【Venus Minister VII 之 撒旦回歸】(一)
倩銅一直昏迷不醒 (緊接著 Venus Minister VI 之 成魔之路), Venus 索性搬到她的病房,每天跟她說話,照顧看守著她;
Venus:
老婆,依家我好恨我自己唔好好咁控制自己嘅情緒,無錯,所有男人都唔能夠忍受自己老婆掛住第二個男人,但相比你條命,呢啲又算得啲咩呢,微不足道。我個腦唔知做乜,
居然唔相信你講嘅說話, 日日見又唔代表一定會有關係架嘛, 係我鑽牛角尖,
而且嚟緊呢二十年你哋都已經唔可以掂到對方,我又做乜咁無容人之量呢。你同佢响農場嗰三年,我仲可以同自己講,並唔係你自願嘅,因為你都唔知自己仲有無機會離開佢,對佢產生感情係值得睇諒架。但估唔到就係你本身嘅愛心性格,放咗感情就好難抽出嚟,你同我講你都愛佢,我真係好難接受到,呢條刺真係好深,諗住時間可以掹到出嚟,點知老婆你居然用你條命嚟同我交換,不如你攞我條命好過呀。
老婆,全宇宙除咗你一個,無人有資格做我老婆,求你唔好好似失憶咁唔記得我哋以前所有嘅經歷吖,由其响地球時,你話愛我至死不渝,咁快啲起身證明比我睇吖,你起身,我要你知道我對你嘅愛都係至死不渝架。
Hugo 終於申請到到醫院探望,一名軍警跟隨著,到達倩銅病房,Venus 正坐在倩銅床邊跟她說話。他們互相對望,雙方心情極度複雜,他們一心只有一個共同願望,就是妻子能盡快甦醒,只要她能甦醒過來,什麼事也能解決, 什麼事都變得不再重要了;
Venus: 你即管試下有無辦法(行出病房同時命軍警一同離開病房,讓Hugo 單獨想方法喚醒妻子)
他們行出病房後;
Hugo: (捉緊妻子的手) 老婆,你覺唔覺得自己太傻呢?
我從來都無迫過你,如果你真係覺得痛苦,只要你同我講,我一定會放手,絕對唔會要你難受架,只要比我一世守護住你就得架喇。由知道自己唔駛死刑嗰刻開始,我有諗過我哋嘅將來,二十年係一個好長嘅年期,坐完我都就快70歲喇,雖然住响火星嘅人70歲身體機能等同住响地球嘅人大約40歲,但我無理由要你等我二十年架嘛,其實我哋嘅夫妻關係,基本上應該由我要服刑第一日開始,就需要昇華到互相守護。好強調死之前做到你一刻合法老公已經心滿意足,依家我唔止賺咗,仲賺突架。
老婆,响我心裡面有啲說話,從來都無同你講過,好多謝你,你天生善良完美嘅性格將我嘅仇恨妒忌心撤底醫好咗,响農場三年裡直至我要判刑前,你對我嘅愛係無可替代架,但好抱歉亦都係因為你對我呢份愛變成你嘅壓力,你快啲醒吖,只要你一醒,你想我放手,
我會跟你意思照做,等你有一個安穩美滿嘅將來,將來只要你有需要,我會赴湯蹈火,死都會幫你解決問題架。
結果倩銅並沒有反應,Hugo 行出病房;
Hugo: 希望你繼續努力唔好停,我响監房等你好消息
倩銅昏迷期間,金星國防局收到雙子座β星的求救訊息,他們相信是火星的通緝犯現正在雙子座β星犯案,而且對他束手無策,求火星的金星政府幫助緝拿。 Venus 迫於無奈要返回國防局商討如何助雙子座β星緝拿自己的小兒子卓鋒;
Venus:嗰邊有啲乜嘢資料比咗我哋
Brandon:佢哋嗰邊八年內不停咁死傷無數(雙子座β星相同有時空穿梭後的時間轉變),由最初只係為數少量嘅姦殺,到最近嘅不知名病毒擴散,呢個病毒到目前為止已經攞咗佢哋十分一人口嘅命,但都搵唔到個兇手,雖然佢哋唔知卓鋒係咪過咗佢哋嗰度,但懷疑係佢做嘅。
Abner: 佢哋要求我哋搵人過去調查
Venus: 無可能搵人過去,你哋同佢哋講,查到嘅所有資料比我哋同佢哋分析。
Venus 要求自己研究星球的舊同學Matt (Venus Minister IV 之
追蹤神經元有介紹)助他緝拿在雙子座β星的卓鋒,另外因和病毒有關,根據法庭頒布 Hugo
將會對國家有貢獻及基於需要科學方法協助雙子座β星緝拿通緝犯,要求元首暫時釋放他協助緝拿卓鋒。 Venus, Hugo及 Matt
一起合作研究的初步會議;
Venus:我哋三個同學終於要一齊合作幫國家協助雙子座β星緝兇 (內心很難受,心底裡是終於要面對自己親手捉拿自己的不肖子)
Hugo:咁我可以點幫手 (內心不比 Venus 好受,與妻子的兒子相處超過了十二年,心底裡已當他是親生子,現在要親手協助捉拿他)
Matt:我諗我可以幫你地研究雙子座β星嘅生態環境,同佢哋嘅生活習慣,可能對我哋分析有幫助。
Venus: Matt 咁就唔該你根據你頭先講嘅嘢,比啲資料我哋,再等佢哋交晒最新嘅調查結果比我哋,我哋就著手研究。
Brandon
很快收到對方的調查結果,八年前初,並沒有人口失蹤,只有姦殺,屍體發現時,已被解剖,案件並不頻密,一至兩個月才一單。不知名病毒擴散結果居然和火星出通緝令前的犯案手法相似,都是不能發現病毒,潜伏期,病發到死亡和火星之前的病毒一樣。
Brandon 把所有資料交給局長;
Venus: 根據佢哋嘅報告,係卓鋒嘅可能性90%(心想,卓鋒已變到沉迷變態的姦殺行為,心如刀割)
Abner: 但卓鋒犯嘅係失蹤人口,處理咗屍體架喎
Brandon: 佢可能依家想挑戰當地嘅警方或者軍力,留線索睇下佢哋捉唔捉到佢
Venus: 呢啲案只係寥寥可數,我哋暫時集中火力追蹤病毒案,Brandon你同佢哋講,叫佢哋準備啲懷疑化驗樣本交比代理公司。
Abner 你通知雙方星球經Cosmos Trade 嘅交易代理公司,留意小心處理呢啲化驗樣本經Cosmos Trade轉移過嚟火星,之後第一時間交到 Hugo 手上。
Brandon, Abner: Yes Sir
沒有留言:
張貼留言