【Venus Minister VIII 之 天地傳說】 (二)

【Venus Minister VIII 之 天地傳說】 (二)


每到週末Hugo 就有些失落，自從認定倩銅是一生中最愛後，他拒絕所有在外投懷送抱的女人，有需要時只會返回家中實驗室研究新科技或找其他精神寄託，到倩銅成為他的合法妻子後，更不用多說了。根據對Venus 的承諾，是否是時候有需要時接受其他女子的肉體關係呢。於是他決定週末時嘗試很久未試過的有性無愛生活。


平日他會留中午時間給妻子，到週末，他選擇到各研究所工作，那裡不停有不同的女人對他投懷送抱，這些大部份是研究生，從前他必定拒絕，今天，他嘗試接受，盼望可藉著與其他女性肉體關係時幻想與妻子纏綿, 雖然他和妻子的夫妻之禮只是數次而已, 實在是極度刻骨銘心的.


與那研究生轉移到一情趣酒店幹那種男人生理需要的事，而且還是有性無愛的；

研究生:  Hugo，我哋駛唔駛用啲Oil 按摩下全身先呀

Hugo:  (他從沒有和妻子做按摩油的事) 唔駛啦


那女人主動深吻，但他總感覺好像很不太習慣這樣的模式，一來他已很久沒接觸其他女性，二來因妻子從沒主動吻他或任何愛撫前奏動作，最多只是主動擁抱他。眼神嫵媚的女人繼續在他身上探索深吻著，始終是男性，到達一些敏感地帶，一觸及就自自然然地煽動反應，無需多作考慮地尋求快樂巔峰，的而且確發洩到一刹那的興奮，但過後的失落感並不能為他帶來喜悅，只會越加掛念妻子。他堅決每月只接受一次這樣有性無愛的接觸，為免有感情瓜葛，絕不重複和同一女子發生關係，但當中少不了一些女人真心愛他的，奈何Hugo 對妻子一往情深。


地球香港


卓鋒為自己新租的工廈單位建立了一個在地球已是超先進的私人研究室，在此實驗室研究了一個月，迅速淨化香港兩個空氣污染很嚴重的地區旺角及銅鑼灣，香港特區政府高度注意卓鋒的才華，額外大量撥款給他研究改善整個香港特別行政區所有土地，海水及空氣污染問題，卓鋒被躍升為唯一一個香港的 Chief Scientist  Officer， 他亦因此被全香港市民認識，數以百萬計的香港市民為他神魂顛倒，有男有女，深深愛上他，不單是他的才華，最主要是他的頂級樣貌。


通常他在工作完，會到位於工廈的私人實驗室研究一段時間，晚上由工廈返回自己購置的家居，相隔數晚會和媽媽通訊；

卓鋒:  媽咪，日日都要扮唔同樣避過一大班人先至返到屋企，好攰

倩:  你之前講比我聽嗰啲香港 fans 呀

卓鋒:  係呀，原來响地球可以咁易出名架

倩:  吓，你呢個仔吖，因為你個樣好似爸爸咁靚仔先至咁多人鍾意你吖嘛，爸爸以前响地球都係好多女仔黐埋佢度架

卓鋒:  一定係啦，爸爸同我一樣咁靚仔架嘛，契爸都應該好多女仔黐埋佢度架喇，佢都係咁靚仔

倩:  你哋個個都好英俊。仲有呢，乖仔，你唔好怪爸爸無搵你傾計呀，因為佢身份唔可以經火星同你傾架，佢都好掛住你，佢好錫你架

卓鋒:  媽咪，我知自己依家响火星係咩身份架喇，我唔會怪爸爸架，佢肯放過我已經好錫我，比機會我改過，我依家知架喇

倩:  咁就乖仔喇

卓鋒:  媽咪，你得閒可唔可以幫我叫契爸搵我呀，我仲未研究到同火星聯繫嘅儀器呀，有啲嘢想問下佢

倩:  仔，不如你以後叫契爸做 Hu 爸吖，佢唔止係你契爸嚟架喇，好唔好？

卓鋒:  哈哈，媽咪都係一句啫，我已經當咗佢係我其中一個爸爸好耐架喇，咁你得閒記住叫Hu 爸搵我喎

倩:  唔駛得閒吖，每次我同你傾，Hu 爸佢都响我身邊架，你等等吖

Hugo:  仔，乜事呢？

卓鋒:  Hu 爸，我想幫地球做啲嘢，但我一個人嘅能力未必做得到，你可唔可以幫我呀？

Hugo:  哈哈..乖仔，終於肯叫我Hu 爸喇，只要唔係犯法嘅嘢， Hu 爸一定會幫你

卓鋒:  咁就好喇，我依家研究緊解決香港嘅污染問題，我想擴大範圍，係全地球，你可唔可以幫我呀？

Hugo:  （想了一刻）有得諗，可能搵埋你爸爸會更加有效率

卓鋒:  咁旨意你架喇喎，唔該晒 Hu 爸。仲有呀，你係咪仲係咁愛我媽咪架

Hugo:  仲駛問嘅

卓鋒:  算你喇，你對媽咪唔住，我唔會放過你架

Hugo:  比你呢個仔激死

卓鋒:  Hu 爸，叫番媽咪同我講吖

倩:  點呀乖仔

卓鋒:  無呀，只係想同你講，你唔駛擔心我呀，我依家响地球生活得好有意義，好開心

倩:  你得閒要見下舅父佢哋架

卓鋒:  我有呀，間中會去佢哋屋企食飯架，但舅母煮啲餸無你煮得咁好食

倩:  吓，你唔好咁同舅母講喎

卓鋒:  哈哈.. 第一日到地球已經講咗啦

倩:  唉，呢個仔，曳曳。好喇，地球夜喇，快啲瞓，唔好咁夜瞓呀

卓鋒:  哦，媽咪，早抖

卓鋒早已成功研究到工廈的私人實驗室及家居防禦網，除了他本人，無人能侵入，直到他遠距離搖控關閉工廈實驗室的防禦網儀器為止。




香港政府撥款給他的實驗室位於科學園裡佔地整整一座樓，除了他的實驗室以外，還額外有其他支援部門例如行政部，資訊科技部，會計部，物料採購部等，分佈在他實驗室下幾層樓層。所以每當他返回實驗室乘電梯時多數時候有其他支援工作的同事在電梯內，除男同事外，全部女同事(有可能包括一些男同事) 都內心非常雀躍，但外表抑壓著興奮，平息靜氣，全都對卓鋒報以甜美微笑。他們的其中工作守則是不能作出危及卓鋒行為，更不能對外公開他及研究的一切，違規者最低刑罰為監禁一年。


某一天，卓鋒發現電梯內有一女孩給他的感覺很有親切感，因她散發著母親獨有善良可愛的氣質，及她對其他同事親切的笑容舉動，由那天開始，他留意著她，實在那女孩暗地裡同樣好像全大樓的女孩一樣暗戀著卓鋒，但她外貌未見突出，有自知之明是沒可能的，所以不敢奢望自己有機會跟卓鋒說話，更不用說成為朋友呢，從不敢跟卓鋒有眼神接觸，不敢像其他女孩般對著他微笑，若能有幸在電梯遇到，也只會偷偷地看他。但亦有著很多比她醜陋數倍的女孩過份自信地主動向卓鋒拋眉弄眼，卓鋒看到簡直想嘔吐。當然不乏樣貌在地球已是美麗的女孩對卓鋒胸有成竹地出動示愛，最後因卓鋒只覺她們不外如是，告訴她們不要浪費他的時間。


你們或會說，與金星人外貌比較，地球佔了99.9%的女子都是普通的。卓鋒，他爸爸 Venus 及他的 Hu 爸 Hugo他們欣賞的內在美，在火星是稀有的，在地球亦都很難找到。卓鋒並不像他爸爸有洞悉人性的能力，只單憑她的善良可愛氣質而留意她而已，所以他是需要深入了解才可肯定自己有否看錯。




卓鋒的研究工作並不是定時的，有時可能只是半天留在科學園，其餘時間留在工廈的私人實驗室。一天下午前，他想到自己的私人實驗室研究，乘電梯到停車場，當電梯門一開，這女孩雙手抱著八個寬度幾寸厚對合的新文件夾，還高過她的視線，兩個對合的文件夾突然在電梯門邊跌下，女孩失去重心，身體向前仆倒，連雙手上的所有文件夾全跌落地上，卓鋒急忙扶著這女孩，並在電梯開關門的感應位置站著以防電梯門自動關上，因她不知電梯有人，嚇得她不知所措，向上一望，更驚嚇得六神無主，感覺非常尷尬，天啊，是他啊，真是失禮呢。她急忙拾起所有文件夾，卓鋒也幫忙拾起在門邊的文件夾；

卓鋒:  慢慢嚟，唔駛急

女孩:  丞生，唔好意思呀，差啲整親你，我唔知Lift有人

卓鋒:  無人怪你喎，你叫乜名呀？

女孩受寵若驚地，自己居然有機會跟他說話，他還問自己名字: 我無英文名架，啲人叫我阿 Ling，我中文名叫黃紫鈴（心想，他能記得自己已三生有幸了，還要別人記得自己姓名）

卓鋒:  你好紫鈴，你個名幾好聽吖

一刻電梯已到達紫鈴的會計部樓層

紫鈴:  我到喇（面向著文件夾，不敢看著卓鋒），頭先真係唔好意思呀

卓鋒:  客氣，你小心唔好再跌到喇

電梯門再關上，一刻卓鋒就到達停車場，駕著他的跑車返回工廈



到工廈繼續研究與火星聯繫的儀器，心裡總是不能集中精神，這心情的確奇怪，從來無這樣的感覺，到晚上，跟母親傾談時；

卓鋒:  媽咪，我發覺公司有個女仔好似你，唔係個樣，係感覺

倩:  仔，你開始正正經經留意女仔喇？

卓鋒:  咁就叫做正正經經留意女仔架喇？咁又係嘅，以前只會諗埋啲變態嘢，依家諗番起真係覺得自己以前好恐怖，希望依家做多啲好事彌補過失啦，唉，我以前一味諗住深入研究醫學,從來只覺得殺一個生物係為咗了解同研究, 唉, 總之同生物人體有關嘅都只係視為醫學, 簡直係個魔鬼.

倩:  仔，只要你真心改過就得架喇，無錯呀，你做多啲好事啦，希望比你害過嘅人會原諒你啦。

卓鋒:  媽咪，我一定會做多啲好事架，你睇住我點樣幫地球啦

倩:  咁就好喇，你兩個爸爸知道一定會好開心

卓鋒:  講開又講吖，嗰個女仔好似好驚咁，從來都唔敢望住我架喎

倩:  哈哈..仔，你咁靚仔，比著我以前，唔識你前都唔敢望你啦，唔係你爸爸主動識我，我都唔會有機會同到佢一齊呀

卓鋒:  其他女仔唔會咁架喎，個個都好主動咁對住我笑，望住我架喎，就算以前火星，雙子座β星啲女仔一定會好主動架喎

倩:  咁每個人嘅性格都唔同架嘛，如果你覺得呢個女仔唔同，你可以比多啲時間了解下佢嘅，因為有好多唔同嘅人性架嘛，最衰你爸爸又唔可以同你傾，佢一定可以教你

卓鋒:  唔緊要，我研究到聯繫火星嘅儀器，可以直接搵爸爸，唔駛佢冒險同我接觸

倩:  咁比心機研究喇，你駛唔駛問下 Hu 爸吖，唔知佢幫唔幫到你

卓鋒:  都好喎

倩:  等等

Hugo:  仔，媽咪話你想問男女問題喎，係咪呀？

卓鋒:  都唔係嘅，可能我以前從未有呢種感覺，想問下你哋意見啫，我覺得有個女同事好似媽咪，唔係個樣喎，佢比我感覺好善良可愛，今日第一次同佢講嘢，佢好似好驚咁，全程唔敢望我架。

Hugo:  咁佢外表點架呢？

卓鋒:  又唔係靚又唔係醜樣，普通女仔一個，咁當然唔可以同金星人比喇，不過全宇宙無人靚得過我媽咪嘅

Hugo:  仔，真愛唔係只係睇樣架，外貌會隨住個內心散發出嚟架，全部金星女仔外表都係好靚女，但佢地內心散發出一種比我覺得唔舒服嘅感覺，我未了解你媽咪之前，都覺你媽咪唔靚

卓鋒:  咩呀，媽咪不知幾靚呀

Hugo:  聽埋我講先，以前我咪就係唔夠你同你爸爸咁了解你媽咪囉，你Hu 爸我輸比你爸爸就係唔識睇人性。Hu 爸好理性嘅，你媽咪嘅靚係發自內心，而且當你越愛一個人，你會越發現佢嘅優點，當優點多時，缺點就自自然然可以被優點抵銷架喇，咁你媽咪呢個又係好例外嘅例子，因為佢嘅缺點只係好少，就係無自信同埋過多愛心，你爸爸同我對佢嘅愛，都比咗好多壓力佢。

卓鋒:  駛唔駛咁複雜呀？

Hugo:  咁你係咪覺得媽咪好靚好完美吖

卓鋒:  咁梗係唔駛講喇

Hugo:  咪就係囉，你唔高興都要同你講，呢個係事實，好多人，包括你Hu 爸我以前都覺你媽咪唔靚，當Hu 爸同媽咪相處過之後，先至後知後覺咁發現佢獨有嘅美貌，我依家就好似你同你爸爸嘅感覺一樣，被媽咪迷住咗，呢啲咪叫愛囉

卓鋒:  你即係話我哋三個盲咗呀？

Hugo:  你爸爸同我都係正常不過嘅人，我哋包括你兩個哥哥同你都唔係盲嘅，而且仲要智商好高嘅人，當我哋搵到愛時都識得分善同惡，我同你都係以前犯咗好大嘅錯，從來無諗過自己原來係咁恐怖，直到你媽咪嘅愛改變咗我，你都係，你需要媽咪嘅愛，所以我哋都係因為佢改變番正常。如果要用科學分析人性，咁就要你爸爸話比你聽喇，有可能要運用啲醫學儀器都唔出奇

卓鋒:  都有少少邏輯嘅，等我研究到聯繫火星嘅儀器，再同你同爸爸一齊研究下呢個問題

Hugo:  你都快啲瞓喇，地球夜喇

卓鋒同時腦訊息兩人:  媽咪 Hu 爸，早抖



火星；

倩:  老公，你同個仔訊息咁耐嘅，講咗啲乜呀？

Hugo:  同佢講愛係由內心發出架囉

倩:  哦，個仔可能好快拍拖喇

Hugo:  佢應該仲係好猶豫，因為佢從來未見過呢種性格嘅女仔, 而且從未了解過人性, 只係習中研究實質生物人體醫學.

倩:  吓，乜你哋可以諗得咁複雜架？係咪智商高嘅人諗嘢會複雜化咗嘅呢

Hugo:  哈哈..有幾複雜呀老婆，係喎，老婆你要返屋企喇喎

倩:  係喎，掛住講個仔嘅感情問題唔記得添，老公，咁我返屋企喇（擁抱丈夫一刻，其實她這擁抱令 Hugo 很難奈的呢）

Hugo:  （輕輕把妻子的雙手鬆開後）老婆，我依家轉移你返屋企喇，卓鋒再搵你時，我先至轉移你過嚟喇。