【Venus Minister VIII 之 天地傳說】 (十)

【Venus Minister VIII 之 天地傳說】 (十)


就在這時他的Hu 爸訊息他；

Hugo:  仔，我諗紫鈴應該未死，因為對上幾個月分析佢嗰啲儀器突然自動運作番，我即刻睇下係咪真係佢本人，發覺係呀，佢個位置應該响香港一個叫大埔太和邨嘅地方，你去睇下係咪，唔知點解會自動運作番，等我再研究下，你過去搵佢吖，捉緊人哋喇，唔好再咁蠢啦

卓鋒已滿腔熱淚興奮至一刻不懂回答，停頓一刻後, 聲線顫抖地說:  唔該晒 Hu 爸

他立刻駕車到太和邨紫鈴家的大樓下等候她，這就是緣份了，剛巧紫鈴手推著嬰兒車到達大樓門前，因她低下頭看著車中嬰兒，沒有留意到卓鋒正在她面前，她正想抬頭用咭開啟密碼鎖，看到卓鋒，很驚訝，立刻轉頭離開大樓，卓鋒那會給她走甩呢；

卓鋒:  （滿眼是淚）紫鈴，唔好避開我，好嗎？我以為你一年前飛機失事死咗呀

紫鈴也是滿眼是淚但背著他抺乾眼淚才只看著他身前跟他說話, 心中慶幸身高差異, 否則眼睛通紅給他發覺:  機位overbooked咗，航空公司比我搭第二班機，所以我避過咗呢一劫

卓鋒:  咁點解你返嚟嘅？係咪唔捨得我呀？

鈴:  過到去, 發覺嗰度唔係咁適合我咪返香港囉

卓鋒:  呢兩個 BB 係你架？

鈴:  係呀，我結咗婚喇

卓鋒: 結咗婚仲同父母一齊住？

鈴:  方便我媽咪照顧兩個孫嘛，我唔同你講喇，我老公响屋企等緊我架，我哋唔方便再見，老公唔鍾意架，所以你以後唔好再搵我喇 (轉身眼淚不受控地流下)

立刻拍咭入大樓內， 在電梯大堂狂哭著直到淚乾, 抺掉剩下的幾行淚, 才乘電梯返回家.


卓鋒在大樓外心靈上好像有點感覺, 但一刻後就消失了,只有很無奈地離開， 回家與Hu 爸聯絡；

卓鋒:  Hu爸，我搵到紫鈴啦，佢同我講佢結咗婚，仲有兩個BB 添喇

Hugo:  仔，你做咗人爸爸啦

卓鋒:  吓，你話嗰兩個 BB 係我架？

Hugo:  係呀，幾個月前部儀器突然自動運作，係因為佢肚裡面兩個BB 嘅腦電波呀，我哋之前分析過佢，雖然分析完已經停止運作， Venus 發明呢部儀器一經啟動又唔閂嘅話, 如果要分析嘅人嘅腦電波突然仲未分析完 default 自動繼續再運作分析架, 咁佢肚面突然多咗兩個腦電波咪自動繼續運作囉, 結果分析到有金星人嘅腦電波出現。而且分析埋個金星人腦電波，係兩個男仔, 兩個BB 咪有咁強大嘅金星人電波牆囉,  但因為佢哋仲係太細個，性格報告只係出咗, 未定論，不能作分析

卓鋒:  佢做乜呃我話結咗婚呀

Hugo:  紫鈴有可能真係結咗婚, 因為佢都要面對人言可畏, 如果咁啱有個男人肯唔嫌棄佢有咗都同佢結婚,亦有另一個可能性就係佢可以偉大到自己一個人面對所有嘅壓力去養大兩個仔. 唉,阿仔, 你知唔知你有幾 Hurt 佢呀，就算佢依家真係選擇獨力面對壓力, 佢都唔會知你依家有無家室或者女朋友，就係唔想影響你嘅生活呀，而且佢當初離開你，都係想成全你同嗰個 Hazel 咋。

卓鋒:  點解佢可以咁偉大, 點解我成日做咁多錯事架

Hugo:  仔，呢啲咪叫真愛囉, 愛對方一心只係想佢幸福快樂, 唔一定要擁有佢架,就好似依家你Hu 爸我對你媽咪咁囉. 你快啲再搵番紫鈴, 就算佢真係結咗婚, 你都要負返做爸爸嘅責任架, 如果未結婚, 更加唔好再錯過機會喇, 依家仲未遲架，我哋又可以多兩個孫嘛



卓鋒飛車到紫鈴家大樓下，按保安的通訊制，告訴保安要找姓黃的一家，這保安已在這大樓工作了幾年了，所以他認得卓鋒，加上卓鋒的樣貌怎可能會忘記，就讓他內進，卓鋒迅速按電梯到達紫鈴家門，按門鈴；

鈴父:  呢度唔歡迎你，快啲走 (就關門)

卓鋒不停按門鈴大聲哀求著：  紫鈴 ，對唔住呀，我知錯好耐架喇，求你原諒我吖，由以為你出咗事嗰日開始，我已經知錯架喇，我根本唔知你平安無事，仲返番嚟香港，如果知道，點會唔即刻嚟搵你喎，嗰日之後，我一路都係一個人架，求下你返嚟我身邊吖，仲有我知你一定係呃我話自己結咗婚，只係唔想影響我嘅生活啫，但我依家嘅人生無咗你仲有乜嘢意義吖，除咗研究就乜都無架喇。

紫鈴在家裡正想開門，但父親制止；

鈴父:  女，你一開門，你就要有心裡準備，佢有可能會再傷害你架，靚仔無本心，依家佢仲唔止靚仔咁簡單呀，女，唔好比佢再傷多一次喇

鈴:  爸爸，但佢始終係兩個仔嘅爸爸嚟架，為咗佢哋我點都要博多一次，爸爸求你比我開門吖

鈴父: 唉，女，咁唯有希望你今次唔好再比佢傷害啦

紫鈴打開了門，卓鋒衝上前緊抱著她；

卓鋒:  我知錯喇，以後都唔會再做啲對你唔住嘅事架喇，你唔準再離開我架，同我返屋企吖。

鈴:  點去你屋企呀？兩個仔有好多日用品架

卓鋒:  攞住啲必需用嘅，其他買過啲新嘅

紫鈴告訴父母跟卓鋒回家，她父母唯有接受女兒的決定


回到卓鋒家中；

卓鋒:  紫鈴，我今日要同你好認真咁講，我要同你一生一世，其實我係金星人又係地球人，但唔知佔比例幾多，爸爸係金星人，媽咪係地球人，以前住响火星，以我所知, 你哋都有好多地球人移民咗火星，但好抱歉，因為有啲個人理由，我唔可以帶你返我火星屋企，你願唔願意一世同我留响地球生活呀？

鈴:  我根本就係地球人，一定留响地球生活架啦，我唔理响邊度生活，只要同一個為我好嘅人一齊就心願架喇

卓鋒:  紫鈴，我以前唔肯定，只會覺得鍾唔鍾意，依家我好肯定同你講，我好愛你呀

鈴:  唉，其實愛係唔需要講出嚟架，你感唔感覺到呢？

卓鋒:  紫鈴，我感覺到，仲好深刻添

卓鋒立刻開啟虛擬顯示屏，到政府婚姻註冊處加入他們已婚的資料，紫鈴看到這神奇科技，觸到的是空氣但又可用眼球控制所有操控，很驚嘆，來不及問卓鋒究竟；

卓鋒:  黃紫鈴，你依家係我丞卓鋒嘅合法老婆喇

鈴:  咁神奇嘅？

卓鋒:  老婆，你準備我哋個婚禮吖，鍾意點搞都得

鈴:  大仔夠鐘食奶喇，卓鋒，你幫我抱住細仔先, 順便幫我攞埋尿片吖, 食完奶可以換咗一個仔嘅尿片先

卓鋒:  老婆，你仲叫我卓鋒嘅？

鈴:  (緊張膽怯地,看著卓鋒的眼神)唔該幫我攞吖

紫鈴抱著大兒子餵哺母乳，卓鋒看著自己手抱著小兒子，突然醒覺第一刻看到兩個兒子時是有感應的, 但當時只著緊紫鈴的心情， 忽略了他們的感應。 再看清楚他們， 原來他們和自己的樣貌有七成相似的呢；

鈴:  點呀， 係咪好似你呢， 大個一定好似你咁靚仔架

卓鋒:  我知你一定好掛住我， 所以兩個仔咁似我囉

鈴:  唔知醜呀你， 邊得閒掛住你， 係你啲遺傳因子勁之嘛

卓鋒:  老婆， 呢年辛苦你喇， 我要補償番比你

鈴:  乜嘢補唔補償吖， 最緊要你對我哋幾母子好就得架喇