劣盤根 （四）

劣盤根 （四）



逸徽讓凱彤安坐在餐卓椅上, 把檯上蓋著的三碟中式菜打開;

徽 :  彤, 我唔煮西式, 係因為你應該成日食, 同埋無乜特色, 煮得唔係咁好,都唔會太難食, 但中式就唔同喇, 煮得唔好就食唔落架喇.

彤 :   中式好難煮得好食架, 唔好食咁點算呀?

徽 :   唔緊要, 我屋企有大量即食麵, 哈哈...

凱彤打開面前蓋著的兩碗, 一是白飯, 另一是中式湯 :   嘩, 湯你都識煲, 哈哈...

逸徽傻笑著 :   阿媽教架嘛, 試下好唔好飲吖.

凱彤嘗試了一口 :  唔錯喎, 好甜呀, 乜湯嚟架?

逸徽安心地 :    問阿媽攞啲雪耳嚮螺煲架,好飲就飲多啲吖, 阿媽話對女人好架, 但我又唔知點樣對女人好法.

彤 :  哈哈...你媽咪知道你煮嘢比我食呀

徽 :  佢估掛, 我諗佢都希望我係煮嘢比女仔食啦, 煮比男人食佢仲驚呀, 哈哈...

彤 :   哈哈...點知你呀,你咁花心, 男人鍾意你都唔出奇吖.

徽 :   都要我鍾意先至得架, 唔好講啲無謂嘢喇, 試下呢三樣餸吖.

彤 :   呢樣一睇就知係蒸肉餅啦, 呢碟點唔識都知係菜嚟架啦,哈哈...但呢樣雖然我估係咖哩, 但唔知加哩乜?

徽 :   你食下吖

凱彤試著味 :   味就 OK 喎, 但好似得啲溶溶哋嘅薯仔同好細粒嘅紅蘿蔔,無其他嘢喇喎.

徽 :   吓, 唔係呀嘩 (他立刻用湯匙放入弧狀的半月形湯碗裡找尋) 點解無晒啲魚嘅?

凱彤大笑著 :  你煮到啲魚溶晒呀, 無計啦, 你都唔係廚師, 慢慢嚟, 第一次煮到兩餸一湯都成功,只係呢樣失敗啫, 好叻架喇, 起碼叻過我嘛  (再甜笑對著逸徽)

逸徽無奈尷尬地苦笑著 :   失禮晒添

他們一起吃著, 凱彤好奇地問逸徽如何烹調;

徽 :  嗱, 我依家教咗你, 以後你煮比我食架喇.

彤 :   哈哈...一餐半餐就得,下次有機會我煮比你食啦, 但唔準笑我架.

徽 :   你肯煮, 幾難食我都同你食晒佢.

彤 :   哈哈...你講架


晚餐後, 凱彤還願意放下富家小姐身段與逸徽一起執拾清潔一切食具, 飯廳及廚房, 邊做邊耍樂, 好不浪漫, 猶如新婚小夫妻般的溫馨, 清理家居後, 一起安坐在梳化上;

徽 :   彤, 唔該晒呀, 估唔到你肯落手落腳幫我洗碗, 如果我唔係無晒啲錢, 平時我會請鐘點做架, 等我還晒啲錢比你, 就可以回復以前嘅生活, 唔駛你做呢啲粗重工夫架喇.

彤 :   哈哈...一次半次無所謂, 都唔會成日上嚟食飯架啦, 你知你隨時又有個新女主人响呢度住架嘛, 下次你過我屋企, 我煮比你食, 咪唔駛執嘢洗碗囉;呢啲小事一則, 不如睇下你個酒櫃有啲乜好酒未開嘅, 開支嚟試下吖.

徽 :   其實我都想開支紅酒飲下架, 但食家常便飯飲紅酒好似唔係咁夾咪放棄咗囉.

彤 :   無所謂啦, 我哋聽日又唔駛返工, 而且我只係飲少少揸車無問題嘅.

徽 :   咁我開架喇, 但要等一陣架喎, 你知架喇, 紅酒嘅特性嘛.

逸徽到他的酒櫃拿一支 Bordeaux 的紅酒開了瓶傾斜擺放在設計獨特的金屬紅酒架上等候著, 還準備了兩隻水晶紅酒杯, 再在高級音響組合播放著柔和音樂;

徽 :   呢啲音樂啱唔啱聽?

彤 :   徽, 你做乜浪漫咗咁多嘅? 以前都唔係咁架, 同 Elsa 開始架? 定係同我之前嘅女人都係咁架?

徽 :   我一向都唔會咁對任何一個女人架, 遲啲先同你講點解.

彤 :   哈哈...你又呃我喇, 你屋企咁多酒, 唔係搵女人同你飲, 唔通你自己飲,算啦, 你唔想講無所謂, 又唔係唔知你成日出去玩架啦.

徽 :   講到好似好了解我咁, 你只係睇到我嘅表面啫, 不過係男人都咸濕架喇, 本能嚟架嘛, 但以我嚟講, 如果搵到個同自己夾嘅女人, 點都會定性架啦, 其實...

凱彤接著說下去 :   算把啦, 知架喇, 係呢, 個 Elsa 仲有無搵你呀?

徽 :  嘩, 即時 delete 晒佢啲嘢喇, 不過佢都好慘嘅, 好采隻手依家無事.

彤 :  仲關心佢咁喎

徽 :  人非草木, 佢傷咗, 我都唔會安樂嘅.

彤 :  啲酒應該飲得啦, 係咪呀?  (再站起來行到紅酒架前)


逸徽趕緊走到凱彤面前 :  等我嚟招呼你啦, 你快啲坐番响梳化啦 (他倆相對著站在一起, 逸徽還沒喝酒已想彎下身親吻凱彤了, 但他抑壓著自己, 他盛了兩杯酒, 他們各人拿著互碰酒杯, 發出一聲清脆悅耳的聲響;

徽 :   為我可以重新新生活飲杯

凱彤喝一口後 :   講到咁嚴重呀?

逸徽喝下兩口後才說 :   我好認真架, 我由呢刻開始要重新過我嘅新生活, 因為我諗得好清楚架喇.

彤 :  點過法? 咪又係瞓覺起身食早餐返工食晏放工食飯瞓覺,吖, 仲有人人都要嘅排泄, 我係女仔就要講得比較學術啲好,哈哈...

逸徽以至真誠懇的眼神看著凱彤 :
彤, 其實我掙扎咗好耐, 同你嗰半年我真係好想定落嚟架, 嗰半年除咗你, 我再無同任何一個女人一齊, 但同你一齊真係好大壓力, 你太有錢喇, 如果同你一齊, 全世界所有人都只會話我貪你啲錢,嗰時心諗與其咁大壓力, 不如做番以前嘅自己, 做個開心快活人, 但自己知除咗你之外根本無鍾意過任何一個女人, 再加上我呢排咁黑仔, 你對我不離不棄咁幫我, 對我實在太好喇, 唔止金錢上, 因為金錢對你嚟講只係小事,响心靈上你成日都支持我, 我係知架; 我同自己講, 如果我就係為咗啲人點睇我, 而唔去爭取自己鍾意嘅人, 根本就係低能, 所以我同你講, 由呢一刻開始, 我唔再好似以前咁周圍玩,其實我真係可以定性架, 唔知我哋可唔可以再响番一齊呢? 你仲鍾唔鍾意我呢?

彤 :   好呀, 有得諗, 你問我仲鍾唔鍾意你, 咁你感唔感覺到呢?

徽 :   我感覺唔到就唔會想同番你一齊啦, 咁我哋一齊番架喇喎(立刻雙手捉緊她雙手) 我有諗過買花求你同番我一齊架, 但我真係無乜錢剩, 等我還晒啲錢比你, 就一定買花比你架,响呢段時間你願唔願意陪我過啲平淡日子, 唔會成日出街食飯睇戲架喇.

彤 :   講咗無限咁多次話唔駛你還比我架囉

徽 :   如果你唔駛我還, 咁我哋唔可以一齊喇, 我唔想無晒男人嘅尊嚴呀.

凱彤白他一眼 :   好喇好喇, 大男人主義, 咁如果第二時出街玩, AA 制, 你比番你份錢我喇, 唔夠錢就遲啲還啦.

徽 :   唔得, 咁咪即係你出錢先, 一係咁, 我哋盡量唔好出咁多街食飯睇戲, 出親去都要我比錢架, 我每個月剩幾多錢都比晒你啦,直到我還晒為止啦, 好唔好?

凱彤笑臉對著他 :  你真係好大男人呀 (作狀打他的手勢)

逸徽順勢捉著她的手 :    你真係捨得打我咩?(再把她緊抱入懷) 其實嗰晚我知係你嚟架, 我忍唔住, 但你知啦, 嗰時我同你分咗手架嘛,我驚你唔鍾意, 咪同你講唔好意思囉, 想繼續講比你聽我個心點諗, 你已經唔比我講落去, 當時以為你根本就唔想同我一齊, 咁就不了了之喇.

彤 :   點知你會唔會講啲 hurt 我嘅說話呀, 咪唔比你講落去囉.

逸徽在褲袋裡拿出鎖匙交給她 :  彤, 從今以後你係呢間屋嘅唯一女主人.

彤 :   你叫我攞住你屋企鎖匙同你飲酒呀?



逸徽放下酒杯再把她的酒杯也放下, 牽著她的手, 行到她擺放手袋的地方 :   你依家以你女主人嘅身份放鎖匙入你個手袋啦.

凱彤把鎖匙放入自己的手袋後, 逸徽把她擁在懷裡 :    除非你唔再愛我,你永遠都會係我嘅人嚟架.

他們牽著手入睡房坐在床上, 逸徽輕托起凱彤的臉 :   一齊洗白白囉,好唔好呀?

彤 :   我都無睡衣响度

徽 :   著住我啲睡衣先好唔好

逸徽一手抱起凱彤到房間浴室的花灑浴間, 倆人沉醉在灑水中擁吻著, 逸徽已進入了, 任由溫水灑於他們身上, 當逸徽動作較為緩慢時, 凱彤說話, 高度差距, 逸徽暫停動作再擁著她低下頭輕聲問 :  彤, 你講乜, 我聽唔到.

彤 :   不如我哋洗白白完再出去張床吖

徽 :   哈哈...梗係好啦, 但依家你享受一陣先都好嘛.

彤 :   我驚你攰呀, 你知啦, 都幾高難度架嘛.

徽 :   咁好啦, 你幫我沖先吖.

他們互相清潔身體後, 把全身抺乾, 再到床上接力, 他按著她在床上, 倆人對望甜笑著,他撫弄著她濕滑的髮絲 :    好耐咁望你法喇

凱彤翻過身來身體壓著逸徽 :  我都好耐無咁望住你喇, 好耐無錫你全身喇, 以後無人可以再掂你.

她已開始舌吻著他, 令他全身神經線升到頂點, 慾罷不能, 他按奈不住把她翻轉反守為攻, 動作夾雜不同節奏, 令她呼叫不停, 最後轉為她主攻坐在他身上完成整個賽事,停留在最後的動作裡;

徽 :   你又嚟喇, 諗住收埋我响裡面幾耐呀?

彤 :   都係嗰句, 一世.

徽 :   最緊要你鍾意

漸漸地凱彤也感覺腳部麻痺, 轉身枕在逸徽壯闊的胸膛上.

逸徽擁抱著她 :    以後要委屈你同我一齊涯喇

彤 :   總之我話想去邊度玩就邊度玩啦, 你嘅還款期係無限期架.

徽 :   吓, 你反口呀? 我真係無錢同你周圍玩架.

彤 :    最多唔去遠嘅地方啦, 離島, 東南亞嘅國家都要玩下架嘛, AA 制啦, 最多你比錢先, 我再比番錢你咪得囉.

徽 :   好喇好喇, 一人讓一步啦, 唉...咁搞法, 咪有排都還唔晒啲錢比你囉.



逸徽和凱彤的同居生活裡, 逸徽比從前更為愉快, 因他已放下介懷, 全心全意地愛著她; 因凱彤不願到逸徽父母家晚飯, 他只有聽從她的意願每天到她的家晚膳,但逸徽已發覺凱彤表現了公主病病徵, 已不同於從前與她相處半年的時候,當時她對逸徽非常遷就, 現在的她相反大部份時間需要逸徽遷就, 但他亦諒解她,因她歸根究底是富家女出生呢;  每晚於她家晚膳後返回逸徽的家, 她家裡傭人為他們準備一切, 逸徽滿不是味兒, 明像吃軟飯呢, 但另一角度看, 她已作出讓步, 不要求天天出外用膳, 只是週末她必定要求出外用膳,但她也願意跟他到一些平價餐廳, 其他娛樂她亦願意多與他在家觀看電影.

他們其中共識的旅遊地方包括在地界地圖看不到的香港, 這點細少發光發亮的星星, 在黑夜裡像繁華閃爍的星之碎片散落到不同地區, 讓人難以忘懷, 山頂便是他們其中一個常旅遊遠足的優美自然環境, 沿途天然花草樹蔭散發幽遠的淡香, 那山岩肖壁及偶爾看到的天然微瀑布夾雜著小量鬆散泥濘, 如同呼吸著小形沼澤的天然氣味; 入夜腑瞰香港那獨一無二星光燦爛燈光, 各大廈為求創造出獨有並且別具一格的地標, 不同大廈發放著時而變幻的光影.令浪漫氣氛飈升進入忘我的二人世界. 白天香港發光發亮之處是人們的努力不懈保持著國際上的金融經濟地位, 在全球所向披靡.

至於這小星星可旅遊的離島著實也不少的, 只要我們細心地發掘, 就如他們再同居後的第一個週末休閒短宿地大嶼山; 大嶼山是香港其中一個讓香港人忘卻工作生活上煩惱的休憩好去處,大自然巧奪天工的美, 絕不遜於外地的自然環境, 多條行山徑, 行山同時讓人多親大自然; 還可到長沙海灘, 欣賞海景和戲水集合於這天然長灘.