【Venus Minister VIII 之 天地傳說】 (七)

【Venus Minister VIII 之 天地傳說】 (七)

 就在卓鋒剛剛和父母傾訴完，紫鈴致電卓鋒，一般女孩只會等待對方致電，但紫鈴是一個比較單純的女孩，只要認定對方為朋友或男朋友，因為卓鋒是她人生的第一個男朋友，朋友她會全情投入珍惜友誼，處處為朋友著想。男朋友更應不用多說了，只會一心愛他，一心一意對為他著想。

鈴:  喂，卓鋒

卓鋒:  紫鈴，你食完飯喇？

鈴:  係呀，沖完涼添喇，準備瞓覺，打電話比你想叫你都早啲瞓，唔好再唔夠精神喇

卓鋒:  我今日瞓咗咁耐，都唔眼瞓，而且好掛住你，又點會瞓得著呢

鈴:  吓，咁點算呀，你屋企又無奶喎，唔係飲杯熱奶會瞓得好啲架

卓鋒:  唔駛啦，就算唔係今日晏晝瞓咗，我都會瞓唔著架啦

鈴:  其實我都係呀，我都好掛住你呀，第一次見到你已經好鍾意你架喇，但你知你架喇，全部女仔都會鍾意你架嘛，咁我咪都覺得自己鍾意你都係你個樣囉，不過又唔可以唔認架喎，唉，都唔知點講，當時個心情好複雜

卓鋒:  咁我又唔係第一次見你就鍾意你架喎，我從來都未鍾意過女仔架，都唔知乜嘢叫鍾意，所有女仔自動會走埋嚟。响 lift見過你後，先至有諗過你，但只係見完嗰日有諗過，之後都無架喇。跟住同你食完餐飯之後就不停諗住你，但我都未知咁就叫鍾意架喎，到上床瞓覺，瞓極都瞓唔著，成晚諗住你，咪覺得咁可能就係鍾意囉。人嘅腦真係複雜

鈴:  哈哈..你呢啲咁叻嘅人，係咪樣樣都要分析得清清楚楚架

卓鋒:  都係架

他們電話傾訴到半夜，紫鈴開始眼睏，卓鋒就為她好，讓她睡覺了，自己也在一刻睡著了，她們各自睡得很甜。


翌天一大清早，卓鋒致電紫鈴他會到她家大樓下昨晚同一位置等她，途人不停看著，並不是他的跑車，而是他本人；
卓鋒車裡打開車門，紫鈴入車廂後，卓鋒吻一吓紫鈴的唇，就在這剎那，原來紫鈴的爸爸剛剛行經卓鋒跑車位置，看得清清楚楚這一幕。卓鋒準備駛出太和邨，她爸爸敲打女兒邊的車門，他們兩一同轉看窗位置，卓鋒不明所以，但紫鈴要求卓鋒把車窗打開；

鈴:  爸爸，做乜事呀？

鈴爸:  你男朋友呀？做乜唔帶佢返屋企比我哋見下呀？

鈴:  爸爸呀，我哋啱啱開始拍拖架，唔同你講喇，我哋要返工喇

卓鋒:  原來係世伯，世伯你好呀，我係卓鋒呀，有機會去你屋企拜訪你哋一家吖，我哋依家趕住返工。唔好意思，再見喇！
紫鈴爸爸其實不太相信眼前如此美貌的男孩會是自己女兒的男朋友。


卓鋒開動跑車離開紫鈴家大樓往公司出發;

鈴:  卓鋒，陣間到公司唔好停响公司門口吖，遠幾個街口比我落車吖

卓鋒:  點解呀？

鈴:  我唔想啲同事知我哋拍緊拖呀，我會犯眾憎架，全部女仔都會好憎我架喇

卓鋒:  點會呢，你咁講，我咪唔拍得拖？個個同我一齊嘅女仔都會比人憎，咁咪好唔得閒，你唔駛理啲人架喎，有我响度保護你喎

鈴:  但我個樣都唔靚，啲人會話我不自量力架

卓鋒:  我唔係鍾意你個樣架，我係鍾意你個人呀，再講，我覺得你靚咪得囉，你理得啲人點睇你。唔駛理啲人啦，响我背後話你啲人我就無辦法，如果有人敢响我面前話你，我會兜口兜面鬧醒佢架，比啲自信你自己，乖，我唔想你無端端要行多幾條街。
結果卓鋒讓紫鈴在公司門口下車，自己再駛進停車場。

結果某些同事看到，一傳十，十傳百，全科學園的人也知紫鈴跟卓鋒的關係。當然如紫鈴預料，她被所有未婚女同事排擠，很多人覺她不自量力，亦有很多人覺得卓鋒的品味很奇怪。卓鋒沒有理會他人，我行我素。紫鈴在給人排擠下的工作環境悶悶不樂，但深入想清楚，自己有如此優質的男朋友，到任何地方也會遇到相同情況，唯有學習男朋友的心態，不理會閒言閒語。


他們甜蜜了兩個月後，紫鈴的爸爸多次要求女兒帶男友回家，紫鈴不勝其煩答應爸爸，問準卓鋒後，卓鋒當然很樂意，紫鈴家晚飯時；

鈴爸:  咁耐先至上嚟坐呀

鈴:  爸爸，咩耐呀，卓鋒好忙架

卓鋒: 係啦，都好似耐咗啲，唔好意思

鈴媽: 食啲無餸飯吖

卓鋒:  伯母我唔客氣喇

鈴爸: 卓鋒，你做邊行架？

鈴哥: 爸爸，佢咁出名你都唔識，佢係依家香港唯一一個 ChiefScientist Officer 嚟架

鈴弟:  咪係，我咁細個都識佢呀，爸爸你有無睇新聞架，唔識佢個名都認得佢個樣啦，俊成咁，地球邊有人咁俊架

鈴:  細佬係都唔駛講出嚟架嘛

卓鋒:  世伯咁我唔駛講啦呵

晚飯後兩兄弟不停問卓鋒的科學問題，因他們有限的知識，卓鋒只可告訴他們淺易的科學。

鈴:  喂喂，你哋兩個唔好再問喇，卓鋒要返屋企瞓覺架喇

鈴哥:  咁好啦，得閒再傾過吖

卓鋒:  有機會

鈴:  卓鋒我送你落樓下吖

卓鋒:  唔駛，你一個人危險，我自己走就得架喇，世伯伯母再見，兩位兄弟再見（在門前吻一下紫鈴嘴唇，微笑著，早啲瞓，聽朝接你返工）



翌日，卓鋒返回公司，在辦公室坐下後，有一人事部職員帶同一位新入職的下屬介紹卓鋒認識；

人事部職員:  丞生，呢位係政府新請返嚟幫你手嘅科學研究員，呢份係佢嘅履歷

Hazel，28歲，美國著名學府科學博士

地球人的形容;外貌在地球已算美麗，身高175cm，家住香港豪宅 （在香港她一出生已是人生勝利組）

Hazel:  丞生，你好，我係Hazel 呀，以後你多啲教我喇

Hazel 在未入職前已查清楚卓鋒的一切在港資料喜好及性格，看到他真人時，簡直不能相信自己的眼睛，心裡計劃一定要得到手

卓鋒:  叫我 Chester 喇

他們在公司研究室一起研究著地區性的空氣污染，計劃分區淨化，Hazel 表現了她的個人智慧，她在地球已是卓鋒少有見到的有學識人仕，而且還是個女孩，對著她有數不清的話題．