劣盤根 （三）

劣盤根 （三）


表面證供成立, 律政司正式起訴宋逸徽畜意嚴重傷人, 等候排期法庭審判; 期間凱彤陪伴逸徽左右和跟進司法程序;

凱彤跟律師商量找出逸徽從前所有曾經在他家裡同居過的女友, 結果經過多方面的搜尋, 可找到的名字的已有八個, 找不到的有可能不計其數, 他們的搜尋團隊接觸她們八人,其中只有兩人還保存著逸徽家裡的鎖匙, 凱彤決定親自接觸她們, 但最後只有一位願意與她傾談的前度女友施靜婷, 凱彤告訴她逸徽需要她的幫忙

區域法院上庭當日逸徽否認控罪, 檢控官提出有力證據, 辯方逸徽代表律師要求兩名有力證人出庭作證, 倆證人分別作出宣誓誓詞後, 律師與證人對話如下;

律師 :  施靜婷小姐, 你同我當事人有咩關係呢?

施靜婷 :   我係逸徽嘅前度女友

律師 :   咁你同佢幾時係男女朋友關係呢?

施靜婷 :  大約三年前喇

律師 :   可唔可以講下點解分手呢?

施靜婷 :   哈哈...你哋睇下佢個樣, 就算唔花心, 都大把女仔主動投懷送抱啦, 我就頂唔順喇, 咪同佢分手囉

律師 :   咁你哋依家仲係咪朋友呢?

施靜婷 :   算係掛, 都好少見面喇, 如果唔係又係佢個前度女友走嚟同我講佢比人告, 我都唔知, 仲要好采我無掉到佢屋企條鎖匙啫

律師 :   點解你講好采呢?

施靜婷 :   原來佢無換過屋企嘅鎖架, 我條鎖匙仲開到佢屋企度門架,哈哈...佢都得架喇, 咁危險都得

律師 :   施靜婷小姐, 唔該晒你, 我無嘢問喇

律師 :   法官大人, 我依家想傳召另一位證人

凱彤出庭作證, 她同樣回答相同問題

辯方代表律師提出當事人, 因生活習慣五年內有數不清的女朋友擁有他家的大門鎖匙,任何一位也有可能是這次傷人案的主謀; 最後法庭因以疑點利益歸於被告的原則裁定罪名不成立, 當庭釋放, 逸徽和凱彤相擁著一刻, 逸徽對凱彤壓根底兒從認識至今已有一種虛幻難容的情感, 只是埋藏心底而已.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

案件結束, 律師費耗盡逸徽的積蓄, 心情低落; 他不忘把家門換鎖, 再沒有閒錢及心情到處獵識女孩, 每天規律地工作後返回父母家晚飯再返回自己的家,凱彤跟他通電話時知道他的情況, 她找一位他們共同認識的男性友人 Ernest 邀請逸徽到她澳門的一渡假屋遊玩散心, 逸徽接受 Ernest 的邀請, 還致電謝謝凱彤;

Ernest 和逸徽到達凱彤位於澳門的渡假屋後, 小休一刻出發旅遊, 吃喝觀光半天後, 晚上返回凱彤的渡假屋;

Ernest 心裡奇怪地問逸徽 :    點解阿彤會搵我陪你嚟澳門玩呢, 佢自己可以陪你玩架嘛, 你哋話晒以前都拍過拖嘛

徽 :    唉...都分咗手啦, 可能佢唔想我再搞佢掛, 係我提出分手先架嘛, 所以佢可能唔想藕斷絲蓮囉

Ernest :    可能係啦, 但我諗佢仲鍾意你喎, 搵人陪你都搵條仔陪, 唔搵條女陪, 一定係驚你同條女搞埋一齊啦

徽 :   唉...我梗係知佢仲鍾意我啦,你唔知咁多架喇.

Ernest :    咁我又真係唔會知你哋咁多喎, 我因為你先至識佢架嘛, 你梗係熟佢多過我熟佢啦, 你哋仲一齊住過添...你真係艷福不淺架喇.

徽 :   我好攰喇, 無心情出去玩, 瞓覺先喇, 你鍾意出去獵艷就自己出去啦, 搵女返嚟就唔該細聲啲唔叫到拆天咁就得喇.

Ernest :    嗱, 你講架,你自己唔玩咋, 咁我出去玩喇, 聽日先至再去賭場玩兩手啦, 係咁先

翌日他們到一賭場耍樂, 他們倆人並不是沉醉賭博的人,各自找不同的賭檯落注, 一小時後, Ernest 由初初勝多敗少, 到最後把他預算賭博的金錢也敗了, 他唯有離開賭檯到處找尋逸徽, 最後發現逸徽被人在賭檯上因看似手風非常順利而誘騙不停落注, 結果不能翻身, 誘騙他借非法財務公司的二十萬債, 被惡霸威脅歸還否則將會到他香港的家及工作地點追討,逸徽和 Ernest 一同返港後, Ernest 告訴凱彤逸徽被騙的消息;



另一邊廂,  醫生替 Elsa 的右手成功接駁神經線, 她要求逸徽支付手術費, 逸徽感無助, 自問為什麼倒楣事接二連三發生, 自己的命運何時開始到處碰著煤炭? 無間斷地遭逢厄運, 頭頂的烏雲不停擴散, 這烏雲還需停留多久? 自己的肩搏還能承受嗎? 為免令父母擔憂, 他打算把物業加按套取現金還清所有倒楣的債, 凱彤從 Ernest 處得知逸徽的事後致電給他;

彤 :    徽, Ernest 同我講你比人呃錢喎, 不如我幫你還咗佢吖

徽 :    唔駛喇, 我會按咗層樓嚟還.

彤 :    吓, 你按得嚟, 啲大耳窿已經走咗去你公司同你屋企搞事喇, 等我幫你還咗先啦.

徽 :    彤, 真係唔知點多謝你好, 我分期還比你吖, 其實仲有筆錢要還架, Elsa 嘅手術費呀, 你可唔可以借埋比我呀, 我一定每個月咁還比你架, 你計埋息吖.

彤 :    計乜息呀, 你有錢先至還啦, 就算唔還都得架, 一於咁話啦, 我過啲錢去你個 Bank 啦.


經凱彤的幫助下, 一切已平安無事了, 逸徽到發薪日, 扣除自己必需開資後, 立刻過剩餘的到凱彤銀行帳戶, 但翌日這數目原原本本的返回自己的帳戶, 他致電銀行了解;

逸徽 :   我想問點解我琴日過數去一個戶口, 但今日無端端全數過番嚟我個戶口嘅?

銀行職員 :   宋生, 等我 check 下先

一刻, 銀行職員回覆 :   宋生, 你嘅 transaction 無問題喎, 只不過係對方過番全數金額比你咋 , 你或者同對方了解下先啦, 宋生, 仲有乜嘢可以幫到你呢?

逸徽 :   咁無嘢喇, 唔該晒

逸徽立刻致電凱彤;

徽 :    彤, 你做乜唔收我啲錢呀?

彤 :   都話唔駛還囉

徽 :   咁唔得架喎, 你知我唔會貪你啲錢架啦, 我只係想比你知, 我鍾意你唔係因為你啲錢呀, 我係男人嚟架, 點可以洗女人錢架, 我以前唔想同你一齊其中一個原因就係唔想有朝一日會洗你啲錢呀

彤 :    如果你感覺唔好, 咁過番啲錢比我囉, 但唔一定要個個月還比我架, 如果唔夠錢洗可以唔還住架

徽 :  總之我還咗比你, 你就收咗佢啦

彤 :  好啦, 怕咗你

徽 :   彤, 其實我想約你食飯多謝你架, 但你知啦, 我依家無乜錢架嘛, 如果你唔介意搵日過嚟我屋企, 我親自學煮比你食吖, 好唔好呀?

彤 :    好呀, 但你要學幾耐先, 哈哈..

徽 :    不如就今個 weekend 啦,  我可以呢幾日請教阿媽架

彤 :     一於咁話啦, 睇下我哋呢個未來大廚煮啲乜好嘢我食先

徽 :     因為我要準備, 咁嗰日我唔接你喇, 而且我連架車都賣咗喇, 洗費少好多. 咁你自己揸車過嚟吖, 好唔好呀?

彤 :     好, 到時見吖

逸徽每天也從網上學習同時請教母親烹飪的方法, 母親心裡有數兒子肯為他自己喜歡的女孩學習烹飪, 他們將不久可了郤心願成為一女孩的老爺奶奶了, 心裡甜笑著;


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

週末黃昏降臨前, 維多利亞海港上空萬里無雲, 還帶著難得一見晶瑩剔透般的蔚藍天空伸延著的美境, 接近黃昏天上漸現稀少雲層, 凱彤由那藍藍可愛的天空漸漸變至日落醉紅色, 悠閒地駕駛著她的 Audi 2017 R8  Spyder, 心情輕鬆愉快; 家裡的逸徽相反心情緊張地準備著最後的一道菜, 凱彤到達他家門, 不得而入, 因他已更換了整個門鎖, 唯有按門鈴, 逸徽打開大門;

彤 :   哈哈...終於換鎖喇

徽 :    仲唔換咩, 依家除咗我阿爸阿媽同我, 無人有呢度鎖匙架喇.

彤 :    好采我仲有停車場搖控鎖同智能咭啫

徽 :    其實只有你有智能咭同呢度停車場搖控鎖架

彤 :    嘩, 我咁幸運呀

徽 :    之前嘅所有前度我都會問番佢哋攞智能咭架, 只有你我無問你攞番, 搖控鎖係因為得你有車囉.

彤 :    點解你又唔問埋佢哋攞鎖匙呢

徽 :    我同佢哋解釋智能咭每戶最多只發四張, 我屋企人已經用咗兩張, 所以一定要攞番, 佢哋有啲連屋企鎖匙都比番我, 有啲就 keep 住我條鎖匙, 可能覺得可以同番我一齊掛.

彤 :     點解我有特別優待呢

逸徽尷尬地 :    唔知呢, 彤, 過嚟吖 , 我已經準備咗我哋嘅晚餐喇.