【Venus Minister VIII 之 天地傳說】 (三)

【Venus Minister VIII 之 天地傳說】 (三)


晚上Venus 的睡房；

Venus:  老婆，今日有無同卓鋒傾計呀

倩:  有呀 (興奮地)，個仔可能好快拍拖喇

Venus:  佢同你講乜呀？

倩:  佢只係問我點解個女仔同其他女仔唔同

Venus:  有乜唔同

倩:  佢話個女仔好似好驚佢咁，從來都唔敢望佢

Venus:  唉，難怪嘅，個仔由細到大都只係見過啲主動嘅女仔

倩:  佢話研究到聯繫到火星嘅儀器後直接問你喎

Venus:  好，都想聽下個仔把聲

倩:  絲絲同個金星男仔結咗婚，振鋒又係同個金星女仔拍緊拖，我諗佢哋拍多幾年都會結婚架喇，依家只係剩番卓鋒未拍拖，希望佢搵到個好女仔啦

Venus:  最擔心佢

倩:  依家Hu 同我都睇住佢，唔駛太擔心佢

Venus:  佢對你好嗎？

倩:  佢好有耐性咁教我，對我好好，你唔好再估估下喇，佢對我從來都無唔規矩架, 希望你信我啦,但你唔信我都無辦法, 唉… (雙眼開始有淚光)

Venus 著緊地雙手托起妻的臉:   老婆，我唔係咁嘅意思呀，你千祈唔好諗多先至得呀，有乜嘢都唔好收埋响心裡面（立刻擁吻著妻子一刻，輕輕離開妻子的唇）老婆，我要比你完完全全感覺到我嘅愛，唔需要講你都會刻骨銘心嘅愛


再吻著妻子。倩銅由少許傷心，傷心因為感覺丈夫又再次試探她, 有可能像從前般不相信她，隨著被丈夫溫柔吻著，開始放下傷感和丈夫擁吻著。自從倩銅昏迷甦醒後，事實在她昏迷前已很久很久沒有如此親密接觸了, 今天晚上才真真正正地回味夫妻之禮的感覺，並不是想像中的激情，而是，非常溫柔，就好像在地球 Venus 和倩銅的第一次般溫柔漫長的浪漫，Venus 珍惜地輕吻著倩銅的每一寸肌膚，捉緊著妻子的手，全情投入地進駐她的身體她的一切, 把自己以為失去了妻子的愛一下子全部擁抱回來；

Venus:  老婆，全宇宙最幸福嘅男人只有我

倩:  老公，我唔再識講呢句說話，我真係先至係全宇宙最幸福嘅女人，但我唔配

Venus 很擔心地:  老婆，你唔好再諗埋啲無謂嘢喇，我話你係，你就係，你係全宇宙無人能代替架

倩:  老公，雖然我都就快48歲，會唔會有BB架

Venus:  哈哈..老婆，你生活响火星咁耐，你嘅身體機能應該仲係响地球時嘅三十歲左右，如果你一出世就响火星，身體機能仲會後生啲添，所以你都好大機會再有 BB 架，但你知你老公我識幫你睇架嘛，唔駛擔心，你今次唔會有 BB。哈哈..响地球第一次又係咁問，老婆，你真係好可愛


地球；


可能這就是地球常說的緣份，卓鋒駕車到停車場停泊了車，再乘電梯到實驗室，到電梯大堂，剛剛紫鈴和幾位同事正在等待電梯，女同事們看到卓鋒，各人的腳步也設法不經意地向前，實際是加快走到電梯前，反觀只有紫鈴很害羞地退後，可能她相信電梯空間不足讓那麼多同事乘搭，亦有可能她害怕眼神接觸卓鋒，因為她知道卓鋒正看著自己，到電梯門關上，她仍是低著頭的。說她比倩銅還沒有自信並不太過。



卓鋒心裡越覺得這位紫鈴很特別，在這一刻他知道自己並不是喜歡她，只覺得原來人的性格何其多，才醒覺為何自己父親如此傾注研究人性, 深層思想, 若早早如父親的喜好,自己成魔的可能性將會是否定了的, 想到此處已是無法改變的事實,唯有盡自己的能力挽救地球的生態環境, 彌補他從前天怒人怨的過錯. 如今, 並沒有把紫鈴再放在心上，繼續研究地球污染。


為了加快研究聯繫火星的儀器，卓鋒每天下午已返回工廈加速研究，一個月後，他要經過多重外太空不同星球發射出的電波能來回折射，經多次測試後，終於成功連接火星，他嘗試經自己的腦電波訊號接觸爸爸: 爸爸，我係卓鋒呀，你聽唔聽到我嘅訊息呀？

Venus:  卓鋒，爸爸聽到，真係叻仔，咁快就研究到

卓鋒:  爸爸，咁就好喇，你依家方唔方便同我傾呀？

Venus:  方便，腦電波啫，唔係開口講，唔會阻到我

卓鋒:  咁我試下訊息埋 Hu 爸先

Hugo:  仔，果然叻仔喎，咁快就研究到

卓鋒:  Hu 爸，依家係三人會議呀，爸爸都响度

Hugo:  哈哈，Venus 估唔到我哋之間嘅訊息傳送會有第三人在場喎，都係你遺傳咗你嘅智商囉

Venus:  我個仔梗係叻啲架喇

卓鋒:  喂喂，我兩個好爸爸，唔好响度嘥我啲時間喇，咁我依家問下你哋啲私人問題先

Venus:  乜嘢私人問題呢？係咪媽咪同我講，你覺得有個女仔好特別呢

卓鋒:  係呀，嗱，先此聲明，我唔係鍾意佢呀，只係覺得佢好特別咋，同埋有啲似媽咪咁善良可愛囉

Venus:  仔，响好似地球講嘅心理學上面睇，你已經對佢有好感喇，而你自己唔知啫

卓鋒:  好感？咁可能係掛，起碼唔討厭先喇，其實係咪因為佢同其他女仔嘅行為唔同，所以我先至咁留意佢呀

Hugo:  都有呢個可能性架，有好多好有心計嘅人好識捉人心理，明查暗訪咁了解咗你所有嘢後就投其所好，搏你好感留意佢，火星就有好多

Venus:  咁地球都有唔少架，你駛唔駛用科學嚟解答你嘅問題？

卓鋒:  吓，真係有得用科學嚟搵到人性嘅問題架？

Venus:  有架，我以前都係咁分析你媽咪，先至不顧一切咁去地球同佢一齊

Hugo:  嗱，又提起我唔甘心嘅嘢喇。

Venus:  不過果時我研發咗部儀器响地球研究院度，一係就過去借用，如果我問，一定無問題，因為係我研製出嚟嘅。另一個方法就係要你 Hu 爸用佢嘅時間再造一部出嚟喇，因為我太忙無時間造

卓鋒:  咁梗係取易捨難喇，Hu 爸呵

Hugo:  咪係，講埋啲廢話

卓鋒:  哈哈..好有火藥味呀，你哋兩個好搞笑呀，我有你哋呢兩個爸爸真係幸福

Venus:  你得我一個親生爸爸架

Hugo:  費事同你鬧交，最緊要係卓鋒做番乖仔，咁老婆就開心架喇

卓鋒:  咁好喇，爸爸，你幾時可以幫我用科學分析睇下呢個女仔嘅真實人性呀？

Venus:  你比嗰個女仔嘅所有資料我或者Hugo，我或者佢會幫你研究下，佢咁勁，唔駛我同佢講，佢都應識點分析架喇

Hugo:  多謝你咁睇得起我喎。但阿仔，Hu 爸比多個建議你，你可以好似Hu 爸以前咁同媽咪相處下先，你可能會了解到個女仔先架，不過我哋可以同步分析下都得嘅，你爸爸之前嗰啲係捷徑分析，係會無咁嘥時間嘅

Venus:  其實你爸爸我以前成日都係親自到地球近距離以地球人見唔到嘅影像見媽咪架, 不過佢當時唔知之嘛, 哈哈

Hugo:  你咁都得, 咪即係非法擅闖私人空間啦, 我依家仲唔甘心呀

卓鋒:  Hu 爸, 已經係事實, 無得改變架喇, 只可以講你無爸爸咁好運,唉, 我都好後悔, 如果一早好似爸爸咁研究人性,就唔會咁醉深咁變態去研究生物人體啦.

Venus:  乖仔, 終於都理解到喇

Hugo:  多得我哋個好老婆囉

卓鋒:  咁我試下同佢相處了解下佢先，同時我會搵齊佢啲資料就比你哋喇，唔該晒兩個好爸爸。仲有呢，正經嘢

Hugo:  係咪你之前同我講嘅淨化全地球污染問題呀，我同你爸爸都傾過架喇

卓鋒:  係呀，爸爸，有無問題呀？

Venus:  初步構思當然無問題啦，但要花好多時間，因為地球嘅污染除咗係佢哋本身地球人製造出嚟啲污染物，天然嘅都好多架，由其係輻射，無處不在。

Hugo:  係架，不過天然嘅輻射污染禍害暫時仲未好大，首先就係要淨化到佢哋人為嘅，好似核電廠輻射洩漏，剩係呢一方面都已經係好大嘅挑戰

卓鋒:  唔係駛乜搵我兩個咁勁嘅爸爸幫我手呀

Hugo:  仔，你之前咪同我講，你依家幫香港研究緊淨化佢哋範圍嘅土地，海水同空氣嘅污染嘅

卓鋒:  係呀

Venus:  你唔係諗住叫佢解決住呢啲先，我哋幫佢研究淨化輻射污染呀

Hugo:  哈哈..你個腦真係勁，不過我哋只係幫佢研究住呢 part 先，到佢解決到香港嘅污染問題，我哋再三個一齊研究淨化輻射污染，因為呢個 Project 要花好多時間架。

卓鋒:  爸爸，有無問題呀？

Venus:  幫到個仔，又幫到地球，試下無妨

卓鋒:  再一次唔該晒兩個好爸爸喇

Venus:  我再強調多一次，你得我一個親生爸爸架

卓鋒:  哦，親爸爸，唔親爸爸，哈哈..

Hugo:  無氣同你哋兩個講


為了方便與火星的親人聯絡，卓鋒把與火星聯絡的虛擬儀器設備放置家裡的小型實施室裡