劣盤根 (一)
床上翻天覆地幹著, 最後女人一貫作風以征服者姿態坐在男人身上滿足地完成, 女人保持上身擁抱著下身仍緊貼坐在男人身上的形態良久;
男人以有氣無力的無奈聲線 : 唉... 諗住收埋我响裡面幾耐呀? 仲唔起身, 你唔攰, 我都痺啦
女 : 收埋一世囉, 哈哈...今次放過你啦
女人翻過身倒回床上, 倆人仰臥著, 雙方目光也同一方向天花牆壁, 女人充滿自信微笑著認為身邊的男人深愛著自己, 回味著與男人如何相戀,
男人一心一意對待她, 桄榔樹一條心; 但男人內心有著不同的盤算, 她願意屈就與自己同居, 生活的方式還能要求她同樣嗎?
長久下去對雙方一點好處也沒有, 看不到將來, 是否對自己太嚴苛, 還是怕辜負了她, 半年內反覆發癡似地豫疑不決, 仍無奈地掙扎著,
存在有如此思維, 著實已有離異之心, 何況自己半年前還是一位不折不扣的浪子, 與她一起的半年裡有一刻的定性心態, 再沒有到處覓情, “浪子”
是否甘於被控制? 是否安於單一女人現狀?
男 : 全身汗, 沖個涼先
女 : 一齊吖
男 : 吓, 一個人沖時, 第二個又要响度等, 我好快沖完, 你陣間先沖啦,而且你沖好耐架嘛
女 : 好衰架
男人不理會她, 赤條條地行到浴室洗澡後
男 : 到你喇, 又唔知要等幾耐, 唉...
女 : 你估得你可以快呀, 我可以快過你架
男 : 睇下點
結果雖然是慢於男人, 但相比她習慣的洗澡時間已快速數倍, 只花了二十分鐘而已.
男 : 咁咪好囉, 成日都沖咁耐, 有啲肚餓, 不如出去食啲嘢囉?
女 : 都好喎, 出去食碗麵吖
倆人更衣出門到停車場, 他驅車到自己家附近的麵店, 吃畢;
男人暗想, 是時候把自己的豫疑決絕地割斷 : 不如我哋分手啦
女人竟然表現得落落大方地 : 哈哈...你以為我真係會同你一世咩? 你過份天真喇, 諗住同你玩多一排就搵過第二個啦, 但居然比你快一步添, 雖然我哋做唔成情侶, 見同你咁夾都可以繼續做 Best friend 嘅
男人當然地大舒了一口氣 : 咁就好喇, 食完喇走囉
他們一起步出麵店, 倆人再沒有牽著手步行到停車處,男人輕鬆心情驅車載她回家, 總算放下了心頭大石; 女人暗自悲傷地坐在車上, 但扮作睡覺休息, 到步, 他跟她說再見便平淡地正式分手, 是否兒戲了點嗎?
男人, 宋逸徽, 30 歲, 高大英俊,
生於中產家庭, 事業中遊位置為部門分支經理, 父母送首期為他置業, 自己按揭供款, 性格風趣幽默, 無數前度女友,
岑凱彤暫時是他最長久的女友, 而期間並沒有與其他女人友誼戰, 半年期於他暫時的字典裡已算是奇蹟; 自命風流? 不! 空虛? 尋覓?
或許以尋覓套於其身上較為貼切, 人生裡暫時找不到認為可相伴終生之伴侶;異性緣不乏, 配合外貌,
男性本能的性需求不愁出路,何需要出動自己的右手或左手呢? 唯獨他可撫心自問, 可為終生伴侶停止友誼戰之行為.
女人, 岑凱彤, 28 歲, 標準身材, 尚算漂亮, 聰明, 海外著名學府哈佛大學優異成績畢業, 出生歸納於人生勝利組,
父母擁有家族還在潛質地飊升的百億位資產, 家中兩兄唯一女兒, 依稀知道父親的外遇有子女, 但礙於並非正室,
祖父母遺囑只有正室子孫才有權接任家族資產; 父親如此風流, 除母親外, 外遇多如繁星, 幸好長久的只是一位,母親為保名份啞忍一生, 還有真愛嗎?
作為女兒的她並不同情母親, 只評論母親的行為愚蠢, 自己才不會如此不濟, 任何事和物她亦能掌握手裡, 因她聰明? 思想清晰?
還是其他因素?暫時不得而知了.
與凱彤分手後, 當逸徽有需要時便急不及待地到處覓情, 與不同女人友誼開戰,
彷彿一切回復他自己喜歡的生活, 男人就是喜歡無壓力生活嘛, 而凱彤還繼續跟他不時相約餐廳聚舊; 一個月後, 他跟一女人 Elsa 開始情侶關係,
暗地裡他還進行其他女人的友誼戰,這與凱彤一起時有所不同, 他跟凱彤一起的半年是絕對的一對一關係,為什麼? 無人知道,
而凱彤亦並不清楚為何他對自己如此;
與 Elsa 一起時, 逸徽繼續他的浪子生活, 夜夜笙歌
某天晚上逸徽跟一班朋友到樓上酒吧消遣順道看看有否獵物;
他由男洗手間行出時, 因通道比較狹窄, 剛巧與一位同是由對面女洗手間行出的年輕漂亮女孩相撞;
徽 : 小姐, 唔好意思, 有無撞親你?
女孩看到英俊的逸徽眼睛發亮, 行前一步身體已可緊貼著他 : 靚仔, 我無事呀
逸徽那能放過主動的女孩 : 靚女, 我係阿徽呀, 你叫乜名呀?
女孩嬌爹地 : 我叫 Chloe呀
徽 : 有無興趣同我飲杯嘢呀?
Chloe : 好呀
逸徽已牽著 Chloe 的手行到自己的朋友圈中, Chloe 並沒反抗, 還滿帶笑臉;
朋友1 : 哎呀, 慢你一步去廁所, 比你捷足先登添
2 : 比你早一步, 靚女都唔會理你啦, 你有阿徽咁俊先至算啦
3 : 去一轉廁所就追到個靚女, 仲邊夠你玩呀
4 : 等我又走一轉先, 我都係俊男一名嘛
5 : 徽, 你夠唔係啦, 我哋個個 dry 成咁, 仲要拖件咁正嘅過嚟, 贈興呀?
徽 : 哈哈...你哋玩夠喇
逸徽跟 Chloe 耳邊說 : 我哋出去 Happy 好唔好呀?
Chloe : 好呀, 但去邊間我話事架喎
徽 : 咁好喇, 我同 Chloe 唔贈興喇, 走先喇
朋友們 : 嘩, 咁快有著落
Chloe 跟逸徽一同到附近她喜歡的時鐘酒店歡聚了兩小時後各自離開歸家, 雙方再沒有繼續聯絡了, 貼切的 One night stand;
凱彤實際是密切留意著他的一舉一動, 她看在眼裡, 現在的他並不愛任何一個女人,
這正是她祈望的, 自己愛他嗎? 就是強烈感覺需要必需留意, 這是自己的意願嘛; 她仍跟他平常的好友關係,
偶爾相約到不同酒吧或餐廳品嚐食物或飲品, 但逸徽並不會跟她任何親密接觸, 他告訴自己盡量避免跟真心喜歡過的女人再有親密肌膚關係;
一個月後, 逸徽在外的友誼戰漸漸減少, 某天凱彤跟逸徽平常的聚舊晚餐上;
彤 : 你最近係咪同你女朋友一齊住呀?
徽 : 唔係呀, 不過佢好多時上我屋企
彤 : 睇嚟你哋好似好穩定咁喎
徽 : 係掛, 佢突然成日走嚟, 都無辦法, 仲問我攞鎖匙, 費事煩咪比佢囉
凱彤心情低落, 這是反其道而行啊, 祈望他並不愛任何一個女人呢, 但她居然還能平靜語氣地跟他說 : 咁就要介紹你個女友我識喇
逸徽真心視凱彤為好友 (這就是人們常爭論的問題, 男女之間能有純親密友誼嗎?還要是前度男女朋友) : 好呀, 就聽日介紹你識吖
逸徽介紹倆個女人認識對方, 凱彤表現非常大方及高興認識 Elsa, 而 Elsa
得悉凱彤的背景後, 眼睛發亮般, 並以至窩心, 至親密, 至友善的態度對待她, 對她有說不出的好感, 因跟她相熟後想必在她身上得到好處,
避免令她感到煩悶,不停找一些令她感興趣的話題; 凱彤亦樂得有人阿諛奉承, 因此跟她成為朋友, 因逸徽關係 Elsa 可成為凱彤的密友,
他們三人常約會聚餐聊天, 友誼非一般人能了解;
某天晚上他們與 Elsa 的朋友到酒吧消遣後, 因逸徽喝了點酒, 凱彤為免他駕車危險, 她準備載他和 Elsa 返回他的家
彤 : 徽, 你望下我隻手, 有幾多隻手指伸出嚟?
徽 : 你唔係以為我醉咗呀? 你咪玩我啦, 都無收埋手指, 哈哈….
彤 : 唉… 你都係唔揸得車架喇 (她是收藏了兩指)
徽 : 都話我無醉囉 (還繼續倒酒到肚裡, 對, 是倒, 不是喝, 還不止一杯, 是兩杯….沒有停止意欲)
凱彤快 Elsa 一步制止他, 捉著他的手, 還弄濕了她的衣服: 好喇, 夠喇, 徽, 我哋返屋企喇, OK, 你無醉, 我哋知喇
逸徽這刻倚在凱彤的肩搏 : 彤, 你好香
Elsa 馬上把逸徽扶起 : 徽, 我哋坐的士返屋企喇
彤 : 唔駛坐的士啦, 我載你哋返屋企啦
凱彤驅車載他們到達逸徽的家大樓下
凱彤跟 Elsa 說 : 我同你一齊扶佢上去, 跟住送你返你屋企吖
Elsa : 唔駛喇, 我自己扶佢得架喇, 佢都唔係咁醉可以行得, 我可以照顧咗佢先, 唔該晒你呀凱彤, 你真係好人
逸徽帶著半醉說 : 阿彤梗係好啦, 我最鍾意佢架
Elsa 尷尬地說 : 唔好意思, 佢飲醉咗亂講嘢, 咁 bye bye 喇
凱彤心有一刻震動, 但很快平伏 : 咁有乜事打電話比我啦, bye
Elsa 心裡仍有不悅之色, 因她首次聽到逸徽說最喜歡凱彤,但他是半醉的, 唯有安慰自己他只是醉了, 半扶逸徽返回睡房, 把他安放在床上, 到廚房拿水給他喝;
Elsa 扶他坐在床上 : 飲咗水應該會好啲架
逸徽喝水後, Elsa 把水杯拿到廚房, 他還保持坐在床上, 酒後是否基本男性對性必有所需求? 他等待Elsa 回來跟他來一個纏綿享受, 他滿腦已是女人的軀體, 但並不是Elsa, 是唯? 只有他自知了. Elsa 把水杯放回廚房返回睡房;
逸徽擁吻著 Elsa, 想脫去她的衣服, Elsa 拒絕 : 徽, 唔得呀, 咁會整親 BB 架
逸徽聽到後把原本僅有的醉意一掃而空 : 吓..有咗幾耐呀?
Elsa : 一個月囉, 所以要好小心架
逸徽搖晃著頭部, 再用手指按頭部兩側穴位, 令自己徹底清醒 : 可唔可以落咗佢呀?
Elsa 震怒地說 : 做乜要落咗我哋個BB呀?
逸徽透徹明白自己並不愛 Elsa, 她只是暫時比較合拍而有些少感覺的女人而已 : 無呀, 我仲未有心理準備做爸爸呀
Elsa 狂哭地說 : 你唔想要 BB, 咁我哋分手啦
逸徽心想分手當然最好, 但至少不能留後才可分嘛, 唯有安撫她再作打算 : 咁唔好落住喇, 但我唔想結婚喎
Elsa 仍很傷心 : 遲早都要結婚架啦, 總之我就唔會落個 BB 架啦
逸徽已對她的僅餘感覺也消失了 : 你有咗 BB 就唔好上嚟咁多喇, 我唔想整親佢嘛
Elsa : 你唔想見我就搵啲咁嘅藉口啦
徽 : 你點諗我都無辦法, 上嚟前唔該同我講聲, 呢度話晒唔係你屋企嚟架
沒有留言:
張貼留言