劣盤根 （二）

劣盤根 （二）



逸徽現在有如天上注滿鉛的烏雲恨恨而重重地壓在他的頭頂上, 別無他選,非自願的負擔無情地壓得他半死, 暫時可抛開那女人的週五晚上, 逸徽致電約會凱彤晚上酒吧傾訴;

徽 :   唉, 我都唔點算, Elsa 有咗呀

凱彤聽到後不相信自己的耳朵 :  乜話你講多次

徽 :   我唔想做爸爸住呀, 佢有咗 BB 呀

凱彤驚訝 :   你哋做乜咁唔小心呀

徽 :   佢有食避孕丸架, 點知佢做乜突然停食先至得架

彤 :    咁即係佢單方面要喇, 咁係佢自己嘅責任嚟架喇

徽 :   係咪佢嘅責任都好啦, 佢唔肯落呀, 想同佢分手都唔得啦, 佢一定係想用個 BB 威脅我同佢結婚啦

彤 :   咁都無計架喎, 天意嚟

逸徽這晚不停地自斟自飲, 喝多平常的酒量, 若凱彤有駕車必定拒絕酒精飲品, 她唯有急召一男性朋友幫忙一起載他回家,她用逸徽從前給她的搖控鎖開啟停車場電閘, 那男友人扶著逸徽, 她用智能咭進入停車場與大廈間的木門,再用鎖匙嘗試開家居門, 他的家居大門是沒有鐵閘的只有木門, 居然成功地打開了, 逸徽並沒有更換門鎖或鎖匙啊!


他們入到屋內, 她當然非常熟悉他家裡的一切,數個月前她還是這裡的常客更是女主人呢, 時移勢逆, 今非昔比, 全屋女主人的用品已全換了別人的, 就像當初自己是常客時更換別人的用品一樣

感慨地和那男友人合力扶他到床上後

凱彤跟那男友人說 :   我比佢飲啲熱水後就會走架喇, 好采你响度, 唔係我一個女人都唔知點搞佢, 今次仲醉成咁, 你可以走先架喇, 唔該晒

男友人 :   唔駛客氣, 你幾時要幫手, 我一定會幫你架嘛, 其實我仲等緊你架 (他們從前是情侶關係,是凱彤不喜歡他, 跟他分手的)

那男友人離開後, 她到廚房拿溫水返回睡房扶他坐起喝水,還弄濕了他的衣服, 唯有替他脫下西裝及所有衣服, 再用溫水毛巾象徵式地給他清潔身體, 曾經那麼熟悉的身體, 而且自己蠻有信心他是愛自己的男人, 現在醉倒睡在自己面前, 輕力地撫摸著他的胸膛, 再在她熟悉衣櫃的抽屜裡拿出他的睡衣替他穿上.

貼在他耳邊說 :  徽, 我走喇

逸徽面部熨燙, 伸手捉著凱彤的手 :    唔好走, 陪我吖

凱彤沒好氣笑著對他說 :    我係凱彤呀, 唔係 Elsa 呀, 係咁先啦, 下次再同你飲過啦, 但下次輪到我飲酒架喇, 次次都要我做司機...哈哈..

逸徽一手把凱彤拉倒到自己身上, 雙手擁抱著她, 聲音模糊不清 :   我想要, 比我吖

他反轉凱彤按著她, 把手伸進她的衣服裡不停撫摸,什麼前奏也欠奉, 拉扯起她的裙, 把她的內褲連襪褲一同脫去, 凱彤心底裡是愛他的, 她下意識地配合逸徽的動作, 順利地把內褲脫掉, 逸徽便直接與她結合, 完事後便滿足地擁著她而睡, 她亦因太疲倦及動彈不得的情況下慢慢地也睡著了;

晨光初露, 逸徽被頭部撕裂般痛楚弄醒, 看到凱彤 :    彤, 唔好意思呀, 琴晚同你..

凱彤聽到後內心痛苦地立刻制止他繼續說下去 :  得喇, 我無事, 依家仲早, 你繼續瞓多陣喇, 咁我走喇

凱彤把衣裙拉正, 再穿回被他脫去的內褲及襪褲,帶著極度矛盾的心情離開;



Elsa 依然繼續經常下班後到逸徽的家過夜如同同居, 只是偶爾平日或週末才返回自己的家, 逸徽並沒有理采她, 繼續獵艷至午夜;

兩星期後的週五晚上, Elsa 週末不用上班, 決定等待他回家興師問罪, 逸徽回家看到, 不以為意, 愛理不理, 並沒有放她在眼內, 直接到睡房去;

Elsa 憤怒地 :    你估我唔知你成日响出面玩女人呀

逸徽慢條斯理地回答 :    同你一齊時, 我一向都係咁架喇, 但都唔見得你會好我好多喎, 初初同我一齊你又咪係繼續周圍搵男人, 見大家各有所好咪啱時一齊, 唔啱時咪各自精彩囉, 之後又唔知你搞邊科好似玩認真咁硬要同我齊, 依家仲要大安旨意嚟我屋企住, 無啦啦又停食藥, 有咗叫你落又唔落喎, 無得搞你咪搞出面嗰啲囉

Elsa :    嘩, 你啲乜理論嚟架,肚裡面個 BB 係你架, 你無感覺架咩

徽 :   真係無感覺喎, 其實係咪我都唔敢肯定架, 你知你之前都係玩家嚟架啦

Elsa 氣憤難消, 在梳妝椅上用力一坐, 椅腳突然折斷, 失去重心, 用右手防止跌勢,右手發出“拍”的一聲, 但她的頭仍然跌落床的木邊,整個人暈厥, 下身還流著血, 逸徽見狀急招救護車.


到達醫院準備急救前, Elsa  突然回復清醒大叫著 :    醫生, 我比人害架, 幫我報警

護士聽到立刻通知急症室裡的警察

醫生 :  太太, 放心, 我哋會幫你通知警察架喇, 依家最緊要係救咗你同你肚裡面個BB先, 你頭先暈咗架

Elsa :    我個 BB 有無事呀

醫生 :   要同你檢查下先

經急救後, Elsa 肚裡的胎兒不保, 腦部並未因碰撞而嚴重受傷, 只是撞力令其暈厥了一刻, 但她右手不單腕骨折斷, 還有神經線被折斷的腕骨割斷, 她的右手指因此失去活能力, 醫生研究是否能以手術接駁此神經線;

正當 Elsa 淚流滿臉, 女警在醫院得到她的病人基本個人資料,到場跟她落案 :   陸小敏太太, 依家方唔方便同你落口供呢?

Elsa :   Madam, 我未結婚架

女警 :  陸小敏小姐, 咁你依家方唔方便落口供呢?

Elsa :   無問題, 我可以落口供

女警 :  你頭先同醫生講你比人害, 要報案, 可唔可以講下事發經過呀?

Elsa :   我响宋逸徽屋企睡房梳妝檯張櫈到跌落嚟, 張櫈應該係比人預先整斷咗隻腳架,佢有心想我無咗個 BB 架

女警 :  佢係指邊個

Elsa :    宋逸徽, BB 個爸爸

女警 :  依家呢個宋逸徽先生會唔會响醫院呢?

Elsa :    唔知呀, 我入院時暈咗, 不過都應該係佢送我入院嘅, 因為我暈之前係同佢一齊架

女警 :  咁我哋依家 check 下送你入院個人先, 如果係佢, 我哋有機會要帶佢返警署協助調查架,有乜事需要再跟進, 我哋會再聯絡你, 麻煩你响呢份口供度簽個名吖


女警證實他就是宋逸徽後, 連同另一位警員行到他跟前;

男警 :  你係咪宋逸徽先生呀?

逸徽愕然地 :   係呀, 有乜事呢?

男警 :   麻煩攞你張身份証出嚟吖

逸徽把身份証交給警員 :   阿 Sir 有乜問題呀?

男警核對後 :  宋逸徽, 依家你同一單懷疑傷人案有關

徽 :   吓, 我傷邊個呀? 唔係 Elsa 呀? 佢自己大力坐爛張櫈跌落嚟咋喎,又關我事? 出事我都第一時間叫白車送佢入院啦, 有心傷佢都唔會留响度比人捉啦

男警 :  宋逸徽先生, 依家唔係是必要你講, 除非你自己想講啦, 但係你所講嘅, 可能用筆寫低同埋用作證供

徽 :  我無傷佢呀

男警 :  宋逸徽先生麻煩你詳細啲講事發經過吖

逸徽把整個經過原原本本地告訴警方後;

男警 :  宋逸徽先生, 依家麻煩你响份口供上簽個名, 跟住同我哋嘅同事返去案發現場搜集證據吖

逸徽跟警車返回自己的家大樓, 他被脅在倆警員之間一同步入自己的家,一班警員及鑑證搜集證據;

鑑證跟其中一看似比較高級的探員說話後, 那探員跟他說 :    宋逸徽先生, 依家證實你屋企梳妝檯張櫈其中一隻腳係有人為刻意預先据斷咗四份一,我哋有理由相信你係呢件案嘅犯案人, 因畜意傷人正式拘捕你, 依家我哋需要扣留你，你要還押拘留所，等候起訴

徽 :  我要請律師

探員 :  你有呢個權利, 可以搵律師, 同時你有權選擇邊啲人嚟拘留所探你, 呢度係一個可以叫人帶入拘留所比你嘅用品 List



逸徽為免驚動父母, 暫時腦海認識的所有人中只有最富有的凱彤可以幫到自己, 於是致電給她;

徽 : 彤, 你可唔可以幫我搵個律師嚟警局拘留所救我呀?

彤 :  乜嘢咁大件事要比警察拘留呀?

徽 :  可以嘅話你可唔可以都過嚟呢度呀?

彤 :  梗係可以啦, 我即刻同律師過嚟

凱彤接載律師迅速到達警局, 律師立刻替他辦理保釋手續同時了解案件初步拘留原因後,他們一同到凱彤獨居的豪宅商討問題;

逸徽捉緊凱彤的手 :    彤, 我諗依家剩係你可以幫到我喇

彤 :   徽, 發生乜事呀? 好擔心你呀

律師 :  宋生, 初步响警方度了解過你單案, 如果法證嗰邊唔係搵到證據, 呢單只係一單普通家居意外, 我諗你由今日起會不停咁有人問你成個案發過程架喇,依家我就要你同我再講多次, 記住, 細微位最好唔好漏.

逸徽極度無奈地看著凱彤 :   唉, 我真係一頭霧水, 無端端變咗畜意傷人 (他詳細地再跟律師說一遍)

彤 :  你平時唔坐呢張櫈架咩?

徽 :   你同我一齊住咗咁耐, 都知我唔會坐架喇, 張櫈周不時會攝咗入張梳妝檯裡面架嘛, 而且咁細張四隻腳又幼, 我咁高大坐得多都會爛啦, 又真係估唔到咁兒戲咁矮跌落嚟 BB 都會無咗架喎, 真係奇怪, 仲要咁啱佢用隻手撐住整傷咗, 好采佢撞到個頭無事咋, 唔係仲大劑呀

彤 :   係咪本身張櫈已經爛爛哋架喇

律師 :   警察拘留得, 就有足夠證據係人為架喇, 我諗我要同你一齊去你屋企睇睇現場有啲乜嘢環境證物, 你一時無留意而又漏咗無講比我聽嘅

彤 :   好吖, 我都一齊去



凱彤駕車載他們到逸徽的大廈停車場用搖控開啟電閘, 泊車在訪客車位後, 逸徽用智能咭開啟停車場及大廈間的木門, 到達家門再用鎖匙打開, 他們一同進入他的家;

徽 :   律師你可以周圍睇下架

律師 :   頭先我留意到一樣嘢, 岑小姐, 你有宋生嘅停車場搖控鎖架?

彤 :   係呀, 你頭先都知啦, 我同佢以前係男女朋友嚟架嘛, 唔只有搖控鎖, 仲有智能咭同埋屋企門匙添

律師 :   宋生, 你呢個屋宛係咪一開始就係用智能咭出入架,而呢種智能咭又需唔需要定期更新架呢?

徽 :   呢度都算係比較新嘅屋宛, 一入伙就係用智能咭出入架喇,我住咗呢度五年暫時仲無人通知要更新智能咭, 我諗可能係自動更新掛,因為除咗智能咭出入, 同時都可以用密碼出入架, 以我所知反而密碼就年年轉架, 唔想記咁多嘢, 我都只會用智能咭出入, 呢度保安好得架, 仲要周圍都係 CCTV 架

彤 :   係啦, 你上次飲醉咗我送你返屋企, 先至發覺你連屋企鎖匙都無換到呀 (說到這裡, 凱彤立刻臉紅地低著頭, 再不敢眼神接觸逸徽了, 逸徽又是尷尬但又帶著愛慕的眼神看著凱彤, 這刻很難形容自己對她的感覺)

徽 :   係呀, 一入伙到依家都無換過門鎖或者鎖匙架喇

律師 :  我諗我可以用乜方法幫你喇, 今日傾住咁多先啦, 咁我走先喇

彤 :   律師, 我送你吖

律師 :   唔駛啦, 你哋好朋友傾多陣啦, 再見


律師離開後;

逸徽雙手再一次捉緊凱彤 :    彤, 你知我一向都唔會要你啲錢架啦, 我鍾意你都唔係因為你有錢, 我唔知今次要用幾多錢, 我嘅流動資金唔多, 如果唔夠嘅話, 你可唔可以借比我呀? 我真係唔想驚動我阿爸阿媽呀

彤 :   我梗係知你同我一齊唔係為咗我啲錢啦, 唔係你做乜點都唔肯搬去同我一齊住吖,要我搬過嚟同你住, 你唔駛問我借, 我都會比你啦, 有限數啫, 你可以唔還架

徽 :   唔得, 我一定會還比你, 但你要比時間我囉

彤 :   咁分灘一百年還啦, 哈哈..

逸徽一手把凱彤擁抱在懷內 :   彤, 你對我真係好, 唔駛一百年, 唔好咁睇少我

逸徽感激之情不言而喻, 實在跟凱彤成為情侶以來, 到分手後, 她仍經常進入自己的思想根源, 包涵了不同方向, 不同深淺, 不同意向的思想, 如蜻蜓觸點, 如漣漪般泛起,  還有如那久留的沉思, 每每無法肯定自己的決定是否正確. 而凱彤在他懷內郤萬般滋味在心頭.