日思夜想的偶然 (五) 穿越組合缺一不可

日思夜想的偶然 (五) 穿越組合缺一不可



醒來發覺自己已在睡房的床上， 剛好晨曦透過窗紗照耀到我的臉， 馬上伸手拿手機看看日期時間有否改變。 什麼？跟志摩一起那麼短暫已過了整晚時間？ 回想首次穿越逗留時間比這次還要短暫， 醒來也是剛剛早上啊， 是否意味著無論穿越多久， 返回現代的時差只是一個晚上呢？ 還有一個有趣現象， 到志摩年代時也是我的生辰但兩次穿越相差一年。相同地也有失聲的一刻， 告訴我不能洩漏歷史秘密， 而且更有可能基於這原因被返回現代，至於在何時返回？ 暫時不得而知了。


起床更換便裝， 正想把這套復古裝及襪拿到洗衣機，把那數片女仕生理用品拿出， 少了片啊！ 估計應是在休憩夾板睡覺時弄掉了的，想信不久可能有人拾到拿來研究生產了。 反正這是造福我們女性的產品，我也無興趣考究下去。


檢討昨晚的穿越， 成績強差人意， 絕對的幫倒忙， 為何志摩喜歡上我呢？ 無論如何必要再次穿越讓他清楚知道幼儀是何等賢淑， 但志摩看似除了著重女孩外在美和他個人認為的才華外， 彷彿並不欣賞女孩的傳統美德呢。如何令他對幼儀改觀？ 但今年雨季已過， 唯有等待雨季再臨。


兩次成功穿越後， 等待雨季再臨期間， 每天熟讀查閱志摩一生經歷， 細微地方也不能有絲毫差錯， 尤其人物時間年份地點及已發生的事情。 到週末柏翹也跟我一起查閱， 奇怪得很， 他像比我更清楚志摩的一切。

我好奇地：  「點解你咁清楚徐志摩啲嘢架 ，好似仲知得多過我咁嘅 ？」

柏翹輕撫我的臉：  「因為你囉 ， 知你鍾意佢嘛 。」

我：  「你知我鍾意佢， 你唔會呷醋架咩？」

翹：  「歷史人物有乜好呷醋呀？ 而且你都係鍾意佢嘅才華啫 。 你想鍾意佢個人都唔得啦， 哈哈...... 」

我刻意玩弄他：  「你又知我唔會鍾意佢個人， 幻想同佢乜添喎，哈哈......」

柏翹閃爍著期待的眼神：  「唔好幻想喇， 依家等我嚟滿足你啦。」

柏翹這方面永遠像無限動力似的， 當然他溫柔的前奏同樣無限地付出及愛護著我。也不清楚浪漫了多久了， 洗個清香沐浴後， 我們再次繼續仔細看志摩的事蹟。 柏翹並不詢問原因為何我突然需要確實資料， 只微笑著跟我一起翻查，詭異地我的進度永遠不及他。

因所有資料只能從書籍及網上得到， 準確性只有待真正面對志摩時才能得以證實。 在柏翹不知情下， 我還刻意把幼儀的相片以美圖秀秀加工後再打印出來，務求讓志摩知道她也有外在美的一面， 只是還沒被發掘而已。 為了以最低成本達到成功目標令志摩愛幼儀， 到淘寶網購數套接近當年的女孩裝束， 得知兩次穿越也是我的生辰而特選了秋冬季復古裝。

查看香港天文台每年的雨量最高紀錄， 最快也要每年的五月份才開始。 等待再等待， 一直等待到四月中， 開始密切留意天氣預測， 在四月最後的週五晚上看預測下週三將有雷暴警告訊號。 再次接受挑戰了。 五月還沒到農曆的五月，媽媽常告知， 沒吃過五月糉寒衣不入櫳， 端午時節為入夏之時， 在這之前天氣變化很大， 忽冷忽熱， 容易生病， 雖然流感高峰期剛剛過， 正籌謀下週一看看公司有否帶菌者， 柏翹這時致電給我。

翹：  「細 Ling 我病咗呀， 聽日我地唔拍得拖喇。」

這刻我懷疑自己是否變態的， 男友病倒還如此高興， 抑壓著興奮心情， 溫柔地跟他說： 「我聽日過嚟陪你吖 。」

翹：  「唔好喇， 我會傳染你架。」

我哀求著：  「唔會嘅 ， 我地每個weekend 先可以拍拖， 唔想等多個星期先見到你呀， 比我嚟吖  。」

翹：  「咁好啦， 咁聽日見啦， 你都唔好咁夜瞓喇， 早抖喇。」

週六晨光透入我的睡房， 起床梳洗後到廚房烹煮瑶柱碎肉粥給柏翹， 需時至少一小時， 才能烹調得美味。 等待期間， 父母準備外出晨運。

母：  「做乜晨咁早煮嘢呀？ 煮緊乜呀？ 你星期六日通常同柏翹出街唔响屋企食飯架， 咁好煮比我地食呀？」

我：  「柏翹病咗呀， 我依家煲粥攞過佢屋企比佢食架。」

母：  「仲估你咁乖煮比我地食添」

我提醒他們我在家裡大廚工作日： 「 一星期煮足五日喇喎， 仲唔夠呀。」

父：  「細佬最乖架啦 」

母：  「咁佢煮得好食嘛， 佢煮都應該架喎 。」

我揶揄媽媽： 「係呀，所以我今日煮比柏翹食，唔煮比你食囉……啦啦啦…….」

母：「無你咁好氣」

父母外出後， 瑶柱碎肉粥亦已烹調好， 盛入保溫瓶後出發到柏翹家。

柏翹母親滿臉笑容：  「細佬， 咁好過嚟陪柏翹呀。」

我：  「Auntie， 佢唔舒服， 我梗係要陪佢啦， 柏翹起咗身未呀？」

翹母：  「未呀， 你入佢間房搵佢吖 。」  (柏翹母親今天表現彷彿早已知道我和他們的兒子已有親密關係般， 並不介意我單獨到他的房間， 我想甚至關房門並不干涉呢， 也許這是男女孩的分別罷， 他們認為兒子沒有損失呢)

我：  「唔該Auntie」

入到屋內看到柏翹父親：  「Uncle 早晨呀」

翹父：  「細佬真係乖， 柏翹响房呀， 你入去睇下佢吖 。」

我： 「好呀」


我步入他的睡房內， 虛掩房門， 接近柏翹的床邊放下保溫瓶到床頭櫃， 彎下身看著他可愛的睡姿樣貌。 他被我近距離呼吸時所呼出的氣弄醒了。

柏翹睡眼惺忪地：  「都叫你唔好嚟架囉 ， 會傳染你架嘛 。」

我：  「過嚟照顧你嘛 (我用手探看他的前額) 你發燒呀，琴晚有無發燒呀？」

翹：  「有呀， 食咗退燒藥架喇， 應該無咁高燒架喇。」

我替他量探體溫， 把探熱針放入他的口腔內。 輕吻他的前額， 坐在床邊擁抱著他。

我：  「柏翹， 點解你對我咁好， 咁錫我， 咁寵我嘅 。」

他用雙手緊緊回抱著我， 不能吻我只能以臉緊貼著我的臉。我們繼續擁抱一刻後， 看看他的體溫。

我：  「仲有燒呀，100°F 呀，琴晚幾多架？」

翹：  「102°F 呀」

我：  「你呀， 咁高燒都唔同我講， 我即過嚟照顧你嘛 。」

翹：  「都夜晚啦 ， 我唔放心你夜晚嚟 。」

我：  「我煲咗啲粥你食呀， 食完再食退燒藥喇。」

用保溫瓶蓋附加的碗盛起， 扶他坐在床上，慢慢細心地餵他， 他微笑地吃著， 這刻才感覺到他的眼神有一種莫名的親切感， 看來他必定是我將來的丈夫了。

翹：  「好好味呀」

我：  「好味就食晒佢喎 。」

翹：  「一定啦， 細 Ling， 頭先你問我點解我咁錫你， 我依家答你吖， 因為我地前世有緣囉 。」

我：   「哈哈......你幾時做咗占卜命理師架。」

翹：  「前世好鍾意好愛你， 今世居然比我搵到你喎 ， 仲唔捉實你唔比你走呀。」

我：  「哈哈...... 柏翹， 你高燒燒壞咗個腦喇。」

柏翹傻痴痴地笑向著我：  「咁認真都笑我」


我不理采他更不忘今天除了跟柏翹約會還要從他身上獲得那珍貴的感冒病菌，因此跟他說：  「我今朝好早起身煲粥你食， 依家有啲眼瞓， 我想瞓陣呀，好唔好呀？」

翹：  「好呀， 但我諗我地最好閂咗度門先。」

我：  「係喎 ， 比你阿爸阿媽見到好似唔係咁好。」

翹：  「佢地一早知我哋曳曳過啦 。」

我：  「吓 ， 你話比佢哋知呀？」

翹：  「上個星期阿媽無端端同我講， 仔， 你係時候成家立室架喇，但都要記住要做足安全措施呀， 有計劃好啲 。」

我：  「佢點解會知嘅 ？ 我地次次一係我屋企無人時， 一係响出面時鐘架喎。」

翹：  「應該係你阿爸阿媽上次韓國旅行我哋短短同居咗幾日啦， 我答佢， 你有食避孕丸唔會有BB。」

我臉紅耳赤地：  「咁耐之前已經估到，到依家先至同你講嘅......」

翹：  「咁咪仲好， 以後唔駛等你阿爸阿媽去旅行， 仲唔駛去時鐘添呀，哈哈......你上床瞓吖 。」

他縮起雙腿讓我跨到他床上另一邊位置，我枕在他的胸膛上，刻意地用腿掃過他那敏感處， 停留一刻離開， 扮作不能入睡， 來回動作數次， 他本能反應在我第一次掃過時， 雖然他抱恙在身， 早已感覺到他堅挺地膨脹伸展著，將會很快作出主動回敬我。

翹：  「細 Ling， 我想要， 但我又病喎 ， 驚會傳染你呀。」

跟柏翹在這種雙方也陶醉的遊戲中，主動角色比例是八比二， 八是他， 罕有主動的我， 今天來一個渾身解數：  「唔知點解又瞓唔著， 不如我地做下床上運動， 可能幫助入睡架喎，你唔舒服等我嚟。」

等不及他的反應我們雙唇已緊貼著一起，熱情地濕吻了數十秒。

他輕力地把我推開：  「我會傳染你架」

我：「唔錫都錫咗啦 ， 唔理得咁多， 你想唔想要吖 ？」

翹：  「梗係想啦 」

或許他習慣了主動，還是他認為這才是男性壯實雄風罷！ 他把我反轉了身， 雙手按著床上， 溫柔地看著我， 最近他跟我對望的眼神裡總帶點依依不捨的感覺， 彷彿這一刻不能捉緊我不能佔有我，過一刻將會失去了我似的。 我主動地親吻他的唇， 深情地濕吻不下於一分鐘之久， 他從不錯過吻我每吋肌膚的機會，因他抱恙在身， 我採取主動， 最後戀戀而深入纏綿後， 我躺臥在他溫存的臂彎上。

這週六就在柏翹床上渡過，柏翹母親窩心地為我們準備了晚餐。 柏翹首次要求我留下陪伴在他家過夜， 相信是他父母早已默認我們的關係罷。 同時亦是我除了求學時期與同學們到郊外露營外宿， 首次外宿過夜通知父母。結果如我所料， 爸爸通過， 媽媽反對， 最後爸爸用他的方法說服了媽媽。 而我並不清楚爸爸如何說服媽媽了。


午夜睡夢中被自己發熱的體溫驚醒，這憂慮令自己不由自主地驚醒， 今天才是週日啊， 還有三天才有雷暴警告訊號， 如何令高熱體溫延續到週三？ 假若真能做到， 相信還沒到那天已被父母或柏翹捉拿到醫院的急症室了。 為何柏翹的病菌如此強悍？ 不到一天白血球為了加強抵抗， 增加不少兵力， 萬馬千軍地攻打著我那可愛柏翹身體過來的病菌， 不但柏翹進入了我身體連他的病菌亦已成功侵佔我的身體。 大失預算， 通常兩三天才病發的經驗令這次徹底失敗。

倆病患一同睡著， 柏翹初癒， 我初患。 他睡醒，因他初癒， 精力迅速回歸， 開始他的手部動作， 可是我初患啊。

我：  「柏翹， 到我發燒喇 。」

柏翹手按我的前額：  「吓  ， 係咪呢， 都話我地琴晚唔好做架啦 ， 依家到你病喇 ，咁我同你去睇醫生吖 。」

我：  「唔駛啦 ， 食Panadol咪得囉」 (還有賭博心態， 祈望可延續到週三)

翹：  「咁我陣間送你返屋企啦 ， 我响你屋企陪你。」


返回家中;

翹：  「Uncle，  Auntie」

媽媽看到柏翹雙手扶著我步行：  「做乜呀， 頭暈呀？」

我雖無力， 但本能地心裡暗叫~~ What？：  「唔係呀」

媽媽緊張地質問著：  「唔係頭暈做乜要柏翹扶呀？ 唔係有咗呀？」

爸爸也被媽媽這樣一提， 問個究竟：  「吓 ， 唔係真係有咗呀？」

我反白眼的態度：  「唔係呀， 發燒呀， 乜你地好想我有咗咩？」

媽媽急忙地說：  「梗係唔好啦 ， 唔係喇 ， 你地都係快啲結婚，唔係搞到有咗先結婚咩 。」

爸爸輕鬆地責備媽媽：  「你又駛唔駛咁誇呀， 嚇親佢地呀。」

媽媽反駁他：  「咁係吖 嘛 ， 細佬琴晚响佢屋企過夜喎。」

爸爸笑哈哈：  「咪解釋咗你聽囉 ， 依家乜年代呀。」

柏翹抱歉：  「Uncle，  Auntie， 唔好意思呀， 我琴晚傳染咗細 Ling 架。」

我：  「邊關你事， 阿媽大驚少怪， 咁都會諗到有咗。」

柏翹突然認真地：  「Uncle，  Auntie， 我一定會娶細 Ling架。」

媽媽憂慮得很：  「咁你即係話比我聽你同我個女已經咩啦」

我急忙暫停話題：  「夠喇夠喇 ， 唔好講得咁嚴重，第一， 依家年代唔同， 今日同人結婚， 唔代表永遠都係同嗰個人一齊架， 第二， 我唔一定肯嫁你架柏翹。」

柏翹聽後激動地立刻單腳跪下：  「細 Ling 我唔係講笑架， 求你嫁比我吖 。」

我也被他突如期來的表現嚇得不知所措：  「柏翹呀， 就算求婚都至少等我病好先吖， 你快啲起番身先啦 。」

父： 「係啦 ， 柏翹起番身先啦 ， 細佬依家唔舒服，你快啲扶佢入房照顧佢先啦 。」

柏翹站起：  「係嘅 Uncle，  Auntie， 我扶細 Ling 入房先喇。」

我：  「阿媽， 麻煩你今晚煮埋柏翹嗰份吖」

母：  「得啦」

翹：  「唔該晒 Auntie」


我躺臥在床上， 柏翹再次誠懇地跟我說： 「細 Ling， 無論如何， 我點都要娶你架喇， 等你應承我。」

我：  「柏翹， 點解你呢半年好似肉緊咗咁多嘅？」

翹：  「你唔好理啦， 我唔可以無咗你架。」

我：  「嘩 ， 講到好似好嚴重咁， 柏翹我都好鍾意你，但我地拍咗拖唔夠一年， 雖然你人工都好高， 但我地真係結咗婚， 住响邊？ 屋都無間， 住我地是旦一邊屋企都好似唔係咁好， 都係儲多啲錢供層樓先啦。 依家唔好講住喇，我想瞓陣先， 阿媽會煮嘢你食架喇。」

翹：  「我早你幾年畢業， 其實都儲咗筆錢架，如果問我阿爸借少少錢， 應該都夠錢比首期架。」

我：  「你咁叻仔嘅 ？ 我都有儲咗啲錢，咁咪唔駛問你阿爸借囉。 但都係唔好住， 等我搞掂晒啲重要嘢先至諗結婚吖 ， 我依家想瞓陣覺先。」

翹：  「我陪你瞓吖 」

我：  「吓 ， 你想再病過呀？」

翹：  「點會呢？ 我地都唔會錫錫架啦，只係攬住你之嘛 。」

我：  「好啦 ， 你話點就點啦。」

Panadol 的藥效如同女孩的心情， 飄忽不定， 這次極速神效， 來也匆匆去也匆匆， 到晚飯時間熱溫已敗退於我那頑強的白血球軍隊。 穿越計劃徹底失敗， 留待再次的雷暴警告訊號繼續嘗試。柏翹陪伴我到晚上睡著才回家。 一切回復如常生活。

除了李氏力場的失控情況外， 香港天文台的天氣預測某些時候非常準確，週三晚雷雨狂灑， 我還睡了一個好眠， 什麼穿越也沒有發生， 再一次證實了雷雨及高熱體溫是穿越的金鑽組合， 缺一不可。 香港雷暴黑雨或紅雨季節高峰期是每年的六至九月， 唯有繼續等待。

距離另一次的雷暴警告訊號之間的生活， 並沒有特別事情發生， 偶爾被媽媽催促早點成婚， 只因她認為我已屬於柏翹的人， 順理成章應盡快跟他成婚。 媽媽有如此傳統思想也難怪她偏寵唯一的兒子耀祖。

到六月份第一個週日的天氣預測， 終等待到下一個雷暴警告訊號是下週五晚上。一切計劃如同對上成功的方案， 週三緊密接觸病菌。 正所謂有心人嘛， 皇天並不會辜負我的；

那頑皮的同事歐Sir，為何稱呼他 Sir？並不是他年長，雖說他經常告訴我自己是“大叔”，以他的外貌、身形和談吐，我估計他只是年長柏翹少於三年甚至有可能同齡呢。他實在太頑皮了，經常作弄我，公司裡亦因他跟我的互動而籠罩著歡樂與正能量的氛圍。他雖與我並非屬於同部門，但工作上是緊密接觸的，外表頑皮，但他骨子裡是認真的，經常教導我工作上的一切，甚至工作上有困難，他也樂於協助我，私人事上他也很關心，樂意教導我，因此我稱呼他歐 Sir。

歐Sir經常跟我分享他的人生經驗，連上回病菌也願意與我分享，這趟也不例外，成功在他喝過的咖啡中，從而間接在他身上接收到，哈哈......病菌一課說笑而已，但他的確是我人生的伯樂！週五午餐後， 體內抗歐 Sir 病菌戰隊進行中。 工作後歸家途中天空已蘊釀著咆吼聲， 金鑽組合成功連線。

同樣地媽媽把洗切好的菜肉留待明天讓我擔任大廚， 她亦同樣地窩心為我準備通粉晚餐。 洗澡梳洗漱口後， 找出其中一套在淘寶網購回來的秋冬季復古裝鞋襪更換，服用 Panadol 後還帶同幼儀美圖秀秀後的照片放於衣袋內， 上床就寢，看看能否成功第三次穿越了。