【Venus Minister VIII 之 天地傳說】 (一)

【Venus Minister VIII 之 天地傳說】 (一)


Chester Minister 丞卓鋒 24歲，整個宇宙正通緝的人，（Venus Minister VII 之 撒旦回歸 交代過程）但地球沒有宇宙星際空間門的聯繫，並不知情。


黃昏時間到達地球的一片福地香港，第三次地球的世界大戰也並未受到任何影響，在香港新界西屯門非常舊的私人屋苑卓爾居一單位門前按門鈴，一中年男人余立志（倩銅的哥哥）出來應門；

志:  你係 Venus？個樣完全無變過嘅？做乜突然過嚟地球呀？阿倩佢哋有事呀？入嚟先至講吖。

到屋內，立志妻子，三十二歲的女兒在廳中看到卓鋒，亦以為是他爸爸 Venus；

志妻:  嘩，响火星個樣唔會老架？

志女:  係啦，姑丈個樣仲後生過我起碼15年呀，成個 teenager 咁

卓鋒:   係架响火星啲人個樣無咁易老架，媽咪個樣都係後生過你幾年架（卓鋒表姐非常不悅）（對著立志說）你個樣咁似公公，一定係舅父喇

志:  哦，原來你係阿妹個仔，咁你係咪劍銘呀？

卓鋒:  我係媽咪最細個仔呀，我個名叫丞卓鋒

志:  你媽咪叫你嚟搵我呀？

卓鋒:  係呀，方唔方便？

志:  方便，點會唔方便呢

志女:  （收起不悅之色）哦，原來係細表弟，嘩，我有個靚仔成咁嘅細表弟，真係要介紹下比人識先至得喇

卓鋒心想，為什麼舅父的家人那麼囉唆；

卓鋒:  舅父，咁我可能要打搞你一排直到搵到地球嘅工先會搬出去住架喇

志:  你鍾意住幾耐都得架，你係我姨甥仔嚟架嘛，你食咗飯未架？未食一齊食吖，我哋就嚟開飯喇。

卓鋒: 咁我唔客氣喇



晚飯時；

志妻:  (香港一些人的習慣會為別人夾食物，夾起一隻雞腿給卓鋒) 卓鋒，食隻雞肶吖

卓鋒:  唔該舅母，（吃了一口）好似無媽咪煮得咁好食喎 （卓鋒只是講出心裡話）但都好耐無食過喇

志妻大方地說:  咁就食多啲啦

志:  卓鋒，你公公，婆婆好嗎？

卓鋒:  佢哋好好，响火星好開心

志:  咁你爸爸媽咪同哥哥家姐佢哋點呀?

卓鋒:  (心想，可否一次過問，拜託) 佢哋都好好，但我有兩個哥哥架喎，講埋比你聽喇，一個大哥哥劍銘，一個細哥哥振鋒同我孖生嘅

志女:  仲有個孖生哥哥呀？即係又係超靚仔啦

卓鋒:  咁呢個當然啦


晚飯後，立志把原本小兒子的房間給卓鋒，他的小兒子為了方便工作，已與女友搬出市區居住，小兒子也三十歲了。卓鋒只覺地球的土地真的那樣短缺嗎，這樣狹窄的空間已是房間了，其實是卓鋒生長在富有家庭，並不知火星裡政府的低租金屋房間同樣狹窄的。



 翌日，卓鋒利用隨身的虛擬顯示屏聯接地球的互聯網到香港的政府部門加入了自己的資料，及製造了地球認可的最高學歷。申請香港應用科技研究院職位，一星期後通知面試，因他出色的面試表現，成功獲任科技研究主任一職，還擁有自己的小型研究室。當然這研究室在卓鋒眼中非常古董，但聊勝於無。因香港家居的電力並不能負荷一個完善的實驗室用電量，再過一個月後的晚飯時；

卓鋒:  舅父，依家我物色緊地方搬出去住

志:  你唔駛搬出去住吖，份工未穏定架嘛，只係做咗個零月，過咗試用期先至搵屋搬都未遲吖，而且有我哋照顧住你，你媽咪都會放心啲架嘛

卓鋒:  舅父，地球嘅工對我嚟講無難度架，你放心我一定過到試用期嘅

志:  咁你平日返嚟食飯飲啖湯都好吖，對你身體好嘛

卓鋒:  好，咁唔該晒舅母喎。仲有呢，我契爸係咪搵過你呀

志:  嗰個係你契爸呀？有呀，佢話你媽咪要我好好照顧你呀.所以呢，搬出去住，你媽咪同我都會擔心你架

卓鋒:  你唔駛擔心我架喇，契爸仲有無其他嘢講呀？

志:  無喇，佢連自己係邊個都無介紹過 （實際是 Hugo 不知怎樣告訴他，自己是他妹妹的另一位丈夫）


火星裡；

Hugo 平日會到各處不同大型研究所協助研究及擔任顧問工作， 這就是現在他的收入來源，工作時間由他自己來決定，而他會趁私人時間在家中研究私人實驗， 其實由卓鋒出發地球當日已開始研究與地球聨絡的儀器，而且已經接觸了妻子的哥哥，告訴他倩銅需要他好好照顧自己的小兒子，再訊息卓鋒，告訴他，母親很快會找他，叫他耐心等候。

因卓鋒穿梭到地球前，要求 Hugo 教導母親用於地球的儀器聯絡他，亦因 Venus 需要每天到國防局工作，恐怕會阻礙他的工作，不便要求他教導，倩銅訊息Hugo 可否教導他聯絡卓鋒， Hugo 現在就是等待妻子許可時跟他說；

Hugo:  老婆，我準備咗好耐架喇，你幾時方便呢？

倩:  其實每日晏晝都得閒架

Hugo:  咁我依家轉移你過嚟我個實驗室吖

倩:  好呀

倩銅到達後，Hugo 很想擁抱妻子，但把渴求藏於心內，避免妻子面對 Venus 時再有壓力，他同時訊息 Venus， 妻子將會每天下午在他家中學習聯繫地球裡的卓鋒，還聲明必定屢行對 Venus 承諾和妻子永不會有肉體關係 （Venus Minister VII 之撒旦回歸提及），強調請不要再給壓力妻子，若發現他再冷待妻子令她再一次自尋短見，誓必殺了他。

Venus 收到訊息，簡直怒不可遏，一向妻子的性命比自己更重要，自己已非常內疚之前所發生的事，還會重蹈覆轍嗎。訊息回覆: 多謝你通知我，我知老婆安全就得架喇，你真係屢行承諾就最好啦。咁你幫我响晏晝照顧住佢喇。（Venus 在國防局不方便聯繫卓鋒，因他是火星的頭號通緝犯）

因倩銅只是普通地球人的智商， Hugo 很有耐性地教導她，倩銅做錯很多次後，淚水汪汪對著 Hugo， Hugo 牽著妻子的手到梳化坐下，好讓她腦部休息；

Hugo:  老婆，唔駛驚，唔急架，慢慢嚟 （倩銅倚在丈夫的肩搏上， Hugo 輕托著妻子的臉為她式乾眼淚，再次有衝動吻下她的唇，但抑壓著）

倩:  老公，我係咪好蠢呀 （Hugo 的心情非筆墨能形容，妻子第一次願意稱呼自己 “老公”，不多加任何字眼於後方）

Hugo:  老婆一啲都唔蠢，慢慢嚟一定得架。你可唔可以只係我哋兩個人時繼續叫我老公呀（有些喜悅的淚光）

倩:  （看到 Hugo 的淚光， 感覺自己實在太待薄他了，雖然他為自己做的和 Venus 是無可比較的，某程度上的犧牲還要大呢） 點解唔可以呢， 我哋已經係合法夫妻嘛

Hugo:  老婆， 咁我哋繼續試下啲儀器吖

倩:  老公，太晏喇，聽日再試吖

Hugo:  咁我轉移你返屋企喇

倩銅返回家後， Hugo期待明天的來臨，可與妻子再見的機會



翌日下午，收到倩銅訊息，轉移他到自己的實驗室；

Hugo:  老婆，我哋再試囉

倩:  好呀老公

倩銅面對著虛擬儀器，但總是無法控制所有功能，倩銅很氣餒， Hugo 坐著面對妻子，為她按摩頭部穴位，實際是嘗試運用自己的腦電波氣功打通妻子腦細胞功能，結果她能用眼球控制到轉頁，但仍未能選擇到需要的功能；

Hugo:  老婆，已經好叻喇，轉到頁面喇，好快可以搵到地球嘅地方位置，跟住搵人物就家鄉在望，到時再學用腦電波經嗰邊個虛擬光速儀器穿越地球到卓鋒嘅腦訊號就成功架喇。

倩:  老公，咁複雜嘅

Hugo 牽著妻子到梳化休息: 老婆都係嗰句，唔急，慢慢嚟，你有好大進步架喇

倩銅同樣哋倚在丈夫的肩搏上，Hugo 很想把手放在妻子的肩搏上，但放棄了，就在這時候，倩銅雙手擁抱著丈夫， Hugo 又再一次非常激動，不顧一切地擁抱著妻子，但仍是自我控制著；

Hugo:  老婆，駛唔駛再試下個儀器呢？

倩: 好呀

結果成功聯絡卓鋒，往後數個月裡兩母子每天也通訊一次，倩銅每天也教導卓鋒，卓鋒居然不覺媽媽煩擾，還因為媽媽每天的教導而改變了心理變態的心魔，亦因再沒有魔性, 樣貌變得更英俊及年輕, 因時空穿梭造成的年齡增長, 已再沒有在他臉上留痕, 變回和他孖生兄長振鋒青少年16歲的外貌. 

Hugo 發現原來良藥竟然是卓鋒的母親，自己最愛的女人。從前他們全國浪費了那麼多時間精力找方法對付他，原來只需要母親每天的說教，以往倩銅和他同時身在火星，不覺需要時常和兒子傾談，現在分隔遙遠，兒子還再三要求才知原來自己對他是多麼重要。

Hugo 告訴妻子，卓鋒是她所有子女中最需要母愛的一個。倩銅後悔自己在卓鋒還是少年時要求單獨學習研究醫學為勝出細哥哥，拒絕他要求跟他一起生活，回想若自己跟他一起生活教導他，他應不會變成魔。但在當時環境也難怪自己選擇留在家裡，因要逃避面對自己加深愛 Hugo 的機會，天意弄人。