劣盤根 (七)
逸徽晚上在父母家很早已上床就寢, 計劃明天一早回家看看凱彤怒氣是否消了,若依然蠻橫無理才跟Neil了解她在美國的情況;
早上九時許到達家門入內, 到睡房, 凱彤還在睡覺, 他安心了許多, 因為至少她不再嬲怒可安睡著,他每個動作也非常輕聲, 讓她多點休息, 一刻他看到她張開眼睛;
逸徽彎下身在她耳邊說 : 做乜唔繼續做豬仔瞓多陣呀?
凱彤懶洋洋地伸腰 : 瞓醒好耐啦
徽 : 咁我煮早餐你食, 你刷牙先吖, 今晚去我阿爸阿媽屋企食飯吖, 佢哋話想見下你喎.
彤 : 你食咗早餐未呀?
徽 : 未呀, 諗住返嚟同你一齊食嘛.
彤 : 你等我刷完牙, 一齊煮吖.
逸徽此時相信凱彤這兩天的表現只是太抑鬱控制不到情緒才處於憤怒狀態, 現在的她還是那樣可愛嘛, 於是他決定不再相約 Neil見面了, 但他計劃下午前才通知 Neil;
他們一起到廚房準備早餐到飯廳享受著, 進食途中, 逸徽感覺一陣暈眩, 失去知覺, 醒來時, 他各一手被凱彤分別捆綁著餐椅邊後, 雙腳也同樣分別各一腳被捆綁著緊著椅腳邊,她在準備早餐時把迷藥落於逸徽的橙汁裡;
逸徽此刻知道她真正如Neil形容的性格了, 他已不懂恐懼, 只腦內籌謀著如何鬆開自己手腕的繩索 : 做乜綁住我呀?
凱彤坐在逸徽面前, 溫柔微笑著 : 無呀, 今日我想要同你講清楚, 同你一齊咁耐有乜感覺啫.
逸徽只不停把繩索和餐椅的木質面磨擦盡快弄斷 : 彤, 你唔好諗埋一邊啦, 我對你點你感覺唔到架咩?
凱彤臉部開始出現陰沉的表情 :
從來都無人可以同我講分手, 只有我唔要嘅嘢或者人,你以前同我一齊半年, 我哋好開心, 以為你真心真意愛我, 點知响我好安心你愛我時,
你居然同我講分手, 你知嗎, 從來無人可以飛我,响你之前美國已經有三個男人比我搞到佢哋坐監架喇,
返香港後幾個男人都係我飛佢哋嘅,只有你同我講分手, 我係唔會放過你架;
彤繼續 :
我諗住搵機會引番你同我一齊, 跟住飛番你, 再搞到你坐監, 點知你無幾耐已經有個新女朋友, 激死我, 好采你對佢都係玩玩下啫,
咁我即係仲有機會報仇啦,於是我計劃搵咗個樣靚睇落比真實年齡大嘅十四歲緩交妹 Chloe 同你搞, 仲拍低咗片, 諗住引番同你一齊跟住飛番你,
之後再用段片做大你嘅犯案性質, 比全世界知你點荒淫法, 就算你個律師幾叻都同你拆唔掂, 搞到你衰十一坐監;
逸徽驚愕地 : 原來嗰個 Chloe 係你搵架, 我坐監又對你有乜好處呢?
(此時逸徽褲袋裡的電話來電震動著, 他心想為何自己要選用性能如此好的智能電話,現在如何接觸顯示屏接通來電讓對方知道自己的險境呢)
凱彤精神仍然處於半癲半呆狀態繼續告訴逸徽她自己對他的心路歷程;
彤 :
你坐監對我好處就係要比你知飛我唔會有好嘅下場, 點知之後有晚你同我講嗰個 Elsa 有咗你個 BB, 當時激到我死,
即係你會因為佢有咗唔會同番我一齊啦, 咁我嘅計劃咪衰硬喇, 嗰晚你仲醉到爛泥咁, 送你返屋企時, 先至知你連鎖匙都無換過,
之後你仲同我咩..... 第朝你居然想再講飛多我一次嘅說話, 我咪阻止你唔比你講囉, 我好嬲, 就諗住既然你連鎖都無換, 即係除咗我,
你以前嘅女人都會你屋企嘅鎖匙架啦, 咁我咪將計就計搞掂個 BB, 令到 Elsa 告你, 再用錢幫你解決問題,
等你覺得我對你好再同番我一齊時比我飛番你, 先再用嗰條片搞到你坐監;
彤繼續 :
嗰時我每日會去你屋企落啲好寒涼嘅中藥粉去你屋企雪櫃裡面所有飲品度除咗水, 男人飲咗唔會有事架, 女人有咗就會好快出事,
仲响梳妝檯張櫈据斷咗四份之一, 等佢坐得一段時間後坐爛跌低撞落床邊整傷, 嗰時應該啱啱 BB 有機會因佢緊張抽縮子宮而無咗,
而佢又傷咗,一定會唔甘心去告你.
徽 : 你咁都諗到, 如果佢唔告我, 你又點呢?
彤 : 你介紹嗰個 Elsa 我識時, 佢成日好主動咁約我行街架, 我起晒佢底, 知道晒佢嘅性格, 唔洩底鍾意攞著數嘅人, 佢一定會告架.
徽 : 唉…又比你搏到
彤 :
係呀, 我成功令佢告你, 點知你居然咁有骨氣加上你啲積蓄又夠比律師費喎, 咁我又點可以用錢令你對我感動呢,於是我就叫你同我都識啲朋友
Ernest 同你去澳門走一轉, 暗中聯絡大耳窿比生意佢哋做, 加啲錢比佢哋跟蹤你睇下你入邊間賭場再跟住你入賭場,
呃你入局借佢哋啲錢,咁我咪可以用錢幫你渡過難關囉.
(逸徽褲袋裡的電話再次來電震動著, 他嘗試磨擦電話, 結果我們現在世界偉大的發明之一智能電話那會如此不堪一擦已可按通呢)
徽 :
吓, 澳門單嘢都係你做架, 唉...其實你唔駛澳門單嘢我都已經好鍾意你架喇, 你响法庭單嘢唔係用錢感動我架, 你周圍搵人幫我已經令我好感動架喇,
雖然依家知道係你一手計劃出嚟嘅, 但我仲係相信你搵我啲前度幫我時, 你係出自真心幫我架, 彤, 好多嘢係錢買唔到架.
彤 : 係咩? 响我人生比我知錢真係做到好多嘢架喎, 咁好采, 點知天助我也, 嗰個 Elsa 又咁啱問你攞手術費, 咁我咪仲可以用多啲錢幫你囉.
徽 : 唉...你點解會咁架
凱彤此時臉上除了半癲半呆的表情, 還多了沾沾自喜的笑容;
彤 : 結果你真係感動咗請我食飯, 嗰日我心情不知幾好揸車去你屋企,諗住同番你一齊後, 即刻飛番你, 再用 Chloe 套片令你翻唔到身.
徽 : 但你無咁做喎
彤 :
就係你煮餐飯比我食嗰晚同我講番說話, 原來你同我分手唔係因為唔鍾意我,只不過係我太有錢令你有壓力,
之後仲你攬住我同我講你飲醉嗰晚已經想同番我一齊,我好感動, 嗰刻我決定唔再令你坐監, 用心去觀察你, 發覺你對我真係好好,
我亦因為咁真係愛上咗你,所以我要完全擁有你.
徽 : 咁咪好囉, 做乜依家要綁住我呀?
彤 : 你開始同啲損友飲嘢, 我好嬲, 好驚你又開始玩其他女人, 諗辦法令你同班損友決裂, 用錢買間生意失敗咗嘅日本餐廳, 引你哋夾份投資, 因財失義, 普通兄弟都會反目啦, 更何況係損友,幾容易搞掂呀.
逸徽早已知道此事了長嘆了一聲 : 唉....... 咁我都對你一心一意啦, 你做乜仲咁激對我呀?
彤 : 你話你晚晚開 OT, 我真係唔信囉, 唔可以再比第二啲女人掂你架.
徽 : 我真係 OT 呀, 你可以打電話問下我老細架,再唔係問下我間海外總公司嘅同事都得架.
彤 : 係吖, 可能有 OT 但唔係成個星期囉.
徽 : 唉, 你唔信我都無辦法
彤 : 嗱 , 前晚你就係咁嘅態度喇, 唔理我就瞓咗覺.
徽 : 我控制唔到, 做公司嘢太攰喇, 想連涼都唔沖就瞓添呀, 驚你唔鍾意先至沖咋.
彤 : 咁第二日呢, 仲即刻走咗去, 又唔理我, 仲夜晚都唔返, 話去你阿爸阿媽屋企瞓.
徽 : 我唔想我哋再鬧交, 先至想我哋倆個冷靜下啫, 我係响佢哋屋企瞓架.
彤 : 電話女人聽架
徽 : 哎吔, 我阿媽嚟架.
彤 : 你講乜都得架啦, 唔想其他女人掂你, 唯一方法就係殺咗你.
逸徽驚嚇地明白到眼前的凱彤已愛自己達到瘋癲程度了, 嘗試安撫她 : 彤, 我對你一心一意架,你唔駛咁做架.
彤 : 响呢刻係, 點知你以後點呀, 你以前不停咁玩架.
徽 : 我保證一生一世只愛你一個
彤 : 唔信得過, 只有你死咗, 先至永遠屬於我架, 我哋一齊死咁就永遠一齊架喇.
徽 : 彤, 唔駛死都會永遠一齊架.
凱彤傻笑著 : 我知錢係搞唔掂你架喇, 只有你死咗, 你先至唔會再同第二啲女人一齊架.
徽 : 彤, 仲有愛呀.
彤 : 就係因為我愛你, 所以先至要殺死你呀.
凱彤已用利剪把逸徽其中一手腕上的麻繩割斷, 再用鋒利無比的手術用刀深深割斷他手腕的大動脈,時間慢慢地流逝, 凱彤只不斷微笑看著逸徽, 並沒有自殺的動機, 一段時間後, 大門有人按門鈴;
逸徽用盡所有氣力高聲求救 : 救命呀, 快啲救我哋呀 (因為他還是恐怕凱彤將會自殺)
大門外是 Neil, 因 Neil 致電給他, 沒有接聽, 以他偵探頭腦分析, 不怕一萬只怕萬一, 逸徽昨晚才親自認同凱彤的問題,
約會今天下午, 但又遲遲不能接聽電話, 有可能有事發生, 他純粹估計他們正在他的家裡, 於是碰運氣可否找到逸徽,
急召的士前往大樓通過大廈保安登記後才到達他家門, 結果逸徽非常幸運被自己找到; Neil
立刻致電警局報案及召喚救護車以備趕不及救他們時, 救護人員可即時作出救援; Neil 再嘗試用力撞門, 因家用大門通常比較堅硬,
他幾經用多次借助衝力才能把大門撞開, 他入屋內時, 只看到逸徽手腕已被凱彤用利刀割下, 正在血泊之中, 半昏迷狀態.
凱彤看著 Neil: 係你? 不過無用吖 (說時遲那時快, 她用刀在自己手腕割下, 利刀跌落地上, 坐在逸徽身旁雙眼滿佈淚痕跟他說 : 宋逸徽你同我聽住, 我岑凱彤真係好愛好愛你架, 你永遠只係屬於我一個架)
Neil 一路急忙把身上衣服脫下緊綁在逸徽的手上盡量制止血液狂流, 一路責罵凱彤瘋婦, 自以為中心, 無藥可救, 但還是用相同方法急救凱彤, 再把他們的手往上抬起, 繼續說, 若不是自己是正常人類, 有基本人性, 否則不會理會她.
沒有留言:
張貼留言