有少量液態鹽水加大氣以二氧化碳為主嘅情況下進行人為生態植物進化。但以地球人現時的知識是無法做到的，更何況他們不知他們將進行的研究有機會在火星表面滲入有害液體，他們不知道這些生物科技混合火星表面的氧化鐵及多種土質後會變成有害液體，不但影響他們移居火星時的生命，更會威脅金星人現時的生命，慶幸還未進行。Sirius 仍在研究數據時 ，Venus已告知他這一切。
Venus：我哋要响佢地進行前毀滅佢哋依家研究咗嘅部份，好采佢哋只係初步研究，我依家要將佢哋呢啲數據毀滅晒佢，要少少時間，因為地球科技太落後，你幫我睇水！如果有人，幫我帶佢哋去第二個方向。唔該晒。
Sirius：駛咩唔該吖！啲地球人好心做壞事喇。
Venus：只係權宜之計，睇嚟真係要返火星先可以阻止到。我開始毁滅喇，你準備吖。
Venus：（毁滅完數據後）可以出去喇，幫我block佢哋對眼吖！
Sirius：OK
Venus：暫時搞掂！通知你時，接我返去吖！
Sirius：ＯＫ，一額汗呀！
這次Venus在北京逗留了一個星期，他不斷地在總公司開會了解有關此生物科技進度，同時取消所有有關物料的交易。但他還非常關心我和肚裡寶寶們，每天也跟我們聯絡。
距離寶寶們還有兩個半星期就出生了，我的肚子非常巨大，因為有兩個寶寶嘛！這兩個多星期，Venus沒有回公司，寸步不離的在我身邊，天天也對著我的肚子跟他們說話。還有不知是女寶寶還是男寶寶頑皮呢，雖然肚子裡已沒有多餘空間，但不知道是他或她在我肚子郁動很大啊！我當然說是男寶寶呢，因為男孩總是比較頑皮的呢，但
Venus
竟然說是女寶寶啊。他現在才告訴我，金星人有一種和自己就快出生親生骨肉的感應能力，不論是寶寶母親或寶寶父親都擁有此能力。難怪Venus好像比地球人的父親更珍惜寶寶們的關係呢。原來我將會生了一個頑皮囡囡呢，哈哈...
當晚Venus對我和我父母說；
Venus： 爸爸媽媽，公司安排我大約响BB仔BB女出世三天後到美國研究合作關係，要留美國兩年，所以暫時要你哋兩個老人家幫我照顧阿倩同BB佢哋喇，唔好意思！
媽媽：無問題，可唔可以間中返嚟探下阿倩佢哋三個架？
Venus：應該唔得。
我：做乜咁突然？（有不祥預感，因為Venus自到地球以來，都以我為主）
Venus：呢個project好重要，一定要我親身去。
我：咁都無計啦，工作要緊！
寶寶們終於出生了，如Venus所說女寶寶在１０月２２日零時零分出生，男寶寶在姊姊出生後十分鐘出生。
他們兩像極爸爸的樣貌，像發光的漂亮。所有醫護人員也讚不絶口，異口同聲說和爸爸一樣。
三天裡，Venus每天都留在醫院陪伴著我照顧著我。第三天，當父母到醫院探望我們時，Venus和我們道別；
Venus：爸爸媽媽，我要出發喇，唔該你哋幫我照顧住阿倩佢哋吖！
爸爸：得啦！放心，我哋會睇住佢哋。
Venus：倩，保重身體！（擁抱得我很緊，還看到他的淚光，這是我第一次看到他哭）
我：你一定要返嚟呀，我哋三母子等你！（因我感受到他的傷感）
Venus就離開了醫院。
沒有留言:
張貼留言