【Venus Minister VIII 之 天地傳說】 (十一)

【Venus Minister VIII 之 天地傳說】 (十一)


兒子們睡著後，卓鋒腦訊息父母；

卓鋒:  兩個好爸爸， 媽咪

Hugo:  仔搵番紫鈴未呀？

卓鋒:  就係想搵你哋兩個勁爸爸幫我同紫鈴個腦電波通訊

Venus:  唔用得國防局嘅電波通訊， 唔係會捉到你

Hugo:  用我嗰部咪得囉, 仔， 咁你同紫鈴講， 你 Hu 爸我依家同佢腦訊息，等佢唔駛驚吖嘛

Hugo 接通五人的腦訊號: 你係咪紫鈴？我係卓鋒第二個爸爸呀，叫我 Hu 爸吖

Venus:  Hugo 乜嘢第二個爸爸呀，卓鋒得我一個親生爸爸架，你只係佢個契爸呀

倩: 你哋又嚟喇，失禮呀

卓鋒:  叫 Hu爸咪得囉

鈴:  我係紫鈴呀，好神奇呀，唔駛用口講就可以同卓鋒嘅屋企人溝通到，兩位世伯，伯母你哋好呀

卓鋒:  老婆，仲咩嘢卓鋒，世伯伯母呀，我係你老公呀，佢哋係你老爺奶奶呀，你可以跟我叫 Hu 爸，爸爸，媽咪都得

倩:  哈哈，仔真係大個仔喇，紫鈴，我係卓鋒個媽咪呀，叫我媽咪得架喇

Venus:  紫鈴，叫我爸爸得架喇

Hugo:  紫鈴，我係Hu 爸呀

卓鋒開啟虛擬顯示屏給她看他們的樣貌

鈴:  嘩，你媽咪好後生呀，似我家姐多過似媽咪呀，你個樣同爸爸個樣一個餅印咁架，係百份百一樣架，唔似我兩個仔咁只係有七成似你，唔係一樣，你Hu 爸又係靚仔到唔係人類有架，你哋三個靚仔到唔似人呀，sorry呀，我講錯嘢，但真係唔知點形容
Venus, Hugo及倩發覺兒子和紫鈴的關係並不樂觀, 難免為他擔憂.

倩一心為免兒子發覺及令氛圍較好點: 唔駛sorry佢哋慣架喇， 全宇宙嘅人都係咁講

卓鋒:  老婆, 我仲有兩個哥哥，一個家姐架， 佢哋都好靚仔好靚女架， 個孖生哥哥又係同爸爸百份百一樣架， 哈哈..

鈴:  今日實在太多神奇嘢睇到喇，第一樣突然有個透明 mon 用對眼控制所有嘢，跟住同你媽咪用個腦傾計, 佢後生到呢, 睇落最多大我幾年,仲有你兩個超越人類級數型靚正嘅爸爸同我講嘢。

鈴:  你個家庭好大呀

倩:  仔，我哋唔阻你哋談情喇，你哋都早啲瞓喇

卓鋒:  兩個爸爸，媽咪，早抖


卓鋒擁著紫鈴；

鈴:  (感覺增加了一點好奇心) 我同你响香港可唔可以用腦電波通訊架？

卓鋒:  理論係可以,但要研究下先,因為我爸爸之前為咗地球移民研究咗腦電波功能植入架,但仲要配合我哋火星嘅光速能量儀先可以响一個星球廣泛運用,所以頭先同兩個爸爸媽咪腦電波我哋都要用Hu爸研究嗰部儀器經外大空咁多唔同星球嘅光速能量儀先可以同到我哋响地球訊息到.我諗, 我可以試下响香港研究呢部儀器聯絡火星, 經咁多唔同星球放置嘅光速能量儀再經天然嘅太陽能量環回折射返一部收發儀度。老婆, 比啲時間我研究下。

鈴:  嘩, 真係好複雜,我真係好蠢, 唔怪得你同 Hazel 咁夾啦, 佢應該會明你講乜.

卓鋒:  老婆, 求你唔好再講其他女人喇,我真係知錯架喇.

鈴:  我都係講事實啫, 我係一個乜都唔識嘅女人嚟架嘛, 你要好有耐性先至教到我識架

卓鋒:  老婆, 做我老婆就得架喇,唔駛諗咁多嘢架

鈴:  如果你以後都對我咁好就好喇

卓鋒:  老婆, 一定,咁你搞婚禮架喇喎

鈴: 唔駛搞啦，婚禮只係做比人睇架啫，只要你真心真意對我哋幾母子就得架喇

卓鋒:  駛唔駛問下外父外母先

鈴:  唔駛喇，我爸爸媽咪最無所謂架喇，佢哋成日同我哋幾個仔女講，最緊要將來嘅另一半對我哋好，煩世俗事可免則免

卓鋒:  佢哋真係開通架喎，老婆呀，咁你想我哋點慶祝我哋新婚呀？

鈴:  你對我哋幾母子好嘅，就日日都係新婚架喇

卓鋒:  我呢個老婆真係無慾無求，我係緊接我兩個爸爸之後全宇宙最幸福嘅男人嚟架

鈴:  我哋早啲瞓喇，聽日要返工，我仲要放兩個仔去媽咪度

卓鋒:  老婆，你唔好做喇，我聽日幫你辭職，留响屋企照顧兩個仔，你老公我養得起你哋有餘，到佢哋大啲，你又覺悶先至諗做唔做嘢啦，我當然唔想你做嘢啦，辛苦嘛。

卓鋒:  老婆，我以前唔識珍惜你，我會用我呢一生去珍惜你

吻著妻子，兩人擁吻著，比紫鈴第一次的晚上還要浪漫千萬倍，卓鋒明白到妻子是一張白紙, 在性事方面是一竅不通, 教導她一些房事的趣味,紫鈴因此往後十分陶醉跟卓鋒的夫妻樂事上, 卓鋒已完全學會珍惜了。


卓鋒為了早點達成妻子的願望, 盡快可接通他們之間的腦電波功能, 把這項研究排到首位,運用天然的太陽能量經多個星球放置於太空的光速能量儀環回折返到自己剛研發成功的小型收發儀, 再借用爸爸的腦電波植入術到妻子的腦部, 妻子與他就可經這小型收發儀腦訊息了. 一個星期後的晚上他訊息爸爸;

卓鋒:  爸爸, 你可唔可將你個腦電波植入術存入星際空間門encrypt 咗 file 我會用 SurfDor  (VenusMinister 之 愛與恨提及)  攞你呢個 file 咁火星就唔知我係邊個架喇, 我會 decrypt 佢架喇, 咁當然你依家話埋比我聽點 decrypt 就最好啦, 唔駛嘥時間嘛, 哈哈

Venus:  你想比地球人用腦電波通訊呀?

卓鋒:  上次同你哋傾完之後, 老婆問我可唔可以同佢响地球用腦電波通訊嘛

Venus:  你研究到光速能量收發儀喇?

卓鋒:  研究到個小型架喇, 但老婆無腦電波功能架嘛, 咪要問你攞, 唔駛自己再研究嘛,只係香港都應該夠用嘅, 全地球就要响太空加個24小時追蹤太陽能收集器先至夠power 喇

Venus:  咁我比你喇. 你淨化香港污染研究成點呀?

卓鋒:  空氣搞掂喇, 每年淨化一次就得架喇

Venus:  咁你諗住幾時同我哋一齊研究淨化地球核輻射污染呀

卓鋒:  爸爸, 太多嘢研究喇, 呢啲係長時間搏鬥架嘛

Venus: OK  OK  咁你 ready 嘅就同我哋講啦. 仲有好緊要嘅, 你要真心真意咁對待紫鈴呀, 唔好再傷害佢喇, 你多啲留意下佢, 關心下佢喇

卓鋒:  爸爸, 你幾時變得咁囉唆架

Venus:  總之你唔好再對佢唔住啦, 早啲瞓喇, 媽咪會擔心架

卓鋒:  哦, 記住個 file 呀

Venus:  比咗你喇, 你睇下啦, decryption zzzzzZ

卓鋒立刻開啟, 數天後, 根據資料製造出來, 晚上, 在妻子睡覺時, 幫她植入了腦電波功能, 翌日早上;
(腦電波測試中)

卓鋒:  老婆, 我啱啱醒咗喇, 你係咪响廚房煮緊早餐我食呀?

紫鈴立刻衝入睡房問卓鋒:  幾時可以咁同我傾計架?

卓鋒擁吻著妻子的臉:  你話想同我可以腦訊息溝通架嘛, 你依家隨時都可以同我傾架, 但只可以响香港範圍內, 近住香港嘅廣東省都得, 只係我同你就得, 因為其他人無電波功能架, 就算佢哋可能有, 但佢哋唔識用

鈴:  你好叻呀

卓鋒:  老婆煮咗乜早餐我食呀?

鈴:  我煲咗牛肉粥, 仲炒咗啲豉油王炒麵呀,快啲刷完牙出嚟食吖

卓鋒:  老婆錫晒你 (肉緊地吻妻子的臉) 刷完牙先至錫你個嘴



卓鋒準備出發回公司, 和妻子擁抱一刻後;

卓鋒:  老婆, 照顧兩個仔會好辛苦架,攰就休息下喇, 知道嘛, 一係我請個工人幫你打掃家務吖,好唔好呀?

鈴:  唔駛啦, 我搞得掂架喇,唔好嘥啲無謂錢嘛

卓鋒到達停車場正準備開車前, 紫鈴嘗試腦訊息他;

鈴:  你返屋企前通知我, 等我可以準備晒所有嘢比你嘛

卓鋒:  我返屋企前一定通知你, 老婆, 我好愛你呀

紫鈴腦部被卓鋒說的愛字自動喚醒及啟動了她思想:  只要佢需要,每一日都會感受到我嘅愛, 唔敢抱永遠嘅奢望, 有一日就會珍惜一日, 希望唔好咁快就唔再需要我就得架喇.

紫鈴心神一定再說:  你小心揸車呀.

卓鋒聽到這訊息立刻熄掉引擎, 醒覺爸爸對自己忠告必要好好對待妻子的原因, 飛快返回家;

卓鋒非常激動地緊抱妻子:  老婆, 我知我以前真係傷害你好深,未嚟地球前做咗好多好變態而且天怒人怨嘅錯事, 我已經知錯改過自新架喇,估唔到依家連自己愛嘅人都傷得咁深, 原諒我以前唔識做人吖, 你要我點做, 你先至對我有番信心呢, 你依家要我條命我都會比你架.

鈴:  你要珍惜你自己, 唔好下下都話唔要自己條命, 兩個仔唔可以無咗你架. 依家有你响度, 我就放心佢哋喇. 仲有, 對唔住呀, 頭先係我成日响心度提醒自己嘅說話嚟架, 控制唔到個腦訊息咗你, 但呢個係事實, 因為無人會知道將來嘅事, 我以前思想簡單認定你時, 真係無諗過有一日你會唔要我架, 我驚我唔可以再承受多一次,所以咪成日提醒自己囉, 唉, 我都係蠢架喇, 連自己個腦都控制唔到.

卓鋒慶幸自己研究到和她腦訊息通訊, 就是自己說出一個愛字, 才可發現她有此抑鬱病徵, 自己過去一年傷得她太深了, 他決定在家醫學研究一些天然抗抑鬱營養食療盡快醫治好妻子的抑鬱症.他告訴公司這星期會在家研究.

卓鋒醫學研究天然抗抑鬱營養食療同時根據火星的營養資料以醫學科技於地球找到天然健康食物原料製造了每天一顆的營養糖給紫鈴及自己的食糧,紫鈴額外有補充營養供應母乳給兩個兒子,當然他們吃了一段時間後, 由其紫鈴的健康有著明顯的改善, 紫鈴因天然抗抑鬱食療的幫助下,同時感受到卓鋒對她無限的愛, 身心也非常健康開朗, 卓鋒一家的身體比地球上的人都健康.

卓鋒就好像已把部份火星生活帶進地球自己的家, 他把火星的年食日改為生日喜慶喜宴日,但仍跟從食肉蔬果後的數天禁食, 紫鈴需餵哺母乳不用禁食.