【Venus Minister VIII 之 天地傳說】 (六)

【Venus Minister VIII 之 天地傳說】 (六)


紫鈴返回座位，丈八金剛摸不著頭腦，再接到卓鋒電話；

卓鋒:  好喇，我依家吩咐你即刻過嚟我屋企，幫我買埋粥同感冒藥過嚟，佢哋唔會扣你人工架喇，你買完嘢坐的士過嚟，我會比番晒所有錢你

鈴:   Chester 雖然我依家唔知發生乜事。但依家見你唔舒服，而公司又唔會扣我錢，我都會買你需要嘅嘢比你先, 仲有你要啲乜嘢 file 呀?

卓鋒:  你唔駛理啲 file 喇, 呢度有, 你快啲過嚟先啦.

卓鋒告訴她地址後就在家等待她，半小時後，紫鈴到達他的家；

卓鋒:  入嚟先吖

鈴:  你快啲食粥先吖，之後先至食藥喎，唔可以空肚食藥架，無乜事我返公司喇

卓鋒:  等等 （拿起一萬元給她）比番啲食飯錢你，我話我請就我請，唔好再推嚟推去呀

鈴:  唔駛咁多喎，飯錢八千，加埋粥，藥，的士錢都唔駛九千（交還他一千元）多咗少少當我啲 tips 啦 （又伸了伸舌尖笑著）下次唔好叫我食飯喇，唔駛又請我食啦。多謝你琴晚餐咁好食嘅西餐呀，咁我返公司喇，你休息多啲喇

卓鋒在門口阻擋著:  我同你個 CFO 講咗你會留响我個實驗室幫我手架，所以你真係要留低幫我手。

鈴:  你都唔舒服，仲做乜實驗吖，快啲休息下喇，再講，我只係個文員仔，邊識你哋啲科學嘢呀，唔好講笑喇

卓鋒:  我話你幫到就幫到

鈴:  好喇，但都唔該你休息下先，你睇下你對眼，你依家成隻生得好高嘅熊貓咁呀，最多我等你瞓醒先至幫你喇

卓鋒:  咁你坐响梳化先

卓鋒也一同坐在梳化吃著粥，吃到嘴角也有粥流下，紫鈴笑著在她自己小手袋裡拿出紙巾為他抺去嘴角的粥，卓鋒乘勢捉著她的手，紫鈴立即想把手縮回，卓鋒捉得更緊，紫鈴即時轉身低下頭；

鈴:  （紅著眼很想哭）Chester 唔好，我好驚，我唔想自己諗多咗，我啱啱琴晚先至提醒完自己，唔想又咁傻呀。（再不敢抬頭看他）

卓鋒:  你無諗多到，因為我都係琴晚先至發現自己嘅感覺，你轉身望住我吖


紫鈴害羞不敢轉身，卓鋒用雙手把她身體轉向自己，紫鈴還是低著頭，卓鋒輕輕托起紫鈴的臉, 仔細地看著她，她還有淚痕的雙眼立刻緊閉著，害羞得全身也抖震著，卓鋒從來沒見過女孩會有這樣反應，對她非常好奇，他想吻下她的唇與她有進一步的肌膚之親，因他從前所有的女孩只有發生關係後被他殺了研究的或只是純粹為了性關係的，但這次他的唇只是輕力一碰她的唇，嚇得紫鈴立刻把身體坐開；

紫鈴背著他說:  唔好， Chester 可能你真係好唔舒服，休息唔夠，所以神智唔係咁清醒呀，我去廚房攞杯水比你食藥吖
站起身，行到廚房手仍有微震地拿著水杯及一些感冒藥行到卓鋒面前

鈴:  快啲食咗藥，就瞓覺休息，你今日都係唔夠精神研究嘢架喇，咁我返公司先喇

卓鋒快速走到她面前: 我根本就無病，只係一心想見你，先至搵啲籍口叫你嚟之嘛，你唔駛咁驚我架喎，唔通我遲咗先至知對你嘅感覺就唔可以再有機會架咩？

鈴:  Chester你清醒時嘅說話語氣先至係最真實架，你個樣真係好攰，快啲休息下吖，我唔阻你喇，比我返公司吖？

卓鋒:  無錯，你可以講依家好攰，好眼瞓，但我一定清醒過你

鈴:  唔到我唔信自己係無可能會比你睇中架，你個樣根本就超越人類級數嘅英俊，我又只係一個普通過唔普通嘅女仔，你唔好玩我啦，你想玩女人，大把女人爭住同你玩架，我玩唔起架，而且我唔係一個咁隨便嘅女仔嚟架，求下你放過我吖（哭求著）

卓鋒看到她的反應，感覺很神奇，為何有女孩為了保護自己身體哭求人放過自己的呢？

卓鋒:  紫鈴，我係咪太急嚇親你呀？我從來無主動識過女仔，唔識點表達架，一向都係啲女仔主動，你話比我聽我點做你先至唔驚吖

鈴:  （難怪他不懂主動認識女孩，以他的一切條件，根本不需考慮怎樣認識女孩子，每天也應有數以萬計的女孩主動接近他）Chester 點都好啦，你休息完先至諗呢啲問題啦，你精神啲時可能會思想清晰啲，到時你可能會發覺自己並唔係真係咁想見我呢

卓鋒:  唉，你又嚟喇，我無精神分裂架 （但這次是平和語氣） 好，我聽你講，依家休息，但你要响我屋企陪我架喎

鈴:  咁好啦，你瞓醒我就走架喇

卓鋒牽著她的手（紫鈴想縮開，但只有更緊），正想牽著她的手行入他的睡房，在門口紫鈴扯著門邊；

鈴:  做乜拖我入睡房呀，唔好呀（哭求著）

卓鋒:  你做乜喊呀，你話陪我架嘛，咁咪入睡房坐响我床邊陪我囉，唔係我點知你陪緊我呀

鈴:  (抺乾眼淚，破涕為笑) 原來係咁咋，嚇死我喇

卓鋒:  唔係以為我想點呀？（鬆開手，轉用雙手搭著紫鈴肩搏低頭望著她）由呢一刻開始，我唔會再嚇親你，我會比你覺得同我一齊係最有安全感嘅(接著繼續牽著她的手行入睡房讓她坐在他的床邊，他就上床睡覺了。側身微笑看著她［紫鈴心想；他微笑的殺傷力足以殺死全港的女孩，我是否在做夢啊］)


再過一刻，可能實在太疲倦了加上有紫鈴在身邊，卓鋒已嘴角微笑地睡著了。紫鈴離開睡房，到廳中，看到有些凌亂就開始幫忙卓鋒打掃整間房屋，事實每月卓鋒也聘請鐘點工人打掃的，一來因他獨居並不需每週打掃，二來自己家居有實驗室並不太方便有外來人常到。打掃完，紫鈴坐在廳中看看雜誌，接近黃昏往廚房看看有什麼東西可準備給卓鋒的晚餐，發覺他家裡只有少量米，及ready to cook 的包裝食物，卓鋒並不是病人，紫鈴選擇煮飯給他，可以飽肚些，再蒸熟一包蒸雞，發現只有水果，並沒有蔬菜，唯有洗淨水果。把一切已準備好的食物放於一大食物盆上。

可能有食物的香味，加上卓鋒已睡了6 小時，就在這時候睡醒，行出客廳，紫鈴正想行入睡房看看卓鋒睡醒沒有，兩人相望而笑；

鈴:  我煮咗飯你食喇，時間啱啱好，一瞓醒就有得食，哈哈

卓鋒:  就係聞到啲香味醒咗囉

鈴:  你慢慢食吖，咁我返屋企喇

卓鋒:  你唔陪我喇？(哀求著)

鈴:  咁你食完我先至走啦

卓鋒:  做乜唔煮埋你自己嗰份呀

鈴:  我要返屋企食飯架嘛，媽咪煮咗我飯架

卓鋒:  咁我哋一齊食吖

鈴:  你邊夠食，我唔走住，你食完我先至走啦

卓鋒:  咁你坐响我身邊吖

卓鋒吃了一口，夾一口給紫鈴，她看了他一眼，吃下了:  你食啦，你唔夠食, 唔好比我食啦

卓鋒用餐完，紫鈴在廚房執拾清理時, 卓鋒倚著廚房門邊微笑看著她, 清理乾淨所有東西後:  Chester 我真係要返屋企喇，媽咪留咗飯比我架喇


紫鈴行到大門，正想開門離開；

卓鋒:  等埋我，我送你返屋企

他們一同到停車場取車，送紫鈴回家，到達太和邨；

鈴:  Chester 唔該晒你送我返屋企

卓鋒:  呢啲說話好似應該係我講架喎

鈴:  都係一句啫 (打開車門離開車廂)

卓鋒急忙下車走到紫鈴前方；

卓鋒:  多謝你今日咁照顧我

紫鈴需要抬起頭看他 (身高差異):  唔駛客氣，你依家精神啲，係咪知道自己之前思緒太混亂呢，以後唔好再亂諗嘢喇，如果公司有緣見到就聽日見喇，bye  bye

卓鋒:  我就係想話比你聽，我依家仲肯定自己嘅感覺

急速地擁抱著紫鈴一刻，再跟她對望，紫鈴眼裡充滿喜悅的淚光；

卓鋒:  紫鈴，以後叫我卓鋒吖，我嘅親人都叫我卓鋒架 (紫鈴點頭)

卓鋒正想彎下身吻紫鈴的唇，紫鈴臉紅升高自己身高地配合卓鋒，她們擁吻著，似不捨得將會有一晚的分開而長吻了數分鐘之久。

鈴:  卓鋒，你好高

卓鋒:  我哋以後唔好企响度錫咪得囉（輕撫她的臉）

鈴:  唔係只係咁架嘛，同你一齊行，都好似太大距離咁

卓鋒:  我媽咪同爸爸都係相差咁遠架喇，你仲高我媽咪少少添，即係我哋無佢哋咁大距離喇，唔駛擔心

鈴:  卓鋒，咁我返屋企喇，聽日見

雙方牽著手，也不捨得放手，最終是紫鈴先放手

卓鋒大叫著:  紫鈴，我好鍾意你呀

紫鈴也大聲回應著:  卓鋒，我一早已經好鍾意你架喇


卓鋒回家與父母腦訊息；

卓鋒:  媽咪，兩個好爸爸，我同紫鈴開始咗喇

倩:  咁叻仔，第二日就追到人喇？

Venus:  你唔好話比我聽你搞人地呀

Hugo:  仔， Hu 爸正想同你講，呢個女仔嘅性格都好好架，但當然無你媽咪咁完美啦，佢仲識得為自己，唔會好似你媽咪咁愛心過多過份偉大，不過都娶得過做老婆架

倩:  做乜咁話我喎，乜嘢愛心過多過份偉大呀

Venus:  老婆，你根本就係個咁嘅人，唔係我都唔會連命都唔理，一定要過地球搵你啦

倩:  我成日都唔夠你哋兩個講架啦，仔，你唔好做出啲對人唔規矩嘅嘢呀

卓鋒:  無呀，原本我真係想架，但佢居然喊住求我唔好呀，我第一次見到有啲咁嘅性格嘅女仔架，佢真係好特別呀，之後我送佢返屋企，响佢屋企樓下，同佢表白，就開始咗喇。

Venus:  你呢個仔吖，未開始就想搞人，想嚇死人呀

Hugo:  又唔怪得個仔嘅，我同佢以前都曾經入過魔，根本就唔知乜叫做真愛，阿仔咪好采我過囉，咁細個已經搵到真愛，如果比我有機會早多十年識到老婆，依家個角色就唔會係咁啦，不過我依家都好滿足架喇

Venus:  你個 Hugo 係咪又想打呀

倩:  你哋唔好成日都咁啦

卓鋒因心情興奮:  哈哈..我有呢兩個咁好嘅爸爸真係全宇宙無人夠我威架，爸爸你唯有接受 Hu 爸架喇，佢真係太愛媽咪喇，真係肯為媽咪犧牲架，你估我响地球，唔知你哋平時點生活架咩，我平時都會分別同你哋訊息吓架嘛，咪知囉。總之你哋可以和平共處，兩個家庭唔好有衝突就得架喇。

倩:  呢個仔突然識諗嘢咁嘅

Venus:  總之你唔好再行差踏錯就得喇，唔好再要我哋擔心呀

Hugo:  係呀，同我哋保持聯絡呀

卓鋒:  咁一定啦，我要聽媽咪把聲架嘛

倩:  仔，咁早啲瞓喇

卓鋒:  晏晝佢坐响我床邊陪咗我瞓，瞓咗好多個鐘呀，依家好精神呀

倩:  吓，咁都唔好咁夜瞓喇

Hugo:  老婆，係咁架喇，佢依家腦部充滿安多酚會興奮一段時間架喇，唔駛擔心佢，就算第二日唔夠瞓，都唔會太攰架

倩:  吓，會咁架咩

Venus:  係架，仔，雖然咁，都要休息架

卓鋒:  咁唔同你哋講喇，我搵佢傾計

Venus,  Hugo 及倩異口同聲地說:  呢個仔吖，開始掛住拍拖喇