(二) 與Venus虛幻的接觸
公司回家坐港鐵途中，接到Venus電話；
Venus ：倩，係咪搭緊港鐵呢？你估我响邊？
我：唔好話比我聽，你响附近呀？
Venus：唔係呀，知你呢段時間放工嘛，咪估你搭緊港鐵返緊屋企囉，哈哈….
我：嚇死人喇。
Venus ：就係唔想嚇親你，所以同你傾下响咩嘢時間，最想我响你身邊囉。
我：其實我喺任何時間都想你响我身邊，當然沖涼時就唔好啦。不過最緊你要比signal我你响度囉。
Venus：咁不如我依家即刻响你身邊好唔好？定係你瞓覺前呢？
我：如果你依家响我身邊係咪可以一路同你傾架？
Venus： 唔得，金星政府對我地研究人員响地球嘅活動有太多限制，星球之間嘅通訊科技只可以响火星用。响無地球人知悉嘅情況下就可以用。
Venus：等等，其實都唔洗吖，我哋可以用腦電波心靈感應溝通架嘛。一於咁話啦！以前就怕你驚，唔用啫，依家你都知我嘅存在啦，你又可以見到我個影像，雖然掂唔到我。好唔好？
我：都好喎，咁我係咪係唔駛講嘢，只係用個心同腦同你傾架？
Venus：係呀，等等，好快。
不知是否心靈感應是沒有時間差異關係，不到一分鐘，我看到Venus的影像就在我身邊。以下對話全是用腦電波溝通的。
Venus：倩，見到我啦！(因為坐港鐵，大部份時間是無座位的，就算有，也會讓給有需要人仕。他就在我站著近車門旁邊)
我：吓，咁快嘅？
Venus：我依家拖住你隻手呀。你睇下你隻手郁緊，哈哈...啲人以為你自己郁架，哈哈...
我：係喎，咁勁嘅！
港鐵回家全程談情，如是者我全程都笑容滿面，紅粉菲菲。傍人只以為我很開心而已。
(和Venus仍是影像腦電波溝通中)
回到家中，晚飯時;
Venus：嘩，我見你哋成日都食啲菜同肉，唔會太貴咩？
我：只係普通菜同肉之嘛。咁你哋食啲乜嘢架？
Venus：蔬果同肉類通常一年先食一次，平時只係食一粒好似類似你哋地球嘅糖嘅食物，就足夠我哋全日嘅營養同飽肚感架喇。因為肉類蔬果响火星好奢侈。但我哋每年食一次蔬果肉類後，要禁食一個星期，目的係為咗身體改善自體免疫機制。
Venus：我都係夜啲先再同你講，你食完晚餐，沖完涼先再見，好唔好？
我：好呀！
準備睡覺前，坐在床上上網找Venus，他已在我身邊了。
Venus：我响度喇！
他輕輕吻我的嘴唇
Venus：依家我可以答你之前嘅email喇，如果你想了解我多啲，我會盡量抽多啲時間陪你。
我：咁又唔好成日阻住你正常工作喎。
Venus：你咪問我，如果我嚟地球會唔會即刻死嘅，其實唔係你咁諗架，如果以我依家２１歲經蟲洞穿梭地球定居唔再返火星，我都係２１歲開始成長，不過會因為地球嘅環境食水影響，比响火星生活時短命啲，變番地球人嘅歲數，唔會再有２００歲咁長命喇。相反如果地球人穿梭到火星，佢地唔會突然變番ＢＢ，幾歲過嚟，就幾歲，照我哋金星人移居地球後，對地球物質嘅反應，地球人响火星住，應該會長命啲，但仲未肯定，仲研究緊。時間改變只會發生於人或者物件經蟲洞穿梭而改變，無呢種光速穿梭，太陽系八大行星各自嘅年月日時分秒係相等唔會改變架。所以唔可以太多星球間多次光速來回，對人體適應力有影響，有機會令身體排斥，年齡只跟番相對長時間逗留嘅星球。我哋輸送啲地球人做實驗一定會响佢地瞓緊覺時，送佢哋到火星少於一秒，再送佢哋番地球時已經係兩個鐘後喇，但因為佢地瞓緊覺，所以唔會知囉。
我：好複雜呀！
Venus：暫時唔知如果地球人嚟火星會唔會好似我哋咁，可以因為火星生活習慣而長命，仲研究緊。因為我哋有金星人移居過地球，所以可以好肯定咁話比你聽，會因為生活環境改變，再唔會好似响金星或者火星時咁長命，飲地球啲水，仲會消滅我哋嘅女性基因添。所以一定要同地球人類交配先可以有生女機會。講到這裡，我滿面通紅。
Venus：好可愛呀！（輕撫著我的臉）雖然可以影像同你咩，但我唔會唔理你感受囉，同埋會尊重你嘅意願架嘛！哈哈...
Venus：快啲瞓喇，聽日再見啦！
一個goodnightkiss後Venus就消失了，這晚是這半年來睡得最甜的一晚！
(和Venus仍是影像腦電波溝通中)
一晚的充足睡眠，在港鐵裡返公司途中看網上新聞，看到一則有趣趣聞，美國有間餐廳出現靈異事件，多樣物件無原無故郁動或飛出。我即時想起Venus的金星人。正當我看到這裡，突然
Venus：哈哈..係我哋金星人嘅傑作呀！唔止咁呀，仲有時我哋啲人輸送地球人返佢哋張床，但錯咗地方，送咗佢哋响附近公園嘅長櫈上都試過架！（不知為何，他總是能在港鐵擠迫的環境中找到我身邊的空位？）
我：哈哈..咁都得？多數人以為撞鬼，又或者夢遊去咗公園架。
Venus：其實地球人見到啲嘢郁或飛起係我地做某啲實驗失敗咗呀，哈哈..
我：係呀？
Venus：仲有時地球人見到啲所謂鬼影咪又係我哋啲人失敗，現咗少少影囉，亦有啲地球人嘅腦電波間中同我哋嘅研究員通咗，所以睇到我哋架。
我：咁我以後都唔駛驚囉，最驚見鬼，知道係好似你咁靚仔嘅金星人駛乜驚，哈哈…
Venus：你都好靚女，好難形容嘅靚！（接著吻了我的前額一下（全因我們的身高差異，他還需要彎下身子呢））
我：呢個weekend放假去邊玩好呀？
Venus：我聽日有啲嘢要做，所以陪唔到你，不如聽晚深夜我哋去郊區遊車河吖，好唔好呀？
我：我唔識揸車架！
Venus：其實我哋呢度無車呢樣嘢架，要到另一個地方，只係用虛擬位置瞬間轉移器，touch幾個制就到架喇，而且operate古老機器難唔到我嘅，我都想試下，哈哈…
我：吓，啲人見唔到你架喎！
Venus：唔緊要啦，响郊區無乜人，仲要夜嘛嘛！
我：咁好啦！哈哈…
Venus：不如你依家休息下吖，咁返到公司更加精神做嘢嘛！
他全程車程只是牽著我的手，讓我休息。
到公司前，Venus與我道別，通常我到公司，Venus不會在我身邊，可能他不想我工作分心吧！只是間中在我公司出現，當我有需要幫助時，他一定出手幫助，由其工作不明白時，不知為何，他好像什麼也曉得的呢！
(和Venus仍是影像腦電波溝通中)
今天沒有Venus在身邊有點不習慣，好像過了很久，當我睡到半夜，Venus把我喚醒。
Venus：豬仔，起身出街喇！
我：好眼瞓呀！（其實我是在撒嬌呢！）
Venus：我已經搵到架車喇！專登搵架無咁顯眼嘅車，啲人唔會留意，咁咪見唔到無人架駕駛囉！哈哈…
我：你點搵架？
Venus：喺未經同意下借嘅..哈哈..
我：吓..咁咪偷囉！
Venus：哈哈…快啲.. 等你換衫..唔睇你，放心！
我們行到車旁，他為我開車門，不知他在那裡學的禮儀..哈哈..
一刻車啟動了。這是舊款車，但看不到他用車匙呢！很驚嚇。
我：點解你唔駛車匙嘅？
Venus：梗係唔駛車匙啦！只要點火開啟引擎咪得囉！哈哈…
我：你真係乜都得！
可幸，一路上在市區，因為舊車，又因太夜車少人少，最主要是他所到之處令交通燈剛轉紅即變綠。
Venus：都幾好玩嘅，但係速度太慢，太快你又可能驚，哈哈…
我：唔好太快呀，警察會捉架，到時唔知點算！
Venus：你想唔想學？
我：都想架！
Venus：等我下次搵埋車匙教你！
到大帽山某處停車，我們坐在車上，當然還有情侶惯常的擁吻，很奇妙，這次擁吻，我居然有濕吻的感覺呢！
我：點解嘅？（當然是心靈上問他。）
Venus：因為我令你感受到！
但我們只限於此，只是擁吻，到目前為止，他不會再進一步，很君子。
一個浪漫晚上完！
(和Venus仍是影像腦電波溝通中)
如是者，我們差多不多隔天就一起，每天也是大半天。過了下一個週末黃昏，Venus 這天不能陪伴我，我聽網上電台的深夜節目，是一個探索靈魂的節目，有一位聽眾至電電台，告訴節目主持。
聽眾：我好驚呀！依家仲病緊呀，上個星期我見到有架車司機位無人架，乘客位就坐咗個人响度，開得好快，所以影唔切相呀！
主持：會唔會因為你病眼花睇錯呀？
聽眾：就係因為見到鬼之後，先至大病到依家呀！
聽到這裡，我笑了出來。原來當晚有人見到我們呢！到星期一，我告訴Venus這事，及告訴他不要再玩這玩意了！
這樣的接觸，相處了數個月後，對他的愛只有越來越強烈。
有天晚上，Venus給我一個goodnight kiss後，我收到一個不認識的人Whatsapp 我一張照片，這照片中的女孩美到像仙女一樣！仙女也未能形容她的美貌呢！我立即回覆問她／他是誰，但得不到回覆。
翌日，我把這相片給Venus看，問他這女孩是否很美麗，他停了數秒沒有發聲，接著問我：
Venus：你幾時收到架？
我：琴晚你走咗之後囉。
Venus：你唔駛理呢啲無聊唔識嘅人。
我：但點解佢知我電話號碼嘅？
Venus：可能你有朋友比人hack咗部電話，知道晒佢啲朋友電話，咪個個人都send幅相囉。唔駛理佢。
我：但呢個女仔真係靚到不得了呀！
Venus：無你咁靚。
我無言，Venus真是對我愛得那樣盲目嗎？
(和Venus仍是影像腦電波溝通中)
過了數天，已沒有這人的任何Whatsapp。
但在Venus忙碌不能陪伴我的一天，她又Whatsapp我了，因她的Whatsapp，知道是她，不是他了。
Angel：你好，我是Venus金星的女朋友。
晴天霹靂，心想Venus說謊欺騙我！我並沒有回覆她。
Angel：我知Venus常常找你，但他並不愛你的。你是他的實驗品而已。不要太天真！
這時已接近崩潰，腦海裡一片空白！即時取消她，但怎樣都不能取消她，這時我知，她真是金星人了。唯有不看她的信息。
因心情已經像死了一樣，請了一天假回家，媽媽問我什麼事，我也聽不到，直行入房坐在床上。
媽媽很擔心地再問我：倩，乜事？你面色好差呀！唔舒服呀？唔好嚇媽咪呀！
此時我知，若果不給媽媽一個答案，她會更擔心，
我只好答她：係呀，唔係好舒服，比我休息下就無事架喇！
經媽媽的對答後，靈魂才好像回來，即時WhatsappVenus 。
我：你金星女友Angel剛剛Whatsapp我
他未能回覆，相信一定正在研究。但這次的不能即時回覆教我心痛非常。
除早餐，整天沒有吃過半點東西，連水也沒喝過一滴，除了感覺像世界末日外，亦感覺自己像一隻被放進實驗箱的白老鼠，被不人道的對待著！
父母當然很擔心我沒吃東西，多次叫我吃點東西，我只好叫他們放在冰箱，餓了我會拿來吃。他們才不再提我吃東西。
整天只是對著手機，望他怎樣的回覆。但他不回覆，晚上他到我的身邊。
Venus：倩，佢唔係我女友呀，極其量係ex！
我：唔好掂我，我只係你個實驗品！
Venus：你信佢講嘢都唔係無可能，因為佢都係金星人，而你又唔知我哋金星人咁多嘢，更何況你都知我之前隨意抽點你都係為咗個project，但我唔會咁無人道對待地球人架！就算實驗都只限响網上用各種唔同方法做，唔會親身去接觸架。
我只是不停地哭。
Venus：佢真名唔係叫Angel，我諗佢知地球人形容靚女，好似天使，所以叫自己Angel掛，過份自信！同樣我個名都唔係Venus，根本就無地球人類名。都唔知佢點解知我叫Venus，一定係問我researchteam嘅team
member知架啦，唉，又有人無操守喇。
我：唔關我事！
Venus：金星嘅女仔多數都咁嘅樣架啦，無乜特別，最緊要佢份人嘅性格，响地球，你哋會形容佢濫交，比濫交更離譜都試過，其實金星人大部份都係咁，只有小部份人係正常性別關係。我就係知佢咁，先同佢分手。對於我嚟講，性格先至係一切！
我：咁佢做乜依家先走嚟同我講啲咁嘅嘢？
Venus：你上次比幅相我睇，我即時話佢，可能想報復，搵方法知我Venus個名之後，指名道姓咁比你知佢嘅存在啦。仲有佢本身唔係研究地球人類架，只係研究其他星體，又可能佢想同番我一齊掛，先至做埋啲咁無聊嘅嘢啦，唉...有金星人嘅頭腦，但做出咁無聊嘅事，佢做乜我都唔會同番佢一齊架啦。
我：即係你都曾經鍾意過佢啦。
Venus：坦白講，同佢拍拖時，從來都無好似有對你咁心動過。鄭重講一次，你依家再唔係我嘅實驗品！只要你想你信，你要我做乜都得。
我：其實呢幾個月你點對我，我真係好感動好渦心，如果係假，你哋金星人真係天生男女主角囉，不過我係實驗品呢個可能性又唔係無喎。我對你已經全情投入咗，依家唯有信你，唔係我都唔知可以點。
接著痛哭。Venus緊抱著我。
(和Venus仍是影像腦電波溝通中)
我是否看得整件事太簡單呢？還是我對待感情太單純？就算在地球，有這樣的關係已非常煩惱，此種關係已到達欲斷難斷，難捨難離的心情。更何況我有幸遇到外星人如Venus那樣完美的男孩。這時候是考驗我對Venus的信任了！
通常Venus不在我身邊時，佩佩間中會約我購物看戲，和她吃東西時。
我：如果一日突然有個女仔走嚟搵你，話你男友根本唔鍾意你，你會點？
佩佩：你拍緊拖呀？都估到啲架喇，自從你失過蹤後，有時心神恍惚，又有時紅粉菲菲。係咪呀？
我：係呀
佩佩：幾時介紹我識？
我：有機會先啦！答我先啦！
佩佩：我估佢係小三囉，即時問清楚呢個女仔乜來歷先啦。
我：如果係你男友個ex呢？
佩佩：咁就唔駛理佢啦！靜觀其變，睇下佢有乜搞作先囉！
其實沒有佩佩的意見，我也打算這樣面對。
但她的行動也未免太快了吧！Angel就在我和佩佩道別後，回家途中，至電給我，我沒有接聽。她開始傳信息，我本不想看，但又想知她有什麼動作，所以看了，不看還可，這一看把我心打碎了。
Angel：你和Venus是沒有將來的，他的父母嚴禁他作出到地球不回火星的決定呢！
為了雙方好過點，是否需要決斷點，不再理會Venus的一切？好讓他在火星生活得開心一點。因為親情是無可替代的。不能自私到令Venus失去親情。全晚以淚洗臉。
翌日；
Venus：做乜喊到對眼紅晒？你想唔想我日日都嚟陪你呀？
我：你個ex搵過我之後，再三考慮過我哋其實真係屬於唔同世界，好難一齊，長痛不如短痛，唔好一齊好嗎？
Venus：佢又同你講過啲乜呀？比個電話我睇！
我：唔比！
Venus：你唔比都得，我自己可以睇番，因為佢係由金星傳遞，只有金星研究團隊先可以睇到。又係有team member玩我啦，又比佢用我哋研究地球啲儀器。我依家即刻睇！
我：Venus唔好呀!
但已經不在身邊了。
(已再沒有和Venus任何接觸)
以下是以Venus在火星時發生的事，我當然不知發生何事，是我們的故事接近有個交代時，有金星人告知我的。他們的名字就不得而知了，只是以接近地球人的發音估計出來吧。
Venus看到Angel給我的最後一個信息後，他知道如果在這刻不做些事情補救，是不能挽回我們的關係。他正在與一個研究團隊成員的對話。
Venus：你係我最信任，最有人性嘅朋友，可唔可以幫我一個忙？
Sirius：乜事呢？
Venus：我想去地球。
Sirius：吓！犯法架，好耐以前有人試過，比政府知道後，用金星廢咗好耐嘅遠古死刑處決咗架！我唔會幫你囉！
Venus：為咗佢，死都要試一次。你幫我啦！
Sirius：比時間我諗下先！
Venus：無時間諗架喇，唔知我個ex又會做啲乜架喇！講開又講，你知唔知邊個team member比佢用我哋嘅儀器架？
Sirius：唔知喎，邊有人好似你咁大膽，要罰都做researchteam唔容許嘅事吖，好似你上次留阿倩半個鐘咁，你嗰次都算好運喇，罰得咁輕，我諗因為你係少數金星天才，佢哋先罰你咁輕咋！
Venus：真係唔知邊個比佢用？
Sirius：可能係Cephei掛，佢最近同你個ex好似好熟咁。
Venus：點都好喇，我唔試過唔心息，死都值得，金星人除咗我哋父母嗰輩，已經再搵唔到阿倩呢種人性架喇，就算响地球都好難搵到啦！
Sirius：你諗住同佢响地球做乜？唔好同我講，同佢咩呀？OMG！你嘅後代會有唔係純種嘅金星人架喇，而且數據分析，依家你仲係金星人幾十個天才之一添。
Venus：純種真係咁重要咩？
Sirius：純種唔係重點，而係你與生俱來嘅智慧呀！
Venus：哈哈...你又知我同阿倩嘅下一代唔可以遺傳晒我嘅智慧咩！一於幫我啦！
Sirius：真係要諗下，唔想金星人無咗一個天才，更加唔想無咗我响火星唯一嘅知心朋友。
沒有留言:
張貼留言